8. E Lei di Dios

8.4 Kastigu riba violashon

 

1. Kiko ta pago di piká?
Romanonan 6:23 Pasobra e pago di piká ta morto, ma e don di grasia di Dios ta bida etèrno den Cristo Jesus, nos Señor.

 

2. Kiko, Dios a bisa Adam i Eva, ku lo ta e konsekuensha si nan kibra e mandamentu dor di kome di e fruta prohibí?
Genesis 2:17 ma di e palu di konosementu di bon i malu lo bo no kome, pasobra e dia ku bo kome di djé, lo bo muri sigur.

 

3. Ken, Dios a bisa, lo muri?
Ezekiel 18:4 Mira, tur alma ta di Mi; tantu alma di e tata komo alma di e yu ta di Mi. E alm a ku peka lo muri.

 

4. Kon piká a drenta mundu?
Romanonan 5:12 Pesei, meskos ku dor di ún hende piká a drenta den mundu, i morto dor di piká, i asina morto a pasa pa tur hende, pasobra tur a peka.

 

5. Dikon Dios a destruí e mundu ku un diluvio?
Genesis 6:5-7
5 E ora ei Señor a mi ra ku maldat di hende tabata grandi riba tera, i ku tur intenshon di e pensamentunan di su kurason tabata kontinuamente maldat so.
6 EI a duel Señor ku El a traha hende riba tera i E tabata tristu den Su kurason.
7 I Señor a bisa: "Lo Mi destrui hende ku Mi a krea for di riba superfisio di tera, tantu hende komo bestia i tur loke ta lastra i parhanan di shelu, pasobra ta duel Mi ku Mi a traha nan.

 

6. Dios siendo miserikòrdioso, e ta hasi e kulpabel inkulpabel?
Numbernan 14:18 Señor no ta rabia lihé i ta abundá den miserikòrdia, i ta pordoná inikidat i transgreshon; ma di ningun manera E lo no laga e kuIpabel sali liber, ma ta bishitá e inikidat di e tatanan riba e yunan te na e di tres i e di kuater generashon.
Eksodo 34:5-7
5 I Señor a baha den e nubia i a keda para einan huntu kuné, i a proklamá e nòmber di Señor.
6 E ora ei Señor a pasa su dilanti i a proklamá: "Señor, Señor Dios, yen di kompashon i grasia, Kende no ta rabia lihé i Kende ta abundá den miserikòrdia i bèrdat;
7 Kende ta mantené miserikòrdia pa milnan, Kende ta pordoná inikidat, transgreshon i piká; sinembargo, di ningun manera E lo no laga di kastigá e kuipabel, ma ta bishitá e inikidat di tatanan riba e yunan i riba e nietunan te na e di tres i e di kuater generashon.

 

7. Kiko ta e kosekuensia di peka boluntariamente?
Hebreonan 10:26, 27
26 Pasobra si nos sigui peka boluntariamente despues di a risibí e konosementu di e bèrdat, no ta keda sakrifisio pa piká mas,
27 sino un sierto ekspektativa teribel di huisio i e furia di un kandela ku lo kaba ku e atversarionan.

 

8. Kon e rebeldenan i esnan ku ta peka boluntariamente, a wòrdu tratá bao di e superfisio di Dios?
Hebreonan 10:28 Ken ku pone e Lei di Moisés un banda ta muri sin miserikórdia riba testimonio di dos òf tres testigu.

 

9. Kiko ta spera esnan ku ta menospresiá e medidanan di grasia?
Hebreonan 10:29 Kuantu mas pisá bo ta kere ku e kastigu mester ta pa esun ku a trapa e Yu di Dios bou di su pia, i ku a konsiderá impuru e sanger di e aliansa, pa medio di kual el a wòrdu santifiká, i a insultá e Spiritu di grasia?

 

10. E sirbidornan di e Evangelio tin e deber di spièrta?
2 Korintionan 5:20 Pesei nos ta embahadornan pa Cristo, komo si fuera Dios tabata spièrta dor di nos; nos ta roga boso den e nòmber di Cristo, sea rekonsiliá ku Dios.
2 Timoteo 2:24-25
24 I e sirbidó di Señor no mester ta pleitadó, ma kariñoso ku tur hende, ku kapasidat pa siña, ku pasenshi ora ku e wòrdu tratá inhustamente,
25 ku ta koregí ku suavidat esnan ku ta den oposishon, pa kisas Dios duna nan repentimentu ku ta hiba na konosementu di e bèrdat,

 

11. Na ken pertenesé e derecho do vengansa?
Romanonan 12:19 Nunka no venga boso mes, stimánan, ma laga lugá pa e furia di Dios, pasobra ta pará skirbí: "'Ta di Mi vengansa ta, Ami lo paga bèk, e Señor ta bisa."

 

12. Na ken outoridat a wòrdu duná pa ehekutá huisio?
Juan 5:26,27
26 Pasobra meskas ku e Tata tin bida den Su mes, asina EI a duna e Yu tambe pa tin bida den Su mes;
27 i El a dun'E outoridat pa ehekutá huisio, pasobra E ta e Yu di Hende.
Judas verso 14,15
14 I tokante di esakinan Enok tambe, den e di shete generashon for di Adam, a profetisá, bisando: "Mira, Señor a bin ku hopi miles di Su santunan,
15 pa ehekutá huisio kontra tur, i pa kondená tur e hendenan impio pa tur nan echonan di impiedat ku nan a kometé den impiedat, i pa tur e kosnan duru ku pekadónan impio a papia kontra djE."

 

13. Kua mensahe Dios a ordená Su sirbidornan pa trese na hendenan?
Isaias 3:10,11
10 Bisa e hustunan ku kos lo bai bon pa nan, pasobra nan lo kome e fruta di nan echonan.
11 Ai di e malbado! Kos lo bai malu p'é, pasobra nan lo hasi kuné loke e meresé.