7.13 E profeta Elias 

 

1. Kua promesa Señor ta duna tokante Elias, dor di e profeta Malakias?
Malakias 4:5 "Mira, Mi ta bai manda profeta Elias serka boso promé ku binida di e dia grandi i teribel di Señor.

 

2. Kiko e profeta aki lo hasi ora e bini?
Malakias 4:6 I e lo restorá kurason di e tatanan pa nan yunan, i kurason di e yunan pa nan tatanan, pa Mi no bin i afligí e tera ku maldishon."

 

3. Na ken Kristo ta referí komo kumplido di e profesia aki?
Mateo 17:10-13
10 I Su disipelnan a puntr'E, bisando: "Pakiko anto e eskribanan ta bisa ku Elias mester bin promé?"
11 I EI a kontestá i a bisa: "Elias ta bin i lo restorá tur kos;
12 ma Ami ta bisa boso ku Elias a bin kaba, i nan no a rekonos'é, ma nan a hasi kuné manera nan a haña ta bon. Asina tambe e Yu di Hende ta bai sufri na nan man."
13 E ora ei e disipelnan a komprendé ku E tabata papia ku nan di Juan Boutista.

 

4. Ora a puntra Juan si ta e ta Elias, kiko el a respondé nan?
Juan 1:21 I nan a puntr'é: "Kiko anto? T'abo ta Elias?" I el a bisa: "Ami no ta. " "T'abo ta e Profeta?" I el a kontestá: "No."

 

5. Kiko el a bisa ku e ta?
Juan 1:23 El a bisa: "Am i ta e bos di un ku ta grita den desierto: 'Hasi e kaminda di Señor stret,' manera profeta Isaias a bisa.

 

6. Den kua frase angel Gabriel ta deklará, ku Juan Boutista ta e Elias di Malakias 4:5?
Lukas 1:16,17
16 I e lo hasi hopi di e yunan di Israel bolbe serka Señor nan Dios.
17 I ta e ta esun ku lo bai dilanti di djE den e spiritu i poder di Elias, pa restorá kurason di e tatanan na e yunan, i e desobedesidonan na e aktitut di e hustunan, pa asina forma un pueblo bon prepará pa Señor."

 

7. Ki akusashon Rey Achab a lanta kontra Elias, ora tabatatin un sekura di tres aña I mei den Israel ku a bini pa medio di Elias komo un huisio pa motibu di e kaída di Israel?
1 Reinan 18:17 I a sosodé ku ora Akab a mira Elias, Akab a bis'é: "Ta abo mes? Abo ku ta hinka Israel den problema?"

 

8. Ki kontesta Elias a duna?
1 Reinan 18:18 I Elias a bisa: "No ta ami a hinka Israel den problema, ma ta abo i bo tata su kas, pasobra bo a bandoná e manda¬mentunan di Señor, i bo a sigui e Baalnan.

 

9. Kua proposishon kla el a presentá na Israel?
1 Reinan 18:21 l E1ias a yega serka henter e pueblo i a bisa: "Kuantu tempu mas boso ta keda duda entre dos opinion? Si Señor ta Dios, siguiE; ma si ta Baal, siguié." Ma e pueblo no a kontest'é ni un palabra.

 

10. Kiko tabata e kontenido prinsipal di e mensahe di Juan Boutista?
Mateo 3:2, 8
2 "Repentí, pasobra e reino di shelu ta serka.
8 Pesei, duna fruta ku ta kuadra ku repentimentu,

11. Kiko tabata e resultado di e mensahe aki?
Mateo 3:5, 6
5 Anto Jerusalèm i henter Judea, i henter e distrikto rònt di Jordan, tabata sali bai serka djé;
6 i nan tabata wòrdu batisá dor di djé den Riu Jordan, mientras ku nan tabata konfesá nan pikánan.

 

12. Ki ora Elias lo a wòrdu mandá, segun e profeta?
Malakias 4:5 "Mira, Mi ta bai manda profeta Elias serka boso promé ku binida di e dia grandi i teribel di Señor.

 

13. Kon e dia grandi i teribel ta wòrdu deskribí segun e mesun profesia?
Malakias 4:1 "Pasobra mira, e dia ta bin; e lo kima manera fòrnu; i tur e hendenan arogante i kada hasidó di maldat lo ta bagas; i e dia ku ta bin lo sende nan na kandela," e Señor di e hérsitonan ta bisa, "asina ku ni nan rais ni nan rama lo no keda.

 

14. Kiko ta e kontenido prinsipal di e tripel mensahe di Revelashon 14:1-10?
Revelashon 14:6-10
6 I mi a mira un otro angel ta bula meimei di shelu, kende tabatin un evangelio etèrno pa prediká na esnan ku ta biba riba tera, i na tur nashon i tribu i lenga i pueblo;
7 i el a bisa na bos haltu: "Teme Dios i dun'E gloria, pasobra e ora di Su huisio a yega; i adorá Esun ku a traha shelu i tera i laman i fuentenan di awa."
8 I un otro angel, un di dos, a sigui, bisando: "El a kai! Ata e gran Babilonia a kai, esun ku a hasi tur e nashonnan bebe di e biña di e pashon di su inmoralidat."
9 I un otro angel, un di tres, a sigui nan, bisando na bos haltu: "Si un hende adorá e bestia i su imagen, i risibi un marka na su frenta of na su man, lo e tambe
10 bebe di e biña di e furia di Dios, ku ta wòrdu bashá puru den e kòmchi di Su rabia; i e lo wòrdu tormentá ku kandela i swafel den presensia di e angelnan santu i den presensia di e Lamchi.

 

15. Kon e hendenan ta wòrdu deskribí ku ta obedesé i wòrdu formá dor di e tripel mensahe ?
Revelashon 14:12 At'aki e pèrseveransia di e santunan ku ta warda e mandamentunan di Dios i nan fe den Jesus.