9. E dia di Sabat

9.10  Kana manera E a Kana 

 

1. E kaminda Kristian a wòrdu mustra na nos dor di Hesus mes.
1 Juan 2:6 esun ku bisa ku e ta permanesé den djE mester kana na mesun manera ku El a kana.
1 Pedro 2:21 Pasobra boso a wòrdu yamá pa e propósito aki, komo ku Cristo tambe a sufri pa boso, lagando un ehèmpel pa boso, pa boso sigui den Su pasonan,

 

2. E pasonan, kual Hesus a laga atras pa nos pa kana den dje, ta guia inkambiabelmente na e kaminda di e dies mandamentunan.
Juan 15:10-11
10 Si boso warda Mi mandamentunan, boso lo keda den Mi amor; meskos ku Mi a warda e mandamentunan di Mi Tata, i ta keda den Su amor.
11 E kosnan aki Mi a papia ku boso, pa Mi goso por ta den boso, i
1 Juan 5:3 Pasobra esaki ta e amor di Dios, ku nos ta warda Su mandamentunan; i Su mandamentunan no ta pisá.

 

3. E kaminda ta awendia meskos ku esun ku Hesus a kana na Judea?
Hebreonan 13:8 Jesu-Cristo ta meskos ayera i awe i pa semper.

 

4. Ora prueba a wòrdu duna ku Hesus , nos Ehempel, a santifiká e di siete dia, hopi hende ta puntra: Dikon sabinan I hòmber di iglesia no a deskubrí ku den Beibel ningun outoridat ta wòrdu duná pa santifiká e prome dia?
E kontesta ta siguiente: Nan a deskubrí ku e ta asina I habiertamente nan a anunsiá esaki.

TESTIMOÑO DI HÒMBERNAN FAMOSO

E testimoñonan aki ta di pastornan, sabínan di fama i eskritornan famoso, ku tur indudabelmente a warda e diadomingu komo kustumber di iglesia.

Pero apesar na ta testigua ku no tin mandato foi beibel pe.

Eskritornan pertenesé na Iglesia Ingles.

Arsodekano Farar a bisa: “E sabat ta diasabra, e di siete dia di siman”: “ E iglesia Kristian, no un manera formal pero gradualmente, i kasi íriparabel nan a transfer a transfer un dia pa otro.

Canon Eyton di Westminster:  “ No tin ningun palabra ni indikashon den Testament Nobo ku no mester hasi trabao riba diadomingu.”  E selebramentu di Diárason di Shinishi I ayuon  prome ku Pasku ta para riba e mesun liña ku selebramentu di Diadomingu”. E dekreto di Konstantino tabat e prome stap publiko pa stipulá e prome dia di siman komo un dia di sosiegu terenal tantu pa servisio religioso… Sosiegu riba diadomingu no tin nada di hasi ku e Lei di Dios. (The ten Commandments, Trubners & Co)

“Canon Knox-Little ta bisa na esnan ku ta sita e ehempel di Cristo kontrali ku e servisio formal di e Iglesia Haltu.

E ta sigur ku nos Señor, ora e tabata riba Tera, tabata warda e Diasabra I no e Diadomingu” Oran nan ke ta konsekuente, nan mester, manera mi a bisa,  selebrá e Diasabra I no Diadomungu komo dia di sosiegu. (“Sacerdotalism,” Longman Company).

Sir William Domville: Siglonan di e organisashon Kristian a pasa, prome ku e Diadomingu a wòrdu selebrá komo sabat. (Examination of Six Texts hoofdstuk 8 blz 291)

 

5. Kua influensia Beibel i historia ta mustra, ku ta trahando den iglesia imediatamente despues di e tempu di e disipelnan?
Echonan 20:30 i for di meimei di boso mes lo lanta hòmbeman ku ta papia kosnan pèrvèrso, pa desviá e disipelnan i hasi nan bai nan tras.

 

6. Kiko Cristo a bisa tokante servisio ku tabata basa riba mandamentnan di hende?
Mateo 15:9 I ta en bano nan ta adoráMi, siñando preseptonan di hende komo doktrina.

 

7. Kiko, Ela bisa, ku lo wòrdu hasi ku tur mata ku Su Tata no a plantá?
Mateo 15:13 Ma El a kontestá i a bisa: "Tur mata ku Mi Tata selestial no a planta lo wòrdu ranká ku rais ku tur.