9. E dia di Sabat

9.4 Manera di selebrá sabat   

 

1. Kiko ta prome mandato den e mandamentu di Sabat?
Eksodo 20:8 Kòrda dia di Sabat, pa santifik'é.

 

2. Kua dia ta e Sabat?
Eksodo 20:10 ma e di shete dia ta Sabat di SEÑOR bo Dios; riba e dia ei bo no mag hasi ningun trabou, ni abo ni bo yu hòmber ni bo yu muhé, ni bo sirbidó hòmber ni bo sirbidó muhé, ni bo bakanan, ni esun ku ta keda biba pa un tempu serka bo.

 

3. Ku ki proposito nos mester rekordá e Sabat?
Eksodo 20:8 Kòrda dia di Sabat, pa santifik'é.
Nota: Durante henter e siman nos mester kòrda o tene na mente santifikáshon di e Sabat. Nada mester wòrdu hasí ku lo strobá o stor e santifikashon santu di e dia ora e yega. E wardamentu di e mandamentu aki ta kontinuamente na bienestar i ku bista riba un bida santu. E mandamentu ta un obligashon i durante henter e siman mester wòrdu wardáSabat mester wardá ora e bini. E mandamentu di Sabat por lo tantu, manera tur e otro preskripshonnan di e diez mandamentunan, mester wòrdu wardá tur ora i no solamente un dia den siman. Den e kaso aki nos tin ku hasi un distinshon entre Sabat i e mandamentu di Sabat.

 

4. Ken a santifiká e Sabat?
Eksodo 20:11 Pasobra den seis dia SEÑOR a traha shelunan i tera, laman i tur loke tin den nan, i a sosegá riba e di shete dia; pesei SEÑOR a bendishoná dia di Sabat i a santifik'é.
Nota: Dios a santifiká e Sabat; i nos mester santifiké.

 

5. Kiko ta santifiká un kos?
Dios Su presensia den dje
Eksodo 3:5 E ora ei Dios a bisa: "No yega serka di e lugá aki; kita bo sandalia for di bo pia, pasobra e lugá ku bo ta pará ariba ta santu.
Eksodo 29:43-46
43 I ayanan lo Mi reuní ku e yunan di Israel, i e lugá lo wòrdu konsagrá pa medio di Mi gloria.
44 " lo Mi konsagrá e tènt di reunion i e altar; tambe lo Mi konsagrá Aaron ku su yu hòmbeman pa sirbiMi komo saserdote.
45 I lo Mi biba meimei di e yunan di Israel i lo ta nan Dios.
46 I nan lo sa ku Ami ta Señor nan Dios, Kende a saka nan for di tera di Egipto, pa Mi biba meimei di nan; Ami ta Señor nan Dios.
Josue 5:13-15
13 Awor a sosodé ku ora Josué tabata pegá ku Jeriko, el a hisa kara wak, i mira, tabatin un Hòmber pará su dilanti ku Su spada saká for di baliña den Su man tení, i Josué a bai serka djE i a bis'E: "Bo ta pa nos of pa nos atversarionan?"
14 I EI a bisa: "No, mas bien Mi a bin awor komo Kapitan di e ehérsito di Señor." I Josué a tira su kurpa abou ku su kara te na suela, i a adorá, i a bis'E:
"Kiko mi Señor tin di bisa Su sirbidó?"
15 I e Kapitan di Señor Su ehérsito a bisa Josué: "Kita bo sandalia for di bo pia, pasobra e lugá ku bo ta pará ariba ta santu.' I asina Josué a hasi.

 

6. Kiko mester wòrdu rekonosé pa warda e Sabat santu?
Dios Su presensia den e dia, Su bendishon i e santifikashon di e dia.

 

7. Ki ora sabat ta kuminsá segun Beibel?
Genesis 1: 5,8,13,19,23,31
5 I Dios a yama e lus Dia i e skuridat El a yama Nochi. I tabata atardi i tabata mainta: e promé dia.
8 I Dios a yama e firmamentu Shelu. I tabata atardi i tabata mainta: e di dos dia.
13 I tabata atardi i tabata mainta: e di tres dia.
Sigui lesa vers 19, 23, 31
Sabat ta kuminsa kuminsá diavierno na bahada di solo.
Deuteronomio 16:6 ma na e lugá ku Señor bo Dios skohe pa stablesé Su nòmber bo mester ofresé e sakrifisio di Pasku atardi ora solo ta baha, na e ora ku bo a sali for di Egipto.
Marko 1:32 I ora nochi a sera, despues ku solo a baha, nan tabata trese serka djE tur esnan ku tabata malu i esnan ku tabata posei pa demoño.
Lesa: Deuteronomio 23:11; 1 Reinan 22:35, 56; 2 Kronikanan 18:34

 

8. Beibel ta rekonosé esaki komo e tempu rekto pa kuminsamentu i fin di Sabat?
Levitiko 23:32 E mester ta pa boso un Sabat di sosiegu kompleto, i boso mester umiyá boso alma; riba e di nuebe dia di e luna, atardi, for di atardi te atardi boso mester warda boso Sabat.
Nota: E wardamentu di Sabat según e manera ku Beibel, for di atardi te atardi, tin preferensha riba e sistema Romano ku ta konta un dia for meianochi te ku meianochi.
Según e kontamentu di Beibel nos ta lanta pa yama e dia bon bini ora e ta kuminsá i despidí di dje ora e dia kaba. Dios su kamindanan ta esunnan mas miho. Bahada di solo ta un gran siñal natural ku indiká a partimentu di tempu den dianan.

 

9. Kua typo di trabao mester wòrdu hasí durante siman?
Eksodo 20:9 Seis dia bo mag traha i hasi tur bo trabou,

 

10. Tin algu di e trabao ei ku mester wòrdu hasí riba Sabat?
Eksodo 20:10 ma e di shete dia ta Sabat di Señor bo Dios; riba e dia ei bo no mag hasi ningun trabou, ni abo ni bo yu hòmber ni bo yu muhé, ni bo sirbidó hòmber ni bo sirbidó muhé, ni bo bakanan, ni esun ku ta keda biba pa un tempu serka bo.

 

11. Kon Señor ta mustra dor di e profeta Isaias kiko ta wardamentu berdadero di Sabat?
Isaias 58:13,14
13 Si riba dia di Sabat bo warda bo pia di hasi bo mes gana riba Mi dia santu, i si bo yama dia di Sabat un delisia, e dia santu di Señor onorabel, i si bo onra esaki dor di bandoná bo mes kamindanan, dor di no buska bo mes plaser, i di no papia bo mes palabra,
14 e ora ei lo bo tin delisia den Señor, i lo Mi hasibo kore riba e halturanan di tera; lo Mi alimentábo ku e erensia di bo tata Jakob, pasobra e boka di Señor a papia.
Nota: Si Sabat ta un delisia òf un peso, ta depende riba e spiritu den kual un hende ta kontemplé. Ta bèrdat, ku e spiritu di un hende ta disidí e pregunta tokante e benefisionan ku lo bini for di kumplimentu di un deber. Un hende no por komprende di kon su bisiña ta preferá di bai misa i no deporte, simpelmente pa motibu ku nan spiritu ta deferente. Ela desaroyá e naturalesa mas haltu, te ora ku e ta preferá asuntunan spiritual riba tur otro kos i pa e, e Sabat ta un delisia. E dia ta bin na su alma kansá komo un rekuerdo na Dios i ta trese su kurason i spiritu mas serka Dios ku kualkier otro dia.

 

12. Kiko ta e karakter di Dios i kon E so por wòrdu adorá berdaderamente?
Juan 4:24 Dios ta Spiritu, i esnan ku ta ador'E mester adorá den spiritu i bèrdat.
Nota: Esaki ta un motibu, pasekiko e ta robes pa ordená wardamentu di Sabat pa medio di leinan humano. E tipo di leinan ei nunka por resultá den berdadero wardamentu di Sabat pasobra nan ta spiritual i e mester bin for di mente i kurason i no for di obligashon, mekániko o forsá.

 

13. Pa kiko Dios a duna Sabat kom un señal?
Eksodo 31:13 Ma pa loke t'abo, papia ku e yunan di Israel, bisando: 'Siguramente boso mester warda Mi Sabatnan; pasobra esaki ta un señal entre Ami i boso durante di tur boso generashonnan, pa boso sa ku Ami ta Señor, Kende ta santifiká boso.
Ezekiel 20:12 Tambe Mi a duna nan Mi Sabatnan komo un señal entre Ami i nan, pa nan por sa ku Ami ta Señor, Kende ta santifiká nan.

14. Kiko e “Salmo tokante di Sabat” ta ofresé nos komo ehempel kiko ta e bon kosnan pa hasi, kiko pa okupá nos mente i meditá riba Sabat?
Salmonan 92:2-6
2 pa deklará Bo miserikòrdia den mainta, i Bo fieldat tur anochi,
3 ku un instrumènt di dies kuèrdè, i ku arpa, ku muzik resonante, toká riba lirio.
4 Pasobra Abo, O Señor, a hasimi kontentu ku loke Bo ahasi; pa motibu di e obranan di Bo mannan lo mi kanta di goso.
5 Ki grandi ta Bo obranan, O Señor! Bo pensamentunan ta masha profundo.
6 Hende sin sintí no tin konosementu, tampoko un hende bobo no ta komprendé esaki,

 

15. Kiko e obranan di Dios ta emití?
Salmonan 19:2-4
2 Dia ta emiti palabra na otro dia, i nochi ta revelá konosementu na otro nochi.
3 No tin ni papiamentu ni idioma kaminda nan bos no ta wòrdu tendi,
4 Nan liña ta sali bai riba henter tera, i nan palabranan te na e finnan di mundu. Den nan El a lanta un tènt pa solo,
Nota: E tabata plan di Dios ku Sabat tin dirigí pensamentu di hende na obranan ku El a krea i na mes un moment na E komo Kreador. E naturalesa mes ta papia ku nos i ta bisa nos , ku tin un Dios, e Kreador I e Ser Supremo di e universe. E Sabat, ku semper ta mustra riba Dios pa medio di naturalesa, tabata destiná pa tene e Kreador kontinuamente bibu den nos pensamentu. E wardamentu di Sabat korektamente, mester prevení na un manera natural idolatria, ateismo, inkredulidat, ireferensia etc. Wardamentu korekto di Sabat ta promové konosementu di Dios i deboshon i ta opstakulisá piká. For di esaki nos por mira e importansia di e Sabat.
I pa motibu ku e ta promové konosementu di Dios I deboshon, e mester nesesariamente opstakulisá piká. Esaki ta mustrá e importansha di Sabat.

 
16. Sabat tabata destiní pa ta un dia di un konvokashon santu?
Levitiko 23:3 Seis dia boso mag hasi trabou, ma riba e di shete dia tin un Sabat di sosiegu kompleto, un konvokashon santu. Boso no mag hasi ningun trabou; ta un Sabat na Señor den tur boso lugánan di biba.

 

17. Kua ehempel Cristo a duna di wardamentu di Sabat?
Lukas 4:16 I EI a bin Nazarèt, kaminda El a lanta komo mucha. I manera tabata Su kustumber El a bai den snoa riba dia di Sabat, i a lanta para pa lesa.

 

18. Kiko Hesus a hasi mas riba Sabat?
Juan 9:14 Awar e dia ku Jesus a traha lodo i a habri su wowonan tabata un Sabat.
Note: E tabata hasi milagernan I obra di miserikòrdia.

 

19. Den kua palabranan e ta hustifiká e hasimentu di obranan di miserikòrdia riba Sabat?
Mateo 12:12 Awor, kuantu mas un hende bal kompará ku un karné! Asina anto, Lei ta pèrmitî pa hasi bon riba dia di Sabat.
Nota: Un gran parti di e ministerio di Christo tabata dediká na elevá e institushon I e karakter benefisioso di Sabat. No tabata intenshon pa e ta un dia di tristesa, severo i tristu. Obranan di apnegashon, di amor I miserikòrdia ta apropiá riba Sabat

 

20. Riba kua dia ta wòrdu mustra di ta dia di preparashon pa Sabat?
Lukas 23:54 I tabata dia di preparashon, i Sabat tabata bai kuminsá.
Eksodo 16:22,23
22 Awor a sosodé ku riba e di seis dia nan a rekohé dos bes mas tantu pan, dos omer pa kada un. Ora tur e lidernan di e kongregashon a bin konta Moisés esaki,
23 el a bisa nan: "Esaki ta loke Señor tabata kier men: Mañan ta dia di warda Sabat, un Sabat santu na Señor. Hòrna Joke boso kier hòrna i herebé loke boso kier herebé, i tur loke sobra, pone esei un banda pa ward'é te su manisé."
Note: Pa por santifiká e Sabat, nos mester kòrdé durante henter e siman I riba e di seis dia, e dia prome ku Sabat, mester tin preparashon special, pa ta kla ku asina e ora a yega, nos ta kla pa yama e Sabat bon biní i pa selebré.

 

21. Kiko e Israelitanan a hasi den desierto riba di seis dia pa prepará pa Sabat?
Eksodo 16:22 Awor a sosodé ku riba e di seis dia nan a rekohé dos bes mas tantu pan, dos omer pa kada un. Ora tur e lidernan di e kongregashon a bin konta Moisés esaki,
Note: Sabat no debe ser un dia pa trabao komun, no di hasi nada òf dibertí; pero un dia di sosiegu, meditashon, goso santu, adorashon i asistensia sagrado. E tin di ta e mehor, mas felis i mas agradabel dia di siman. Pa hoben i adulto e mester ta un dia asina. Ora nan ta masha yon, por siña nan e historia di kreashon i salbashon i hiba nan pafo, meimei e obranan di Dios i siña nan pa mira Dios pa medio di naturalesa i tin komuñon kun’E. Preparashon pa Sabat ta un eksigensia pa warda e dia di Sabat riba un manera korekto. Dios Su bendishon ta riba e dia di Sabat. Esun ku warda e Sabat manera debe ser, por spera ku e sosiegu, bendishon i santifikashon di Dios, lo wòrdu introdusí den su bida.