9. E dia di Sabat

9.6  E Sabat den Testament Nobo  

 

1. Kua dia, segun Testament Nobo, ta presedé imediatamente e prome dia di siman?
Mateo 28:1 Awor, despues di Sabat, ora dia a kuminsá habri riba e promé dia di siman, Maria Magdalena i e otro Maria a bin wak e tumba.

 

2. Kua dia e muhernan a warda despues di e krusifikshon di Hesus?
Lukas 23:56 I nan a bai d kas i a prepará spesereinan i perfumenan. I riba dia di Sabat nan a sosegá di akuèrdo ku e mandamentu.

 

3. Kua diata dia di Sabat, segun e mandamentu?
Eksodo 20:10 ma e di shete dia ta Sabat di Señor bo Dios; riba e dia ei bo no mag hasi ningun trabou, ni abo ni bo yu hòmber ni bo yu muhé, ni bo sirbidó hòmber ni bo sirbidó muhé, ni bo bakanan, ni esun ku ta keda biba pa un tempu serka bo.

 

4. Kiko tabata e kostumber di Cristo tokante dia di Sabat?
Lukas 4:16 I EI a bin Nazarèt, kaminda El a lanta komo mucha. I manera tabata Su kustumber El a bai den snoa riba dia di Sabat, i a lanta para pa lesa.

 

5. Ku kua mandato na su disipelnan Cristo a rekonosé e Sabat hopi tempu despues di Su asenshon?
Mateo 24:20 Ma hasi orashon pa boso huida no sosodé den wenter , ni riba un dia di Sabat;
Nota: E destrukshon di Jerusalem bao di Tutus a tuma luga den primavera I somer di e aña 70 n.C. E huida di e Kristiannan a tuma luga tres aña I mei mas tempran òf lat den oktober di 66 n.C ora Cestius a bini I di ripiente a retirá su ehersito.

 

6. Riba kua dia e Hudiunan tabata bin hunto pa sirbishi?
Echonan 15:21 Pasobra Moisés, for di e generashonnan antiguo, tin den tur stat esnan ku ta
predik'é, pasobra riba tur dia di Sabat e ta wòrdu lesá den snoa."

 

7. Riba kua dia Pablo i Barnabas tabata prediká na Antiochie?
Echonan 13:14 I di Perge nan a sigui biaha i a yega Antiokia di Pisidia, i riba dia di Sabat nan a drenta snoa, i a bai sinta.

 

8. Riba kua dia e paganunan a puntra Pablo pa repití e predikashi kual el a prediká riba Sabat na Antiochie?
Echonan 13:42 I ora Pablo i Barnabas tabata bai, e hendenan tabata roga nan pa bolbe papia e palabranan aki ku nan riba e siguiente Sabat.

 

9. Riba kua dia Pablo i su kompañeronan a papia ku e muhernan ku a reuní?
Echonan 16:13 I riba dia di Sabat nos a sali pafó di e porta di stat bai banda di un riu, kaminda nos a suponé ku tabatin un lugá pa hasi orashon; i nos a kai sinta i a kuminsá papia ku e muhénan ku a reuní.

 

10. Kiko tabata kustumber di Pablo tokante di Sabat?
Echonan 17:1, 2
1 Awor, pasando dor di Amfipolis i Apolonia, nan a yega Tesalónika, kaminda tabatin un snoa di e hudiunan.
2 I segun Pablo su kustumber, el a bai serka nan, i tres Sabat siguí el a rasoná ku nan for di e Skrituranan,

 

11. Kon Pablo tabata pasa e dianan di trabao durante siman, mientras e tabata na Korinto?
Echonan 18:1-3
1 Despues di e kosnan aki Pablo a sali for di Atenas i a bai Korinto.
2 el a topa un hudiu ku yama Akila, nasi na Ponto, kende resientemente a bin di Italia ku su esposa Prisila, pasobra Claudio a ordená tur hudiu pa sali for di Roma. EI a bin serka nan,
3 i pasobra e tabatin e mesun ofishi, el a keda serka nan i nan tabata traha huntu; pasobra di ofishi nan tabata trahadó di tènt.
Ezekiel 46:1 Asina Señor Dios ta bisa: "Porta di e plenchi paden, ku ta keda kara pariba, mester keda será riba e seis dianan di trabou; ma e mester wòrdu habrí riba dia di Sabat, i tambe e mester wòrdu habrí riba dia di luna nobo.

 

12. Kiko e tabata hasi riba dianan di Sabat?
Echonan 18:4 I tur dia di Sabat e tabata rasoná den snoa i tabata trata di konvensé Hudiu i Griego.

 

13. Pa kuantu tempu ela sigui ku su trabao?
Echonan 18:11 I el a keda biba einan un aña i seis luna i tabata siña nan e palabra di Dios.
Nota: E tabata setentiocho Sabatnan ku Pablo a prediká den un stat. Si nos agregá serka e setentiocho Sabatnan e tres Sabatnan na Tesalonika I un Sabat na Filipi I dos na Antiokia, anto nos tin un raportahe di ochentikuater Sabatnan ku Pablo a dirigí e reunionnan religioso, mientras ela, segun e historia di Beibel, e a tene solamente un reunion riba prome dia di siman I esaki tabata un reunion di anochi. (Echonan 20: 7) Aparentemente diadomingo no tabata e Sabat den tempu di Pablo.

 

14. Riba kua dia Juan tabata den Spiritu?
Revelashon 1:10 Riba e dia di Señor mi tabata den Spiritu, i mi a tende mi tras un bos duru manera e zonidu di tròmpèt,

 

15. Ken ta Señor di Sabat?
Marko 2:28 Asina ku e Yu di Hende ta Señor, asta di Sabat tambe

 

16. Kon Señor a yama e Sabat pa medio di profeta Isaias?
Isaias 58:13 Si riba dia di Sabat bo warda bo pia di hasi bo mes gana riba Mi dia santu, i si bo yama dia di Sabat un delisia, e dia santu di Señor onorabel, i si bo onra esaki dor di bandoná bo mes kamindanan, dor di no buska bo mes plaser, i di no papia bo mes palabra,

 

17. Di kon Señor ta yama Sabat Su dia?
Eksodo 20:11 Pasobra den seis dia Señor a traha shelunan i tera, laman i tur loke tin den nan, i a sosegá riba e di shete dia; pesei Señor a bendishoná dia di Sabat i a santifik'é.

 
18. Dor di ken Dios a krea mundu?
Hebreonan 1:1, 2
1 Dios, despues ku El a papia hopi tempu pasá ku e tatanan pa medio di e profetanan, na hopi okashon i na varios manera,
2 den e ultimo dianan aki a papia ku nos pa medio di Su Yu, Kende El a nòmbra komo eredero di tur kos, pa medio di Kende tambe El a traha mundu.
Nota: E Beibel ta rekonosé foi prinsipio te na fin solamente ún Sabat semanal, e dia riba kual Dios a sosegá; esun ku a wòrdu anunsia na Israel riba seru Sinai (Nehemias 9: 13, 14), esun ku a wòrdu wardá dor di Cristo i Su disipelnan; i ku lo wòrdu wardá dor di e salbanan den e mundu binidero.
E palabra Sabat, Sabatnan i dia di Sabat ta kom vor sesenta biaha den e Testament Nobo I tur ta mustra riba e di siete dia. Den Kolosensenan 2: 16, 17 ta wòrdu papia di e Sabatnan annual en relashon ku e tres fiestanan annual ku Israel tabata selebrá prome ku primera binida di Cristo. E prome dia di siman ta wòrdu menshoná solamente ocho biaha den Testament Nobo. Seis di nan ta wòrdu hañá den e kuater Evangelionan i nan ta referí na e dia riba kual Hesus a lantá foi morto. (Mateo 28:1; Marko 16:2, 9; Lukas 24:1; Juan 20:1, 19). E otro dos (Echonan 20:7; 1 Kor 16:2) ta mustra riba e uniko religion religioso tení dor di apostelnan riba e prome dia di siman despues di e resurekshon ku e proposito pa kolektá ofrendanan pa esnan de nesesidat na Ludea i Jerusalem.
E ta bon kla ku e Sabat den Testament Nobo ta mesun Sabat di Testament Bieu i no tin nada den Testament Nobo ku ta konfirmá ku e Sabat di siete dia a wòrdu kitá i e prome dia di siman a bin na su lugá