18. E Reino Rekuperá

18.8  E Lucha Finalisá             

1. Kiko ta wòrdu bisá tokante e finalisashon di e obra di kreashon?
Genesis 2:1, 2
1 Asina e shelunan i tera a keda kla, i tur nan ehérsitonan.
2 I riba e di shete dia Dios a kaba Su trabou ku El a hasi, i riba e di shete dia El a sosegá di tur Su trabou ku EI ahasi.

2. Kiko Kristo a bisa ora El a entregá su spiritu na e krus?
Juan 19:30 0ra Jesus a tuma e binager, El a bisa: "Ta kumpli!" I EI a baha Su kabes i a entregá Su spiritu.

3. Kiko lo wòrdu anunsiá ora e di shete plaga lo wòrdu bashá?
Revelashon 16:17 I e di shete angel a basha su kòmchi den laira; i a sali un bos duru for di e tèmpel for di e trono, bisando: "Ta kumplí".

4. I ora e shele nobo i e tera nobo a aparesé i e stat santu, e Jerusalem Nobo, a baha for di Dios i bira e kapital di e kreashon nobo, kiko lo wòrdu anunsiá e ora ei?
Revelashon 21:5,6
5 I Esun ku ta sintá riba e trono a bisa: "Mira, Mi ta hasi tur kos nobo." I EI a bisa: "Skirbi, pasobra e palabranan aki ta fiel i bèrdadero."
6 I EI a bisami: "Ta kumpli. Ami ta e Alfa i e Omega, e prinsipio i e fin. I esun ku tin set, pòrnada lo Mi dun'é di bebe for di e fuente di awa di bida.

5. Kiko lo no tin mas den e tera nobo?
Revelashon 22:3, 4
3 I lo no tin ningun maldishon mas; i e trono di Dios i di e Lamchi lo ta den djé, i Su sirbidónan lo sirbiE
4 i nan lo mira Su kara, i Su nòmber lo ta na nan frenta.

6. Kon e situashon di henter e tera lo ta?
Isaias 11:6-9
6 Lobo lo ta huntu ku lamchi di karné, leopardo lo kai drum i banda di lamchi di kabritu, i bishé, leon chikitu i bestia gòrdá lo ta huntu, i un mucha chikitu lo guia nan.
7 Baka i ber lo kome yerba huntu; nan chikitunan lo drumi banda di otro, i leon lo kome yerba seku manera buey.
8 Yu na pechu lo hunga banda di buraku di kolebra, i yu kitá for di pechu lo hinka su man den kueba di vibora.
9 Nan lo no kousa daño ni destrukshon den henter Mi seru santu, pasobra tera lo ta yen di e konosementu di Señor, manera awa ta tapa laman.

7. Kiko e profeta Isaias ta skibi tokante e mesun tempu?
Isaias 14:7 Henter e tera ta na pas i ta ketu; nan ta dal gritunan di alegria.

8. Kua koro di alabansa general lo wòrdu tendé?
Revelashon 5:13 I tur kos kreá ku tin den shelu i riba tera i bou di tera i riba laman, i tur kos ku tin den nan, mi a tende ta bisa: "Na Esun ku ta sinta riba trono, i na e Lamchi, sea bendishon i onor i gloria i dominio pa semper i semper."