8. E Lei di Dios 

8.10  E Lei i e Evangelio  

 

1. Kiko ta un di e servisionan di e lei?
Romanonan 3:20 pasobra pa medio di e obranan di Lei ningun hende lo no ta hustifiká den Su bista; pasobra dor di Lei ta bin konosementu di piká.

 

2. Ki rol e lei ta hunga pa siña nos kiko piká ta i e nesesidat di un Salbador?
Galationan 3:24 Pesei Lei a bira nos tutor i pa guia nos na Cristo, pa nos por wòrdu hustifiká pa medio di fe.

 

3. Den kua otro palabranan e evangelio ta wòrdu aklará?
Romanonan 1:16 Pasobra mi no tin bèrguensa di e evangelio, pasobra esaki ta e poder di Dios pa salbashon pa tur ku ta kere, pa e hudiu promé i tambe pa e griego.

 

4. Kiko ta e nifikashon di e nòmber ku e angel a duna Hesus prome Su nasementu?
Mateo 1:21 I e lo haña un Yu hòmber; i lo bo dun'E e nòmber Jesus, pasobra ta E ta Esun ku lo salba Su pueblo di nan pikánan."

 

5. Den ken, e poder aki pa salbá for di piká, a wòrdu revelá?
1 Korintionan 1:23, 24
23 ma nos ta prediká Cristo krusifiká, pa hudiu un piedra di trompeká, i pa pagano, lokura,
24 ma pa esnan ku ta e yamánan, tantu hudiu komo griego, Cristo, e poder di Dios i e sabiduria di Dios.

 

6. Kiko a wòrdu pronostiká tokante e posishon ku Cristo lo a asumí tokante e lei di Dios?
Salmonan 40:8, 9
8 Pa hasi Bo boluntat, O mi Dios, ta un delisia pa mi; Bo Lei ta den mi kurason.
9 Mi a proklamá bon nobo di hustisia den e kongregashon grandi; ata, lo mi no frena mi lepnan, O Señor, Bo sa esei.

7. Kiko ta e prome promesa di e aliansa nobo?
Hebreonan 8:10 Pasobra esaki ta e aliansa ku lo Mi sera ku e kas di Israel despues di e dianan ei, Señor ta bisa: lo Mi pone Mi leinan den nan mente, i lo Mi skirbi nan riba nan kurason. I Ami lo ta nan Dios, i nan lo ta Mi pueblo.

 

8. Kiko ta Cristo Su relashon ku e aliansa nobo?
Hebreonan 8:6 Ma awor EI a optené un sirbishi mas ekselente, komo ku E ta tambe e Mediador di un mihó aliansa, kual a wòrdu stablesí riba mihó promesanan.

 

9. Kon e mesun trabao aki pa hende ta wòrdu deskribí na un otro manera? 
Hebreonan 8:3, 4
3 Pasobra tur sumosaserdote ta keda nombrá pa ofresé tantu regalo komo sakrifisio; pesei ta nesesario ku e Sumosaserdote aki tambe tin aigu di ofresé.
4 Awor si E tabata riba tera, E lo no tabata un saserdote, komo ku tin saserdotenan ku ta ofresé e regalonan segun Lei,

 

10. Kiko pa nesesario na parti di hende pa risibí tur e bienestar di e trabao di Cristo?
Romanonan 10:10 pasobra ku kurason hende ta kere pa haña hustisia, i ku boka e ta konfesá pa haña salbashon.
11 Pasobra Skritura ta bisa: "Ken ku kere den djE lo no keda brongosá.

 

11. Pablo tabata konfia riba Cristo pa risibí kiko?
Filipensenan 3:8,9
8 Mas ku esei, mi ta konsiderá tur kos komo pièrdè kompará ku e balor superior di konosé Cristo Jesus mi Señor, pa Kende mi a sufri pièrdè di tur kos, i ta konsiderá nan komo basura, pa mi por gana Cristo,
9 i por wòrdu hañá den djE, no teniendo un hustisia di mi mes ku ta bin for di Lei, ma esun ku ta dor di fe den Cristo, e hustisia ku ta bin di Dios pa medio di fe,

 

12. Den ki relashon e lei ta para ku e hustisia aki?
Romanonan 3:21 Ma awor fuera di Lei e hustisia di Dios a wòrdu manifestá, di kual e Lei i e Profetanan ta testifiká,

 

13. E hustisia risibí pa medio di fe, ta anulá lei?
Romanonan 3:31 Ta anulá nos ta anulá Lei anto dor di fe? Di ningun manera! Alkontrario, nos ta stablesé Lei.

 

14. Kiko Cristo a kita?
Juan 1:29 E siguiente dia Juan a mira Jesus ta bin serka djé i a bisa: "Ata e Lamchi di Dios ku ta kita piká di mundu!

 

15. Kiko Cristo a abolí?
2 Timoteo 1:10 ma ku awor a wòrdu revelá pa medio di e aparishon di nos Salbador Cristo Jesus, Kende a aboli morto, i a trese bida i inmortalidat na kla pa medio di e evangelio,

 

16. Ki kambio a wòrdu efektuá dor di e evangelio?
2 Korintionan 3:18 Ma nos tur, ku kara sin velo, mirando manera den un spil e gloria di Señor, ta wòrdu transformá den e mesun imagen di gloria pa gloria, manera dor di e Spiritu di Señor.

 

17. Ki splikashon spiritual Cristo a duna na e di seis mandamentu?
Mateo 5:21,22
21 "Boso a tende ku a wòrdu bisá na e hendenan di promé aya: 'No mata" i 'Esun ku mata lo ta kulpabel dilanti di korte.'
22 Ma Ami ta bis a boso ku ken ku rabia ku su ruman lo ta kulpabel dilanti di korte; i ken ku bisa su ruman: 'Kèns,' lo ta kulpabel pa bai dilanti di konsilio; i ken ku bisa: 'Bobo,' lo ta kulpabel pa bai den kandela di fièrnu.

 

18. Kon El a spilka e di siete mandament?
Mateo 5:27,28
27 "Boso a ten de ku a wòrdu bisá: 'No kometé adulterio;
28 ma Ami ta bisa boso ku ken ku wak un muhé pa dese'é, ya kaba el a kometé adulterio kuné den su kurason.

 

19. Di kua profesia e siñansa aki tabata un kumplimentu?
Isaias 42:21 Señor tabata kontentu pa motibu di Su hustisia, pa hasi e lei grandi i glorioso.

 

20. Den kua promesa e evangelio a wòrdu prediká na Abraham?
Galationan 3:8 I Skritura, mirando di padilanti ku Dios lo hustifiká e paganonan pa medio di fe, di antemano a prediká e evangelio na Abraham, bisando: "Tur nashon lo ta bendishoná den bo.

 

21. A base di kiko Abraham a wòrdu kontá hustu?
Romanonan 4:3 Pasobra kiko Skritura ta bisa? "I Abraham a kere Dios i esaki a wòrdu kontá komo hustisia p'é

 

22. Den kua skritura tur speransa di wòrdu salbá pa medio di obranan, ta wòrdu destruí?
Romanonan 3:20 pasobra pa medio di e obranan di Lei ningun hende lo no ta hustifiká den Su bista; pasobra dor di Lei ta bin konosementu di piká.

 

23. Di ki manera tur kreyentenan ta wòrdu hustifká den hesus?
Romanonan 3:24 siendo hustifiká gratuitamente dor di Su grasia pa medio di e redenshon ku ta den Cristo Jesus,

 

24. Ta wòrdu sperá di kreyentenan pa keda den piká, despues di wòrdu hustifiká pa grasia?
Romanonan 6:1, 2
1 Kiko nos lo bisa anto? Nos mester sigui den piká pa grasia por oumen tá?
2 Di ningun manera! Kon nos, ku ta morto pa piká, lo sigui biba den djé?

 

25. Kiko tabata e posishon personal di Cristo pa e lei?
Juan 15:10 Si boso warda Mi mandamentunan, boso lo keda den Mi amor; meskos ku Mi a warda e mandamentunan di Mi Tata, i ta keda den Su amor.

26. Kua skritura ta mustra, ku e remanente di e pueblo di Dios lo tin e kompredementu berdadero di e relashon entre evangelio e e lei?
Revelashon 14:12 At'aki e pèrseveransia di e santunan ku ta warda e mandamentunan di Dios i nan fe den Jesus.