8. E Lei di Dios 

8.6 E Lei di Dios den Testament Nobo

 

1. Pa medio di kiko e Hudiunan tabata siña konosé e Boluntat di Dios?
Romanonan 2:17,18
17 Ma si bo ta karga e nòmber "hudiu," i ta dependé riba e Lei, i ta gaba di bo relashon ku Dios,
18 i ta konosé Su boluntat, i ta aprobá e kosnan ku ta esensial, siendo instruí for di Lei,

 

2. Kiko e lei tabata pa nan?
Romanonan 2:20 un instruktor di hende bobo, un siñadó di mucha chikitu, kual tin e forma di konosementu i i di e bèrdat,den e lei.

 

3. Kiko Hesus a bisa tokante su posishon pa ku e lei?
Mateo 5:17 No kere ku Mi a bin pa abolí e Lei òf e Profetanan; Mi no a bin pa abolí, sino pa kumpli.

 

4. Kiko e tabata siña tokante e determinashon di e lei?
Mateo 5:18 Pasobra di bèrdat Mi ta bisa boso, te ora ku shelu i tera pas a, ningun yota ni tilde di e Lei lo no pasa, te ora ku tur kos keda kumplí.

 

5. Kiko e tabata siña, ora e tabata buta enfesis riba e importansia di warda e lei?
Mateo 5:19 Esun anto ku anulá un di e mandamentunan di mas chikitu aki, i siña hende asina, lo wòrdu yamá esun di mas chikitu den e reino di shelu; ma esun ku warda nan i siña nan na otro, es ei lo wòrdu yamá grandi den e reino di shelu.

 

6. Kiko a bisa e hoben riku pa hasi, si e ke drenta bida?
Mateo 19:17 I El a kontest'é: "Pakiko bo ta puntra Ami kiko ta bon? Tin solamente Un ku ta bon; ma si bo kier drenta bida, warda e mandamentuna.n

 

7. Kiko Hesus a kontesté ora el a puntra kua di mandamentunan?
Mateo 19:18,19
18 El a puntr'E: "Kualnan?" I Jesus a kontestá: '''No mata; no kometé adulterio; no hòrta; no duna testimonio falsu;
19 0nra bo tata i bo mama," i 'stima bo próhimo manera bo mes.'?"

 

8. Fe ta anulá e lei?
Romanonan 3:31 Ta anulá nos ta anulá Lei anto dor di fe? Di ningun manera! Alkontrario, nos ta stablesé Lei.

 

9. Kon por kumplí ku lei?
Romanonan 13:8-10
8 No debe ningun hende nada, sino solamente pa stima otro; pasobra esun ku stima su próhimo a kumpli ku lei.
9 Pa motibu di esaki: "No kometé adulterio, no mata, no hòrta, no kudishá," i si tin algun otro mandamentu, esaki ta keda resumí den e palabra aki: "Stima bo próhimo manera bo mes.
10 Amor no ta hasi daño na próhimo; pesei amor ta e kumplimentu di lei.

 

10. Kua tipo di mente no ta someté su mes na e lei di Dios?
Romanonan 8:7 pasobra e mente fihá riba e karni ta enemistat kontra Dios; pasobra e no ta someté su mes na e lei di Dios, komo ku e no ta kapas pa hasi esei tampoko;

 

11. Kiko ta duna prueba ku e lei indiviso?
Santiago 2:10-12
10 Pasobra ken ku kumpli ku henter e Lei i sinembargo ta trompeká den un solo punto, esei a bira kuipabel di tur.
11 Pasobra Esun ku a bisa: "No kometé adulterio. ta bisa tambe: "No mata." Awor si bo no ta kometé adulterio, ma bo ta mata si, bo a bira un transgresor di Lei.
12 Papia asina i aktua asina, maner a esnan ku mester wordu huzgá pa e lei di libertat.

 

12. Kon piká ta wòrdu deskribí?
1 Juan 3:4 Ken ku praktiká piká ta praktiká kibramentu di lei tambe; i piká ta kibramentu di lei.

 

13. Kon nos por sa ku nos ta stima e yunan di Dios?
1 Juan 5:2 Pa medio di esaki nos sa ku nos ta stima e yunan di Dios, ora nos ta stima Dios i ta kumpli ku Su mandamentunan.

 

14. Kiko ta wòrdu bisá di kiko amor ta?
1 Juan 5:3 Pasobra esaki ta e amor di Dios, ku nos ta warda Su mandamentunan; i Su mandamentunan no ta pisá.

 

15. Kon e iglesia di e ultimo dianan ta wòrdu deskribí?
Revelashon 12:17 I e dragon tabata furioso riba e muhé, i a bai pa hasi guera ku e restu di su desendientenan, kendenan ta warda e mandamentunan di Dios i tin e testimonio di Jesu Cristo,
Revelashon 14:12 At'aki e pèrseveransia di e santunan ku ta warda e mandamentunan di Dios i nan fe den Jesus.