9. E dia di Sabat

9.8 E Seyo di Dios i e Marka di e Bestia  

 

1. Kiko ta e proposito di un siñal o seyo segun Beibel?
Daniel 6:9 Pesei rei Dario a firma e dokumento, esta, e dekreto.

 

2. Kiko ta e tres karakterístikanan nesesario di un seyo ofisial?
(1) E nòmber di e legislador.
(2) Su posishon ofisial, titulo di outoridat i su derecho pa reiná.
(3) Su reino o e ekstensidat su teritorio i juridikshon

 

3. Ku kiko e seyo di Dios ta konektá?
Isaias 8:16 Mara e testimonio, seya e lei entre mi disipelnan,

 

4. E prome mandamentu ta mustra ken a traha e lei
Eksodo 20:3 "Bo no mag tin otro dios Mi dilanti.
No, e no ta kla den e teksto. Ta ken ta e Mi?

 

5. E di dos, di tres, di sinku, di sies, die siete di ocho, di nuebe ta mustra ta ken a traha e lei?
Ningun di nan.

 

6. Kua preskripshon di e dies mandamentunan ta e uniko ku ta revelá e berdadero Dios i e trahado di e lei?
Eksodo 20:8-11
8 "Kòrda dia di sabat, pa santifik'é.
9 Seis dia bo mag traha i hasi tur bo trabou,
10 ma e di shete dia ta sabat di Señor bo Dios; riba e dia ei bo no mag hasi ningun trabou, ni abo ni bo yu hòmber ni bo yu muhé, ni bo sirbidó hòmber ni bo sirbidó muhé, ni bo bakanan, ni esun ku ta keda biba pa un tempu serka bo.
11 Pasobra den seis dia Señor a traha shelunan i tera, laman i tur loke tin den nan, i a sosegá riba e di shete dia; pesei Señor a bendishoná dia di sabat i a santifik'é.
Nota:
Solamente e di kuater mandamentu ta revelá e nòmber, outoridat i e teritorio di Esun ku a traha e lei aki
Den seis dia Señor o Jehová (nòmber)
A traha (Su titulo) Kreador
Shelu i tera (Su Teritorio)
Solamente e mandamentu aki ta kontené e seyo di e Dios bibu. Sabat ta inseparabelmente konektá ku e seyo aki. E sabat mester wòrdu wardá komo komemorashon di e echo, ku Dios ta kreador di tur kos; i riba su mes e ta un “siñal” di e konosementu di e gran berdat aki.

 

7. Kua motibu Dios ta duna ku Sabat ta un siñal etero entre E i Su pueblo?
Eksodo 31:17 E ta un señal entre Ami i e yunan di Israel pa semper; pasobra den seis dia Señor a traha shelu i tera, ma riba e di shete dia El a sosegá i a keda refreská."

 

8. Di kiko, Dios ta bisa, ku wardamentu o santifikamentu di e Sabat, ta un siñal?
Ezekiel 20:20 Santifiká Mi sabatnan; i nan lo ta un señal entre Ami ku boso, pa boso por sa ku Ami ta Señor boso Dios.'

 

9. Di kiko, fuera di un konosementu di Dios komo Kreado, Sabat ta siñal?
Eksodo 31:13 "Ma pa loke t'abo, papia ku e yunan di Israel, bisando: 'Siguramente boso mester warda Mi sabatnan; pasobra esaki ta un señal entre Ami i boso durante di tur boso generashonnan, pa boso sa ku Ami ta Señor, Kende ta santifiká boso.

 

10. Kua Skritura ta mustra ku un trabao spesial di seyamentu mester tuma luga lo wòrdu di los?
Revelashon 7:1-4
1 Despues di esaki mi a mira kuater angel pará na e kuater skinanan di
tera, wantando e kuater bientunan di tera, pa bientu no supla ni riba tera ni riba laman ni riba ningun palu.
2 I mi a mira un otro angel ta subi for di kaminda solo ta sali, i e tabatin e seyo di e Dios bibu; i el a grita na bos haltu na e kuater angelnan, na kendenan a wòrdu pèrmiti pa hasi daño na e tera i na e laman,
3 bisando: "No hasi daño na e tera ni na e laman ni na e palunan, te ora ku nos kaba di seya e sirbidónan di nos Dios na nan frenta."
4 I mi a tende e kantidat di esnan ku a wòrdu seyá, 144.000 seyá for di tur e tribunan di e yunan di Israel:
Lesa tambe Ezekiel 9:1-6

 

11. Unda Juan a mira e mesun kompania aki on poko tempu despues i kkiko nan tabatin riba nan frenta?
Revelashon 14:1 I mi a wak, I ata e Lamchi ta¬bata pará riba Seru Sion, i huntu kunE 144.000 ku tabatin Su nòmber i e nòmber di Su Tata skirbí na nan frenta.

12. Kiko ta wòrdu bisá di esnan seyá?
Revelashon 14:5 I mentira no a wòrdu hañá den nan boka; nan ta sin kulpa.
No a haña mentira den nan boka pasobra nan a kere e Palabra di Dios I no e warda e mandamentunan di hende.

 

13. Kon e remanente di e iglesia ta wòrdu deskribí?
Revelashon 14:12 At'aki e pèrseveransia di e santunan ku ta warda e mandamentunan di Dios i nan fe den Jesus.

 

14. Pa kua tres kosnan e terser angel di Revelashon ta spiertá?
Revelashon 14:9,10
9 I un otro angel, un di tres, a sigui nan, bisando na bos haltu: "Si un hende adorá e bestia i su imagen, i risibi un marka na su frenta of na su man,
10 lo e tambe di e biña di e furia di Dios, ku ta wòrdu bashá puru den e kòmchi di Su rabia; i e lo wòrdu tormentá ku kandela i swafel den presensia di e angelnan santu i den presensia di e Lamchi.

 

15. Kua poder den kapitulo 13 di Revelashon lo forsa e marka aki riba hende?
Revelashon 13:16 I e ta hasi ku na tur, chikitu i grandi, riku i pober, liber i esklabu, un marka ta wòrdu duná na nan man drechi òf na nan frenta,
Aki ta wòrdu mustra riba e bestia den versikulo uno. E bestia ku dos kachu ta representá Merka.

 

16. Kiko e Papado ta indiká komo marka o siñal di su poder i outoridat?
“ Pregunta; Kon bop or prueba ku e iglesia tin poder preskribí fiestanan I dianan santu?
Kontesta; Dor di e echo mes pa kambia sabat den diadominu, kual echo ta wòrdu rekonosé dor di e protestantnan.
(Abridgment of Christian Doctrine, door Eerw. Henry Tuberville,D.D., blz 58

 

17. Kiko outoridatnan katoliko ta bisa di selebramentu di diadomingu dor di e protestantnan.
Dor di Selebramentu di diadomingu dor di e protestantnan, nan ta mustra nan homenahe na e outoridat di iglesia Katoliko.
(Plain talk about the Protestantism of today,” door Monsigneur Segur, blz 113)

 

18. Kiko lo ta e aktitut di e dragon (Satanas) kontra esnan ku ta warda e mandamentunan di Dios?
Revelashon 12:17 I e dragon tabata furioso riba e muhé, i a bai pa hasi guera ku e restu di su desendientenan, kendenan ta warda e mandamentunan di Dios i tin e testimonio di Jesu-Cristo,

 

19. Kon fuerte lo wòrdu preshoná riba e adorashon falsu aki i riba e dunamentu di e marka?
Revelashon 13:15-17
15 I a wòrdu pèrmití na djé pa duna rosea na e imagen di e bestia, pa
e imagen di e bestia por a papia tambe, i pa hasi ku tur esnan ku no ta adorá e imagen di e bestia ta wòrdu matá.
16 I e ta hasi ku na tur, chikitu i grandi, riku i pober, liber i esklabu, risibí un marka na nan man drechi òf na nan frenta,
17 i ku ningun hende no por kumpra ni bende, ku eksepshon di esun ku tin e marka: e nòmber di e bestia òf e number di su nòmber,

 

20. Riba kiko e pueblo di Dios lo ta viktorioso por fin?
Revelashon 15:2 I mi a mira loke tabata parse un laman di glas mesklá ku kandela, i esnan ku a sali viktorioso riba e bestia i riba su imagen i riba e number di su nòmber, pará riba e laman di glas, ku arpanan ku Dios a duna nan.