8.1  E Lei di Dios  

 

1. Kon Dios a hasi Su lei konosí di nobo ora Ela saka Su pueblo for di Egypto?
Deuteronomio 4:12,13
12 E ora ei Señor a papia ku boso for di meimei di e kandela; boso a tende e zonidu di palabra, ma boso no a mira ningun figura, solamente un bos.
13 Asina EI a anunsiá na boso Su aliansa ku EI a ordená boso pa kumpli kuné, esta, e dies mandamentunan; i EI a skirbi nan riba dos tabla di piedra.
Nehemias 9:13, 14.
13 "E ora ei Bo a baha riba Seru Sinai, i a papia ku nan for di shelu; Bo a duna nan ordenansanan hustu i leinan bèrdadero, statutonan i mandamentunan bon.
14 Asina Bo a hasi nan konosé Bo sabat santu, i a duna nan mandamcntunan, statutonan i lei, pa medio di Bo sirbidó Moisés.

 

2. Unda e dies mandamentunan ta para skirbí?
Eksodo 20:2-17

 

3. Te kon leu e mandamentunan ta aplikabel?
Eklesiastes 12:13 E konklushon di tur loke ku a wòrdu tendí, ta: teme Dios i warda Su mandamentunan, pasobra esaki ta aplikabel na kada persona.

 

4. Kiko Skritura ta bisa di e lei di Dios?
Salmonan 19:8,9
8 E preseptonan di Señor ta korekto, nan ta alegrá kurason; e mandamentunan di Señor ta puru, nan ta iluminá wowo.
9 E temor di Señor ta limpi, e ta permanesé pa semper; e huisionan di Señor ta bèrdadero, nan tur ta kompletamente hustu.

 

5. Kua bendishon, segun e Salmista, ta bai huntu ku wardamentu di e lei di Dios? Welke zegen zegt de Psalmist, gaat samen met het houden van Gods geboden?
Salmonan 19:12 Ademas, pa medio di nan Bo sirbidó ta keda spièrtá; i obedensia na nan ta trese gran rekompensa kuné.

 

6. Kiko Cristo a buta komo kondishon pa drenta bida?
Mateo 19:17 I El a kontest'é: "Pakiko bo ta puntra Ami kiko ta bon? Tin solamente Un ku ta bon; ma si bo kier drenta bida, warda e mandamentunan."

 

7. Un hende por warda e lei sin sosten di Cristo?
Juan 15:5 "Ami ta e mata di wendrùif, boso ta e ramanan; esun ku keda den Mi, i Ami den djé, esei ta duna hopi fruta, pasobra separá di Mi boso no por hasi nada.
Lesa: Romanonan 7:14-19

 

8. Ki provishon a wòrdu hasí pa hasi nos kapas pa warda e lei di Dios?
Romanonan 8:3, 4
3 Pasobra loke Lei no por ahasi, komo ku e tabata debil dor di e karn i , Dios ahasi: mandando Su mes Yu den e semehansa di karni di piká i komo un ofrenda pa piká, El a kondená piká den karni,
4 pa e eksigensia di Lei por wòrdu kumplí den nos, kendenan no ta kana segun e karni, ma segun e Spiritu.

 

9. Kiko ta e karakter di e lei di Dios?
Romanonan 7:14 Pasobra nos sa ku Lei ta spiritual; ma ami ta di karni, bendi komo esklabu na piká.

 

10. Kon e lei ta wòrdu deskribí mas aleu?
Romanonan 7:12 Asina anto Lei ta santu, i e mandamentu ta santu i hustu i bon.

 

11. Kiko di Dios ta wòrdu revelá de e lei?
Romanonan 2:18 i ta konosé Su boluntat, i ta aprobá e kosnan ku ta esensial, siendo instruí for di Lei,

 

12. Kiko tabata e aktitut di Cristo pa ku e lei o boluntat di Dios ora e tabata ta riba tera?
Salmonan 40:8,9
8 Pa hasi Bo boluntat, O mi Dios, ta un delisia pa mi; Bo Lei ta den mi kurason.
9 Mi a proklamá bon nobo di hustisia den e kongregashon grandi; ata, lo mi no frena mi lepnan, O Señor, Bo sa esei.
Hebreonan 10:5, 7
5 Pesei, ora ku E bin den mundu, E ta bisa: "Sakrifisio i ofrenda Bo no a deseá, ma un kurpa Bo a prepará pa Mi;
7 E ora ei Mi a bisa: 'Mira, Mi a bin (den e rol ta pará skirbí

 

13. Ken, El a bisa, lo a drenta e reino di shelu?
Mateo 7:21 "No ta tur hende ku bisaMi: "Señor, Señor,' lo drenta e reino di shelu; ma esun ku hasi e boluntat di Mi Tata ku ta den shelu.

 

14. Kiko El a bisa di esnan ku ta kibra un di Su mandamentunan o siña hende di hasi esaki?
Mateo 5:19 Esun anto ku anulá un di e mandamentunan di mas chikitu aki, i siña hende asina, lo wòrdu yamá esun di mas chikitu den e reino di shelu; ma esun ku warda nan i siña nan na otro, es ei lo wòrdu yamá grandi den e reino di shelu.

 

15. Ken lo a wòrdu yama grandi den e reino, segun Cristo?
Mateo 5:19 Esun anto ku anulá un di e mandamentunan di mas chikitu aki, i siña hende asina, lo wòrdu yamá esun di mas chikitu den e reino di shelu; ma esun ku warda nan i siña nan na otro, es ei lo wòrdu yamá grandi den e reino di shelu.

 

16. Kiko Cristo tabata pensa di e hustisia di e Skriba i e Fariseonan?
Mateo 15:3 I El a kontestá i a bisa nan: "I pakiko boso mes ta kibra e mandamentu di Dios pa motibu di boso tradishon?

 

17. Kon na a hasi esaki?
Mateo 15:4-6
4 Pasobra Dios a bisa: 'Onra bo tata i bo mama";" i 'Esun ku maldishoná tata Of mama, lagu'é wòrdu matá."
5 Ma boso ta bisa: 'Ken ku bisa su tata Of su mama: "Tur loke mi tin, ku mi por a yuda boso kuné, a wòrdu duná na Dios,"
6 no tin mester di onra su tata Of su mama.' I asina boso a hasi e palabra di Dios bira inefektivo pa kousa di boso tradishon.

 

18. Ki balorashon Cristo tabata duna na nan servisio, pa motibu di eror aki?
Mateo 15:9 I ta en bano nan ta adoráMi, siñando preseptonan di hende komo doktrina.

 

19. Kiko ta spliká di loke piká ta?
1 Juan 3:4 Ken ku praktiká piká ta praktiká kibramentu di lei tambe; i piká ta kibramentu di lei.

 

20. Dor di kiko ta bin konosementu di piká?
Romanonan 3:20 pasobra pa medio di e obranan di Lei ningun hende lo no ta hustifiká den Su bista; pasobra dor di Lei ta bin konosementu di piká.
Romanonan 7:7 Kiko nos lo bisa anto? Lei ta piká? Di ningun manera! Alkontrario, lo mi no a siñia konosé piká si no ta pa medio di Lei; pasobra lo mi no tabata sa kiko ta kudishi, si Lei no a bisa: "No kudishá.

 

21. Kuantu mandamentu un hende mester kibra pa e bira un violadó di e lei?
Santiago 2:10-11
10 Pasobra ken ku kumpli ku henter e Lei i sinembargo ta trompeká den un solo punto, esei a bira kuipabel di tur.
11 Pasobra Esun ku a bisa: "No kometé adulterio.t" a bisa tambe: "No mata. "e Awor si bo no ta kometé adulterio, ma bo ta mata si, bo a bira un transgresor di Lei.

 

22. Kon nos por wòrdu limpiá for di e kulpabilidat di nos pikanan o di nos violashonnan di e lei di Dios?
1 Juan 1:9 Si nos konfesá nos pikánan, Eta fiel i hustu pa pordoná nos nos pikánan i pa limpia nos di tur inhustisia.

 

23. Dikon nos ta wòrdu amonestá pa teme Dios i warda Su mandamentunan?
Eklesiastes 12:13,14
13 E konklushon di tur loke ku a wòrdu tendí, ta: teme Dios i warda Su mandamentunan, pasobra esaki ta aplikabel na kada persona.
14 Pasobra Dios lo trese tur echo na huisio, tur kos ku ta skondi, sea bon òf malu.

 

24. Kiko lo ta e standarte den e Huisio?
Santiago 2:12 Papia asina i aktua asina, maner a esnan ku mester wordu huzgá pa e lei di libertat.

 

25. Kiko ta wòrdu bisá di esnan ku ta stima e lei di Dios?
Salmonan 119:165 Esnan ku ta stima Bo lei tin gran pas, i nada no ta hasi nan trompeká.

 

26. Kiko Israel di antiguo tabata sigur di dje si nan a obedesé Dios Su mandamentunan?
Isaias 48:18 Mara bo a pone atenshon na Mi mandamentunan! E ora ei bo pas lo tabata manera un riu, i bo hustisia manera ola di laman.

 

27. Kua otro bendishon ta akompaña kumplimentu ku Su mandamentunan?
Salmonan 111:10 E temor di Señor ta e prinsipio di sabiduria; tur hende ku kumpli ku Su mandamentunan tin bon komprendementu; Su alabansa ta permanesé pa semper.

 

28. Den kiko un hende, ku e Salmista ta yama bendishoná, tin su delisia?
Salmonan 1:1, 2
1 Bendishoná ta e hende ku no ta kana den e konseho di malbadonan, ni ta para den e kaminda di pekadónan, ni ta sinta riba e stul di bofonadónan!
2 Ma su delisia ta den e lei di Señor, i den Su lei e ta meditá di dia i anochi.
Romanonan 7:22 Pasobra segun e hende interior mi ta deleitá mi mes den e lei di Dios,

 

29. Dikon e mente karnal ta enemistat kontra Dios?
Romanonan 8:7 pasobra e mente fihá riba e karni ta enemistat kontra Dios; pasobra e no ta someté su mes na e lei di Dios, komo ku e no ta kapas pa hasi esei tampoko;

 

30. Kon esnan kual mente i sintí a wòrdu renobá, ta konsiderá e mandamentunan di Dios?
1 Juan 5:3 Pasobra esaki ta e amor di Dios, ku nos ta warda Su mandamentunan; i Su mandamentunan no ta pisá.

 

31. Kiko ta e prinsipio basiko di e lei di Dios?
Romanonan 13:10 Amor no ta hasi daño na próhimo; pesei amor ta e kumplimentu di lei.

 

32. Kua dos gran mandamentunan ta un resúmen di lei di Dios?
Mateo 22:37-40
37 I Jesus a kontest'é: '" Stima SEÑOR bo Dios ku henter bo kurason, i ku henter bo alma, i ku henter bo mente.
38 Esaki ta e gran mandamentu i e di promé.
39 i e di dos ta semehante: 'Stima bo próhimo manera bo mes.
40 Riba e dos man¬damentunan aki henter e Lei i e Profetanan ta basá."

 

33. Kiko ta wòrdu bisá di un hende ku ta fingi di konosé Señor, pero no ta warda Su mandamentunan?
1 Juan 2:4 Esun ku bisa: "Mi konos'E, i no ta warda Su mandamentunan, ta un gañadó, i e bèrdat no ta den djé;

 

34. Ki promesa ta wòrdu duná na esnan ku ta boluntario i ta obedesido?
Isaias 1:19 Si boso ta dispuesto i ta obedesé, boso lo kome e mihó di e tera;

 

35. Kon Dios ta konsiderá esnan ku kana den e lei?
Salmonan 119:1 Bendishoná ta esnan ku nan kaminda ta sin mancha, ku ta kana den e lei di Señor.