9. E dia di Sabat

9.5  Kristo i e Sabat  

 

1. Di kiko Cisto a bisa ku Yu di hende ta Señor?
Mateo 12:8 Pasobra e Yu di Hende ta Señor di Sabat.
Marko 2:28 Asina ku e Yu di Hende ta Señor, asta di Sabat tambe

 

2. Ken a instituí e Sabat?
Juan 1:3 Tur kos a bin na eksistensia pa medio di djE, i fuera di djE nada di loke ta eksistf no a bin na eksistensia.

 

3. Cristo a warda Sabat mientras e tabata riba tera?
Lukas 4:16 I EI a bin Nazarèt, kaminda El a lanta komo mucha. I manera tabata Su kustumber El a bai den snoa riba dia di Sabat, i a lanta para pa lesa.

 

4. Aunke e tabata Señor i wardado di Sabat, kon e Skriba i Fariseonan tabata vigilá i spioná Cristo riba Sabat?
Lukas 6:7 I e eskribanan i e fariseonan tabata ten'E bon na bista, pa wak si E tabata kura riba dia di Sabat, pa nan por a haña motibu pa akus'E.

 

5. Pa medio di kua pregunta Cristo a kontestá nan rasonnamentu i ideanan falsu tokante wardamentu di Sabat?
Lukas 6:9 I Jesus a bisa nan: "Mi kier puntra boso un kos: Lei ta pèrmiti pa riba dia di Sabat hasi bon Of hasi malu, salba un bida Of destruié?

 

6. Kon nan a mustra nan malkontenu ku Cristo a kura e hòmber ku man seku riba Sabat?
Lukas 6:11 Ma nan mes tabata furioso, i tabata diskutí ku nan kiko nan por a hasi kontra Jesus.
Marko 3:6 I e fariseonan a sali bai, i mesora nan a konsuItá ku e herodianonan kontra djE, kon nan lo por destruiE.
Nota: Nan tabata rabiá, apesar ku Cristo a duna orueba dor di e milager aki, ku E tabata di Dios. E no a mustra réspét pa nan opinion tokante wardamentu di Sabat, pero al kontrario El a mustra ku tabata robes. Nan orguyo ofendí, nan kabesura I nan mal intenshon tabata traha huntu pa yená nan ku furiosidat. I mesora na bai konsultá ku herodianonan ( nan enemigu riba tereno politico, ku tabata den desakuerdo ku nan tokante pagamentu di belasting na un poder straño) pa por destruiE.

 
7. Kiko e Hudiunan a hasi, pa motibu ku Cristo a kura un hòmber riba Sabat i bisé pa e lanta i kohe su kama i kana?
Juan 5:16 I pa e motibu aki e hudiunan tabata pèrsiguí Jesus i buska manera pa maté, pasobra E tabata hasi e kosnan aki riba Sabat.
Nota: E ta un echo ku ta digno di rekarká ku e Hudiunan no solamente tabata persiguí Hesus tokante e pregunta di warda Sabatna un manera apropiá, pero nan tabata tene konseho, kon nan lo mate. No menos ku nan mal intenshon ku finalmente a kulminá den krusifikshon ku ta resultado di e pregunta tokante wardamentu di Sabat. Hesus no tabata warda Sabat segun nan ideanan I nan ta buska pa mate. Nan no ta e uniko. Hopi awe ta karisha e mesun spiritu. Pa motibu ku algun no ta kuadra kun an ideanan tokante di Sabat o wardamentu di Sabat, nan ta purbá di persguí I oprimí nan, I ta buska pa haña leinan I sera akuerdo ku podernan politico, pa imponé konsiderashon pa nan opinionnan.

 

8. Kon Cristo a kontestá nan?
Juan 5:17 Ma Jesus a kontestá nan: "Mi Tata ta traha te awor i Mi tambe ta traha.
Nota: E funshonamentu di naturalesa, manera e ta revelá su mes den Dios su Poder todopoderoso di mantenementu, di benefisio I di kura, ta siguí riba Sabat na mesun manera ku e otro dianan; I kooperashon ku Dios I naturalesa den e obra di kuramentu, di aliviá I remediá riba Sabat, no por ta kontra e boluntat di Dios tampoko porta kibramentu di e di kuater mandamentu di Sabat.

 

9. Kua efekto e kontesta tabatatin riba e Hudiunan?
Juan 5:18 Pesei, pa e motibu aki e hudiunan mas ainda tabata busk'E pa mata, pasobra no solamente E tabata kibra Sabat, ma tambe E tabata yama Dios Su mes Tata, hasiendo Su mes igual ku Dios.

 

10 . Kua akusashon e Fariseonan a trese kontra e disipelnan di Cristo pa motibu ku riba Sabat na a piki maishi pa satisfasé nan hamber?
Marko 2:24 I e fariseonan a bis'E: "Mira, pakiko nan ta hasi loke Lei no ta pèrmiti pa hasi riba dia di Sabat?

 

11. Kiko tabata e kontesta di Cristo?
Marko 2:25-27
25 I El a bisa nan: "Nunka boso no a lesa kiko David a hasi ora ku é i esnan ku tabata huntu kuné tabata den nesesidat i a haña hamber:
26 kon el a bai den e kas di Dios den e dianan di sumosaserdote Abiatar, i a kome e pan konsagrá, loke Lei no ta pèrmiti pa ningun hende kome sino solamente e saserdotenan, i a duna esaki tambe na esnan ku tabata huntu kuné?"
27 I El a bisa nan: "Sabat ta poni pa hende, i no hende pa Sabat.

 

12. Kiko un ofisial di un sierto snoa a bisa pa motibu ku Cristo a kura un muher riba Sabat?
Lukas 13:14 I e ofisial di snoa, indigná pasobra Jesus a kura hende riba dia di Sabat, a kuminsá bisa emultitut: "Tin seis dia ku hende mester traha; bin anto riba e dianan ei pa wòrdu kurá i no riba dia di Sabat.

 

13. Kon Cristo a kontestele?
Lukas 13:15,16
15 Ma Señor a kontest'é i a bisa: "Boso, hipokrítnan, kada un di boso no ta los su buey Of su buriku for di pesebre, i hib'é pa bebe awa riba Sabat?
16 I e muhé aki, siendo un yu muhé di Abraham, kende Satanás tabatin mará pa diesocho aña, e no mester a wòrdu librá for di e kadena aki riba dia di Sabat?

 

14. Kua efekto e palabranan di Cricto tabatatin riba e hendenan?
Lukas 13:17 I ora ku El a bisa esaki, tur Su kontrapartidanan a keda na bèrguensa; i henter emultitut tabata regosihá pa tur e kosnan glorioso ku E tabata hasi.

 

15. Dor di kua manera di rasonamentu Christo e hustifiká obranan di miserikòrdia riba dia di Sabat?
Lukas 14:5, 6
5 I El a bisa nan: "Kual di boso, si su yu Of su buey kai den pos, lo no sak'é mesora riba dia di Sabat?"
6 I nan no por a kontestá riba esaki.
Mateo 12:11,12
11 El a bis a nan: "Kual di boso, si e tin ún karné i esaki kai den pos riba dia di Sabat, lo no gar'é i sak'é afó?
12 Awor, kuantu mas un hende bal kompará ku un karné! Asina anto, Lei ta pèrmitî pa hasi bon riba dia di Sabat."

 

16. Den kua posishon difisil Cristo hiba e Fariseonan dor di hasi milagernan riba Sabat?
Juan 9:16 Pesei algun di e fariseonan tabata bisa: "E Hòmber aki no ta di Dios, pasobra E no ta warda Sabat." Ma otronan tabata bisa: "Kon un hende, ku ta un pekadó, por hasi milagernan asina?" I tabatin divishon entre nan.

 

17. Kiko Cristo lo a hasi ku e lei, segun Isaias
Isaias 42:21 Señor tabata kontentu pa motibu di Su hustisia, E lo hasi e lei grandi i glorioso.
Note: Dor di tradishon, hopi preskripshonnan I limitashonnan apsurdu e Hudiunan a hasi e Sabat un karga na luga di un delisha. Cristo a kita nan tur I dor di Su bida I siñansa Ela reposishoná e Sabat komo un dia di sirbishi I benefisensha, un dia pa hasi obranan di miserikòrdia I benifisensia, kontemplá Dios. Di e forma aki Ela hasi e dia grandi I glorioso
Un di e markanan principal di ministerio di Cristo tabata e gran obra di reformashon di Sabat. Cristo no a kita e Sabat I tampoko E no a kambié. Pero Ela salbé for di e ruina di tradishon, ideanan falsu I superstishon bao di kual e tabata derá i e no tabata mas un dia di bendishon i praktikanan di benefisensia pa kual e Kreador e destine. E Fariseonan a buta e institushon di Sabat riba I kontra hende. Cristo a bira e sekuensha I a bias: “Sabat a wòrdu traha pa hende I no hende pa Sabat.” Ela mustra ku e Sabat tabata un dia pa traha pa e benefishonan, e komodidat I benefisio di hende I bestia.
Dor di e ideanan falsu ku e Hudiunan tabatatin di e Sabat, e wardamentu di dje I e lucha ku Cristo tabatin ku nan pa motibu di esei, hopi d e siguidornan konfesor di Cristo a wòrdu guiá den eror ku Sabat ta pa e Hudiunan I sin un òrdu di Dios o fundeshi bibliko a buta un otro dia na su lugá.