8. E Lei di Dios 

8.9  Kiko Cristo a abolí.  

 

1. Kua influensia e morto di Cristo na e krus tabatin riba enter e sistema di sakrifisionan?
Daniel 9:26,27
26 Anto despues di e sesent'i dos simannan e Mesias lo wòrdu kòrtá kitá afó, i lo no tin nada, i e pueblo di e prens ku lo bin lo destruí e stat i e santuario. I su fin lo bin ku un diluvio; te na fin lo tin guera; i desolashonnan ta determiná.
27 I e lo hasi un aliansa firme ku hopi hende pa un siman, ma meimei di e siman e lo pone ún fin na sakrifisio i ofrenda di mainshi; i riba hala di abominashonnan lo bin ún ku ta trese desolashon te na un destrukshon kompleto,un ku ta wòrdu dekretá, ta wòrdu dramá riba esun ku ta trese desolashon."

 

2. Kiko Cristo a klabá na su krus?
Kolosensenan 2:14 dor di kanselá e sertifikado di debe ku tabata konsistí di dekreto¬nan kontra nos i ku tabata hostil pa ku nos; i EI a kit'é for di kaminda dor di klab'é na krus.

 

3. Kiko Cristo a abolí?
Efesionan 2:15,16
15 dor di aboli den Su karni e enemistat, kual ta e Lei di mandamentunan kontení den e ordenansanan, pa den Su mes E hasi e dosnan bira ún hende nobo, asina stablesiendo pas,
16 i pa rekonsiliá nan dos den un solo kurpa ku Dios dor di e krus, matando e enemistat pa medio di djé.

 

4. Pa kiko e ordinansanan ku a wòrdu abolí tabata sirbí?
Kolosensenan 2:16,17
16 Pesei, no laga ni un hende aktua komo boso hues enkuanto komementu òf bebementu, òf enkuanto un dia di fiesta òf luna nobo òf dia di Sabat.
17 kosnan ku ta djis sombra di loke mester bin; ma e realidat ta pertenesé na Cristo.

 

5. For di kua deklarashon nos ta siña, ku e ordinansanan aki tabata relashoná ku e sistema do ofrendanan?
Hebreonan 10:1 Pasobra e Lei, komo ku e tin solamente un sombra di e bon kosnan ku ta bin i no e forma bèrdadero mes di kosnan, nunka por hasi esnan ku ta hala serka bira perfekto pa medio di e mesun sakrifisionan ku nan ta ofresé kontinuamente, aña aden aña afó.

 

6. Kiko a tuma luga durante e krusifikshon, ku tabata mustra ku e sistema simbóliko a wòrdu kitá dor di Cristo?
Mateo 27:51 I mira, e kortina di e tèmpel a sker na dos for di ariba te abou, i tera a tembla, i barankanan a spleit,

 

7. Ku kua palabranan e ta wòrdu hasí kla?
Hebreonan 10:9 Despues EI a bisa: "Mira, Mi a bin pa hasi Bo boluntat." E ta kita e promé pa stablesé e di dos.

 

8. Kiko tabata e prome kos ku El a kita?
Hebreonan 10:8 Promé EI a bisa: "Sakrifisionan i ofrendanan i ofrendanan kimá henté i sakrifisionan pa piká Bo no a deseá, ni Bo no tabatin plaser den nan" (kualnan ta wòrdu ofresí segun Lei).

 

9. Ku kua palabranan Hesus a duna e muhe na e pos di Jakob di komprendé ku e sistema seremonial di sevisio lo wòrdu kitá?
Juan 4:21 Jesus a bis'é: "Muhé, kereMi, e ora lo yega ku ni riba e seru aki, ni na Jerusalèm boso lo no adorá e Tata.

 

10. Kua kaso a surgí den tempu di e disipelnan, ku po a purba e kaso aki?
Echonan 15:1 algun hòmber.a bin for di Judea I a kummsa siña e rumannan, bisando: "Si boso no laga sirkumsidá boso segun kustumber di Moisés, boso no por wördu salbá."

 

11. Kua eksigensia e fariseonan a pone tokante e lei seremonial?
Echonan 15:24 Komo ku nos a tende ku algun ku ta di nos, sin ku nos a duna nan instrukshon, a hasi boso bira intrankil ku nan palabranan, i a trastorná boso alma, bisando ku boso mester wòrdu di sirkumsidái warda e lei

 

12. Na ki resolushon e disipelnan a yega, despues di deliberá riba e asuntu aki?
Echonan 15:28,29
28 Pasobra a parse bon na Spiritu Santu i na nos pa no pone karga mas pisá riba boso, sino e kosnan nesesario aki:
29 pa boso apstené boso mes di kosnan sakrifiká na idolo, di sanger, di kosnan ku a wòrdu sofoká i di fornikashon; si boso tene boso mes liber di kosnan asina, boso lo hasi bon.

 

13. Kua akusashon a wòrdu tresé kontra Esteban tokante su posishon pa ku e lei seremonial?
Echonan 6:13,14
13 I nan a bin ku testigunan falsu ku tabata bis a: "E hòmber aki no ta stop di papia palabranan di blasfemia kontra e lugá santu aki i kontra Lei;
14 pasobra nos a tend'é bisa ku e Jesus aki di Nazarèt lo destrui e lugá aki i kambia e kustumbernan ku Moisés a entregá na nos."

 

14. Kua akusashon eksakto na a trese kontra apostel Pablo?
Echonan 18:13 bisando: "E hòmber aki ta konvensé hende pa adorá Dios kontrario na lei."

 

15. Kua aklarashon Pablo a duna tokante su fe i su manera di sirbi Dios?
Echonan 24:14 Ma esaki mi ta rekonosé bo dilanti, ku segun e Kaminda ku nan ta yama un sekta mi ta sirbi e Dios di nos tatanan, i ta kere tur kos ku ta di akuèrdo ku Lei i ku ta pará skirbí den e Profetanan,

 
16. Kiko ta un di e funshonnan di e lei moral?
Galationan 3:24 Pesei Lei a bira nos tutor i pa guia nos na Cristo, pa nos por wòrdu hustifiká pa medio di fe.

 

17. Kon e mesun siñansa aki ta wòrdu ekspesá den Romano 10: 4?
Romanonan 10:4 Pasobra Cristo ta e fin di lei pa hustisia na tur esnan ku ta kere.

 

18. Den kua Skritura palabra fin ta wòrdu husá similar?
1 Pedro 1:9 hañando komo e fin di boso fe e salbashon di boso alma.
1 Timoteo 1:5 Ma e fin di lei ta amor for di un kurason puru i un bon konsenshi i un fe sinsero.
Santiago 5:11 Mira, nos ta konsiderá komo bendishoná esnan ku a pèrseverá. Boso a tende di e pèrseveransia di Job i a mira e fin ku Señor tabatin na bista, ku Señor ta yen di kompashon i ta miserikòrdioso.

 

19. Ki testimoño Heus a duna en relashon ku Su aktitut pa ku e lei i e profetanan?
Mateo 5:17 No kere ku Mi a bin pa abolí e Lei òf e Profetanan; Mi no a bin pa abolí, sino pa kumpli.