8. E Lei di Dios

8.2  E Perpetuidat di e Lei  

 

1. Kuantu dunadó di lei tin?
Santiago 4:12 Tin solamente un Dunadó di Lei i Hues, Esun ku por salba i por destruí; ma ta ken abo ta ku bo ta huzga bo próhimo?

 

2. Kiko ta wòrdu bisá di e determinashon di e karakter di Dios?
Malakias 3:6 "Pasobra Ami, Señor, no ta kambia; pesei boso, o yu hòmbeman di Jakob, no a wòrdu destruí.

 

3. Kon firme Su mandamentunan ta?
Salmonan 111:7, 8
7 E obranan di Su mannan ta bèrdat i hustisia; tur Su preseptonan ta sigur.
8 Nan ta para firme pa semper i semper; nan ta hasí den bèrdat i den rektitut.

 

4. Cristo a bini pa anulá òf abolí e Lei?
Mateo 5:17 "No kere ku Mi a bin pa abolí e Lei òf e Profetanan; Mi no a bin pa abolí, sino pa kumpli.

5. Kiko e palabra kumplí ta nifiká den relashon ku profesianan?
Mateo 4:14 Esaki a sosodé pa keda kumplí loke a wòrdu papiá dor di profeta Isaias:

 

6. Kiko e palabra kumplí ta nifiká en relashon ku e Lei?
Galationan 6:2 Kada un karga peso di otro, i asina kumpli ku e lei di Cristo.
Mateo 3:15 Ma Jesus a kontestá i a bis'é: "Pèrmiti esaki awor, pasobra di e manera aki ta toka nos di kumpli ku tur hustisia." E ora ei el a pèrmitiE.
Santiago 2:8,9
8 Sinembargo, si boso ta kumpliendo ku e lei real, segun e Skritura: "Stima bo próhimo meskos ku bo mes,' boso ta hasiendo bon.
9 Ma si boso hasi distinshon di persona, boso ta kometé piká i ta wòrdu kondená dor di Lei komo transgresornan.

 

7. Kiko Cristo a hasi ku e mandamentunan di Su Tata?
Juan 15:10 Si boso warda Mi mandamentunan, boso lo keda den Mi amor; meskos ku Mi a warda e mandamentunan di Mi Tata, i ta keda den Su amor.

 

8. A kaso un hende ta pretendé ku e ta permanesé den Cristo, kon e tin ku kana?
1 Juan 2:6 esun ku bisa ku e ta permanesé den djE mester kana na mesun manera ku El a kana.

 

9. Kiko ta piká?
1 Juan 3:4 Ken ku praktiká piká ta praktiká kibramentu di lei tambe; i piká ta kibramentu di lei.

 

10. Den ki estado tur hende ta den?
Romanonan 3:23 pasobra tur a peka i ta falta e gloria di Dios,

 

11. Kuantu hende ta wòrdu enserá den “Tur a peka”?
Romanonan 3:9, 10
9 Kiko anto? Nos ta mihó ku nan? Di ningun manera; pasobra ya nos a kulpa tantu hudiu komo griego ku nan tur ta bou di piká;
10 manera ta pará skirbí: "No tin ni un hende hustu, ni sikiera ún;

 

12. Dikon tur hende ta wòrdu hañá kulpabel?
Romanonan 3:19 Awor nos sa ku tur loke Lei ta bisa, e ta bisa na esnan ku ta bou di Lei, pa tur boka wòrdu será i henter mundu bira kuIpabel dilanti di Dios;

 

13. E Lei ta wòrdu anulá dor di fe?
Romanonan 3:31 Ta anulá nos ta anulá Lei anto dor di fe? Di ningun manera! Alkontrario, nos ta stablesé Lei.

 

14. Kiko ta pruebá mas ku tur kos ku e Lei di Dios ta semper bai i inkmbiabel?
1 Korintionan 15:3 Pasobra na promé lugá mi a duna boso loke mi tambe a risibí, ku Cristo a muri pa nos pikánan segun e Skrituranan

 

15. Den ki relashon un hende hustifiká ta para ku e Lei?
Romanonan 2:13 pasobra no ta e tendedónan di Lei ta hustu dilanti di Dios, sino e kumplidónan di Lei lo wòrdu hustitiká.

 

16. Ken tin e promesa di ta bienaventurá den loke e ta hasi?
Santiago 1:25 Ma esun ku fiha su bista riba e lei perfekto, e lei di libertat, i ta permanesé den djé, sin bira un tendedó lubidadó, sino un kumplidó bèrdadero, e hende aki lo ta bendishoná den loke e ta hasi.

 

17. Dor di kiko nos por pasa di morto pa bida?
1 Juan 3:14 Nos sa ku nos a pasa di morto pa bida, pasobra nos ta stima e rumannan. Esun ku no ta stima ta permanesé den morto.

 

18. Kon nos por sa ku nos ta stima e rumannan?
1 Juan 5:2 Pa medio di esaki nos sa ku nos ta stima e yunan di Dios, ora nos ta stima Dios i ta kumpli ku Su mandamentunan.

 

19. Kiko ta amor pa Dios?
1 Juan 5:3 Pasobra esaki ta e amor di Dios, ku nos ta warda Su mandamentunan; i Su mandamentunan no ta pisá.

 

20. Kon esnan ku ta prepará pa e binida di Hesus, ta wòrdu deskribí?
Revelashon 14:12 At'aki e pèrseveransia di e santunan ku ta warda e mandamentunan di Dios i nan fe den Jesus.