8. E Lei di Dios

8.5  E Lei di Dios den e tempu di e Patriarkanan

 

1. Piká por wòrdu kontá, unda no tin lei?
Romanonan 4:15 pasobra Lei ta produsí furia, ma kaminda no tin lei, no tin transgreshon tampoko.
Romanonan 5:13 pasobra promé ku Lei piká tabata den mundu; ma piká no ta wòrdu kontá ora no tin lei.

 

2. Pa medio di kiko lo tin konosementu di piká?
Romanonan 3:20 pasobra pa medio di e obranan di Lei ningun hende lo no ta hustifiká den Su bista; pasobra dor di Lei ta bin konosementu di piká.
Romananan 7:7 Kiko nos lo bisa anto? Lei ta piká? Di ningun manera! Alkontrario, lo mi no a siñia konosé piká si no ta pa medio di Lei; pasobra lo mi no tabata sa kiko ta kudishi, si Lei no a bisa: "No kudishá.

 

3. Kua deklarashon ta mustra, ku piká tabata den mundu, prome ku e lei a wòrdu duná riba seru Sinai?
Romanonan 5:13 pasobra promé ku Lei piká tabata den mundu; ma piká no ta wòrdu kontá ora no tin lei.

 

4. Ki ora pika i morto a bin de mundu?
Romanonan 5:12 Pesei, meskos ku dor di ún hende piká a drenta den mundu, i morto dor di piká, i asina morto a pasa pa tur hende, pasobra tur a peka.

 

5. Den kua palabranan Dios a amonestá Kain?
Genesis 4:7 Si ba hasi bon, la ba na wòrdu aseptá? I si ba na hasi bon, piká ta lur na porta. I su deseo ta pa ba, ma abo mester domin'é.

 

6. Kiko ta mustra ku Dios a konta e akshon di Kain komo piká? 
Genesis 4:10,11
10 I EI a bisa: "Ta kiko bo a hasi? Bos di bo ruman su sanger ta sklama na Mi for di suela.
11 I awor bo ta maldishoná for di e tera ku a habri su boka pa risibí bo ruman su sanger for di bo man.

 

7. Kiko tabata e diferensia entre e karakter di Kain i esun di Abel?
1 Juan 3:12 no manera Kain, kende tabata di e malbado, i a mata su ruman. I pa ki motibu el a mat'é? Pasobra su obranan tabata malu, i esnan di su ruman tabata hustu.

 

8. Den kua sitiuashon e mundu tabata prome ku e diluvio?
Genesis 6:11 Awor tera tabata korumpi den bista di Dios i tera tabata yen di violensia.

 

9. Kiko tabata e plan di dios ku e pueblo di e tempu ei?
Genesis 6:13 E ora ei Dios a bis a Noe: "E fin di tur karni a bin Mi dilanti, pasobra tera ta yen di violensia pa nan motibu; i mira, Mi ta bai destrui nan huntu ku tera.

 

10. Kon Noe ta wòrdu yamá?
2 Pedro 2:5 i no a spar e mundu antiguo, ma a preservá Noe, un predikadó di hustisia, huntu ku shete otro persona mas, ora ku EI a trese un diluvio riba e mundu di e impionan;

 

11. Pakiko Dios a destruí Sodoma?
Genesis 13:13 Awor e hòmbernan di Sodoma tabata masha malbado mes i pekadónan kontra Señor.

 

12. Kiko tabata ta e karakter di nan echonan?
2 Pedro 2:7,8
7 i si EI a reskatá Lot, e hòmber hustu, oprimí pa motibu di e kondukta sensual di hombernan malbado,
8 pasobra pa motibu di loke el a mira i tende, e hòmber hustu ei, bibando meimei di nan, a sinti su alma hustu tormentá dia aden dia afó ku nan echonan malbado.

 

13. Kiko Hosue a bisa den Egypto, ora el a wòrdu tentá pa peka?
Genesis 39:9 No tin ningun hende mas haltu den e kas aki ku ami, i e no a nengami nada sino abo so, pasobra abo ta su esposa. Kon anto mi por hasi e maldat grandi aki i peka kontra Dios?

 

14. Kiko Dios a bisa Abraham tokante e amoreonan?
Genesis 15:16 I den e di kuater generashon nan lo bolbe akinan, pasobra e inikidat di e amoreo no ta kompleto ainda."

 

15. Na kua piká e amoreonan tabata hasi nan mes kulpabel?
1 Reinan 21:26 I el a aktua masha abominabel dor di sigui idolonan, konforme tur loke e amoreonan, kendenan Señor a kore kuné for di dilanti di e yunan di Israel, a hasi.

 

16. Dikon Dios a aboresé e kanaanitanan?
Levitiko 20:22,23
22 'Pesei boso mester warda tur Mi statutonan i tur Mi ordenansanan i hasi nan, pa e ter a kaminda Mi ta hiba boso pa biba no skupi boso afó.
23 Ademas, boso no mester sigui e kustumbernan di e nashon ku Mi ta bai kore kuné sak'é for di boso dilanti; pasobra nan a hasi tur e kosnan aki, i ta pesei Mi a aboresé nan.

 

17. Di kon Dios a duna Su promesa na e semia di Abraham?
Genesis 26:5 pasobra Abraham a obedeséMi i a kumpli ku Mi òrdu, Mi mandamentunan, Mi statutonan i Mi leinan.

 

18. Kiko Dios a bisa, prome ku El a duna e lei riba Sinai, pa motibu ku algun di e pueblo a sali bai buska mana riba e di siete dia?
Eksodo 16:28 E ora el Señor a bisa Moisés: "Kuantu tempu mas boso ta nenga di warda Mi mandamentunan i Mi leinan?

 

19. Señor a papia prome ku e tempu ei tokante di sabat?
Eksodo 16:23 el a bisa nan: "Esaki ta loke Señor tabata kier men: Mañan ta dia di warda sabat, un sabat santu na Señor. Hòrna Joke boso kier hòrna i herebé loke boso kier herebé, i tur loke sobra, pone esei un banda pa ward'é te su manisé."

 

20. Kiko Moises a siña Israel prome ku nan a yega na Sinai?
Eksodo 18:16 0ra nan tin un asunto, nan ta bin serka mi, i ami ta huzga entre esun i e otro, i ta hasi nan konosé e statutonan di Dios i Su leinan."