9. E dia di Sabat
9.9 E Dia di Señor
1. For di ki tempu Cristo, e Palabra, tabata ku Dios “e Tata?”
Juan 1:1,2
1 Na prinsipio tabata e Palabra, i e Palabra tabata ku Dios, i e Palabra tabata Dios.
2 E tabata na prinsipio ku Dios.
2. Dor di ken tur kos a wòrdu kreá?
Efesionan 3:8, 9
8 Na ami, esun di mas menos entre tur e santunan, e grasia aki a wòrdu duná, pa prediká na e paganonan e rikesa insondabel di Cristo,
9 i pa trese na klaridat kiko ta e atministrashon di e mis¬terio ku pa siglonan tabata skondí den Dios, Kende a krea tur kos;
3. Dor di ken mundu a wòrdu kreá?
Hebreonan 1:1, 2
1 Dios, despues ku El a papia hopi tempu pasá ku e tatanan pa medio di e profetanan, na hopi okashon i na varios manera,
2 den e ultimo dianan aki a papia ku nos pa medio di Su Yu, Kende El a nòmbra komo eredero di tur kos, pa medio di Kende tambe El a traha mundu.
4. Kon Pablo un biaha mas ta ekspresá e mesun berdat?
Kolosensenan 1:16, 17
16 Pasobra pa medio di djE tur kos a wòrdu kreá, tantu den e shelunan komo riba tera, visibel i invisibel, sea trononan òf dominionan òf gobernantenan òf outoridatnan tur kos a wòrdu kreá pa medio di djE i p'E.
17 I E ta promé ku tur kos, i den djE tur kos ta konsistí,
5. Tin algu ku a wòrdu kreá sin Cristo?
Juan 1:3 Tur kos a bin na eksistensia pa medio di djE, i fuera di djE nada di loke ta eksistí no a bin na eksistensia.
6. Sabat a wòrdu traha?
Marko 2:27 I El a bisa nan: "Sabat ta poni pa hende, i no hende pa Sabat.
7. Ken a traha e sabat?
Cristo.
E konklushon ta inevitabel. Si tur kos a wòrdu kreá dor di Kristo I sin djE nada no a wòrdu kreá I e sabat tabata un di e kosnan ku a wòrdu trahá. Konklushon ta ku Cristo a traha e sabat. Dor di esei sabat ta e dia di Señor.
8. Kiko Dios a hasi den prinsipio riba e di siete dia?
Genesis 2:2 I riba e di shete dia Dios a kaba Su trabou ku El a hasi, i riba e di shete dia El a sosegá di tur Su trabou ku EI ahasi.
Ora tur kos a wòrdu kreá dor di Hesu Cristo, Ela sosegá, ku e Tata, riba e di siete dia di tur Su trabao den e obra di Kreashon.
9. Kiko Dios a hasi, despues ku Ela sosegá riba e di siete dia?
Genesis 2:3 E ora ei Dios a bendishoná e di shete dia i a santiftk'é, pasobra riba e dia ei El a sosegá di tur Su trabou ku Dios a krea i a traha.
10. Kuantu honor Christo meresé?
Juan 10:30 “Ami i e Tata ta ún."
Den e wardamentu di sabat nos ta onra Cristo na un manera igual ku e Tata
11. Cristo a warda e sabat?
Juan 15:10 Si boso warda Mi mandamentunan, boso lo keda den Mi amor; meskos ku Mi a warda e mandamentunan di Mi Tata, i ta keda den Su amor.
12. E siguidornan di Cristo a warda e sabat despues di Su morto?
Lukas 23:56 I nan a bai d kas i a prepará spesereinan i perfumenan. I riba dia di Sabat nan a sosegá di akuèrdo ku e mandamentu.
13. Nan a wardé despues di Su resurekshon?
Echonan 17:2 I segun Pablo su kustumber, el a bai serka nan, i tres Sabat siguí el a rasoná ku nan for di e Skrituranan,
Echonan 13:14, 42, 44
14 I di Perge nan a sigui biaha i a yega Antiokia di Pisidia, i riba dia di Sabat nan a drenta snoa, i a bai sinta.
42 I ora Pablo i Barnabas tabata bai, e hendenan tabata roga nan pa bolbe papia e palabranan aki ku nan riba e siguiente Sabat.
44 I e siguiente Sabat kasi henter e stat a reuní pa tende e palabra di Dios.
Echonan 16:13
13 I riba dia di Sabat nos a sali pafó di e porta di stat bai banda di un riu, kaminda nos a suponé ku tabatin un lugá pa hasi orashon; i nos a kai sinta i a kuminsá papia ku e muhénan ku a reuní.
Echonan 18:1,4
1 Despues di e kosnan aki Pablo a sali for di Atenas i a bai Korinto.
4 I tur dia di Sabat e tabata rasoná den snoa i tabata trata di konvensé hudiu i griego.
14.Riba kua dia Juan tabata den Spiritu?
Revelashon 1:10 Riba e dia di Señor mi tabata den Spiritu, i mi a tende mi tras un bos duru manera e zonidu di tròmpèt,
15. Kua dia ta e dia di Señ, segun e mandamentunan?
Eksodo 20:10 ma e di shete dia ta sabat di Señor bo Dios; riba e dia ei bo no mag hasi ningun trabou, ni abo ni bo yu hòmber ni bo yu muhé, ni bo sirbidó hòmber ni bo sirbidó muhé, ni bo bakanan, ni esun ku ta keda biba pa un tempu serka bo.
16. Dor di kua Spiritu e profetanan a skirbí?
1 Pedro 1:11 buskando pa sa ki persona òf ki tempu e Spiritu di Cristo den nan tabata indiká ora ku El a pronostiká e sufrimentunan di Cristo i e glorianan ku lo a sigui.
17. Kon e profeta Isaias, dor di e Spiritu di Cristo, ta yama e sabat di siete dia?
Isaias 58:13 Si riba dia di sabat bo warda bo pia di hasi bo mes gana riba Mi dia santu, i si bo yama dia di sabat un delisia, e dia santu di Señor onorabel, i si bo onra esaki dor di bandoná bo mes kamindanan, dor di no buska bo mes plaser, i di no papia bo mes palabra,
18. Cristo a yega di demandá un otro dia riba esun di siete komo di djE.?
No! No tin meste di specula, kua dia ta e dia di Señor. Si nos ke tuma e Palabra di Dios komo nos guia di fieldat, pa motubu di kual Juan a wòrdu di ban na Patmos
Revelashon 1:9 Ami Juan, boso ruman i ko-partisipante den tribulashon, i den e reino i e pasenshi di Jesu-Cristo, tabata riba e isla ku yama Patmos, pa motibu di e palabra di Dios i e testimonio di Jesus.
19. Si akaso Juan tabata men un dia di siman, riba kua di siman e tabata ta den Spiritu?
Riba i di siete dia.
Revelashon 1:10 Riba e dia di Señor mi tabata den Spiritu, i mi a tende mi tras un bos duru manera e zonidu di tròmpèt,