9. E dia di Sabat

9.1 Institushon di sabat   

 

1. Ki ora i dor di ken sabat a wòrdu instituí?
Genesis 2:1,2
1 Asina e shelunan i ter a a keda kla, i tur nan ehérsitonan.
2 I riba e di shete dia Dios a kaba Su trabou ku El a hasi, i riba e di shete dia El a sosegá di tur Su trabou ku EI ahasi.

 

2. Kiko Dios a hasi despeus di a sosegá riba e di siete dia?
Genesis 2:3 E ora ei Dios a bendishoná e di shete dia i a santiftk'é, pasobra riba e dia ei El a sosegá di tur Su trabou ku Dios a krea i a traha.

 

3. Dor di kua tres echosnan sabat a wòrdu instituí?
El a bendishoná, El a santifiká, El a sosegá

 

4. Cristo tabata tin parti den kreashon i institushon di sabat?
Juan 1:3 Tur kos a bin na eksistensia pa medio di djE (E Palabra, Cristo), i fuera di djE nada di loke ta eksistí no a bin na eksistensia.
Efesionan 3:9 i pa trese na klaridat kiko ta e atministrashon di e misterio ku pa siglonan tabata skondí den Dios, Kende a krea tur kos;
Kolossensenan 1:16 Pasobra pa medio di djE tur kos a wòrdu kreá, tantu den e shelunan komo riba tera, visibel i invisibel, sea trononan òf dominionan òf gobernantenan òf outoridatnan tur kos a wòrdu kreá pa medio di djE i p'E.
Hebreonan 1:2 den e ultimo dianan aki a papia ku nos pa medio di Su Yu, Kende El a nòmbra komo eredero di tur kos, pa medio di Kende tambe El a traha mundu.
Nota: Pa mutibu ku Cristo tabatata e persona aktivo den Kreashon, E mester a
sosegá huntu ku e Tata. Asina E ta Su dia di sosiegu komo e dia di sosiegu di e Tata

 

5. Pa ken sabat a wòrdu poní, segun Cristo?
Marko 2:27 I El a bisa nan: "Sabat ta poní pa hende, i no hende pa Sabat.
Nota: Sabat no a wòrdu traha pa Hudiunan so.E Hudiunan ta derivá nan nòmberdi Juda un di e diesdos yiuhòmbernan di Juda. Mask u dos mil añanan prome ku un Hudiu tabata eksistí, e sabat a wòrdu trahá. Ora Pablo ta bisa: pasobra di bèrdat hòmber no a wòrdu kreá pa muhé, ma muhé pa hòmber, (1 Kor 11:9), nos ta komprendé ku Dios a instituí matrimoño pa tur hende. Asina ta ku sabat. El a wòrdu trahá pa hende.
.
6. Kiko e mandamentu di sabat ta exigí?
Eksodo 20:8-10
8 Kòrda dia di sabat, pa santifik'é.
9 Seis dia bo mag traha i hasi tur bo trabou,
10 ma e di shete dia ta sabat di SEÑOR bo Dios; riba e dia ei bo no mag hasi ningun trabou, ni abo ni bo yu hòmber ni bo yu muhé, ni bo sirbidó hòmber ni bo sirbidó muhé, ni bo bakanan, ni esun ku ta keda biba pa un tempu serka bo.

 

7. Ki motibo ta wòrdu duná oa santifiká e dia di sabat?
Eksodo 20:11 Pasobra den seis dia SEÑOR a traha shelunan i tera, laman i tur loke tin den nan, i a sosegá riba e di shete dia; pesei SEÑOR a bendishoná dia di sabat i a santifik'é.
Nota: E sabat ta e konmemorativo di kreashon i e siñal di Su poder kreativo. E tabata e plan di Dios ku hende lo a konmemorá Dios eternamente komo un Dios bibu i Kreador di tur kos, dor di warda e dia aki.

 

8. Dios a bendishoná i santifiká e dia di sabat, mientras e tabata sosegá òf despues ku Su sosiegu riba e dia ei a pasa?
Genesis 2:3 E ora ei Dios a bendishoná e di shete dia i a santiftk'é, pasobra riba e dia ei El a sosegá di tur Su trabou ku Dios a krea i a traha.
Nota: Dios a bendishoná I santifiká e di siete dia despues ku El sosegá, I esei ta algu di futuro, ku lo korespondé ku e dia riba kual El a kaba di sosegá.
E akto di bendishoná I santifiká ta enserá algu di usa den futuro di e kosnan ku a wòrdu bendishoná I santifiká. Tempu pasá no por wòrdu husá mas.Esei a pasa eternamente. E bendishon I santifikashon di e dia konsekuentamente mester tin relashon ku futuro. Riba tur e di siete dia di future.

 

9. Kon Dios a pone Israel na prueba den desierto?
Eksodo 16:4 E ora ei Señor a bisa Moisés· "Mira, lo Mi laga pan yobe for di shelu pa boso; i tur dia e pueblo mester sali rekohé e porshon pa un dia, pa Mi pone nan na prueba, SI nan ta kana den Mi lei si òf nò.

 

10. Riba kua dia un dobel porshon di mana mester a wòrdu rekohé?
Eksodo 16:22 Awor a sosodé ku riba e di seis dia nan a rekohé dos bes mas tantu pan, dos omer pa kada un. Ora tur e lidernan di e kongregashon a bin konta Moisés esaki,

 

11. Ki kontesta Moises a duna e lidernan di e kongregashon?
Eksodo 16:23 el a bisa nan: "Esaki ta loke Señor tabata kier men: Mañan ta dia di warda sabat, un sabat santu na Señor. Hòrna loke boso kier hòrna i herebé loke boso kier herebé, i tur loke sobra, pone esei un banda pa ward'é te su manisé.

 

12. Ki ora Dios a bisa esei?
Den prinsipio ora El a santifiká e sabat.
Genesis 2:3 E ora ei Dios a bendishoná e di shete dia i a santiftk'é, pasobra riba e dia ei El a sosegá di tur Su trabou ku Dios a krea i a traha.
Nota: Den e desierto di Sin, prome ku Israel a yega na Sinai, Moises Jetro, su suegu: “Mi ta hasi nan konosé e statutonan di Dios i Su leinan” (Esodo 18: 16).
Esaki ta mustra ku e institushonnan i leinan tabata eksistí, prome ku nan a wòrdu proklamá riba Sinai.

 

13. Kiko algun hendenan a hasi riba e di shete dia??
Eksodo 16:27 I a sosodé ku riba e di shete dia algun hende di e pueblo a sali pa rekohé, ma nan no a haña nada.

 

14. Kon Dios a kastigá nan obedensia?
Eksodo 16:28 E ora el Señor a bisa Moisés: "Kuantu tempu mas boso ta nenga di warda Mi mandamentunan i Mi leinan?

 

15. Di kon un dobel porshon di mana a wòrdu duná riba e di seis dia?
Eksodo 16:29 Mira, Señor a duna boso sabat; pesei riba e di seis dia E ta duna boso pan pa dos dia. Tur hende keda na su lugá; no laga ningun hende sali bai for di su lugá riba e di shete dia.

 

16. Kon Dios a pone e pueblo na prueba pa mira si nan ta kana segun Su lei òf no?
Riba e punto di warda e sabat.
Eksodo 16:4 E ora ei Señor a bisa Moisés· "Mira, lo Mi laga pan yobe for di shelu pa boso; i tur dia e pueblo mester sali rekohé e porshon pa un dia, pa Mi pone nan na prueba, SI nan ta kana den Mi lei si òf nò.
Nota: Asina nos ta mira ku e mandamentu di sabat tabata parti di e lei di Dios, prome ku e lei a wòrdu proklamá riba Sinai, prome ku e yiunan di Israel a yega na Sinai, unda e lei a wòrdu proklamá
Sabat i lei a eksistí for di kreashon