18. E Reino Rekuperá
18.7 E Jerusalem Nobo
1. Kiko ta un di e promesanan ku Kristo a duna Su disipelnan djies prome ku el a separá for di nan?
Juan 14:2 Den kas di Mi Tata tin hopi lugá-di-biba; si no tabata asina, lo Mi a bisa boso; pasobra Mi ta bai pa prepará un lugá pa boso.
2. Kiko Dios a prepará pa Su pueblo, segun Pablo?
Hebreonan 11:16 Ma awor nan ta deseá un mihó pais, esta, un pais selestial. Pesei Dios no tin bèrguensa di wòrdu yamá nan Dios, pasobra El a prepará un stat pa nan.
3. Unda e stat aki ta i kiko ta e nòmber di dje?
Galationan 4:26 Ma e Jerusalèm djariba ta liber; e ta nos mama.
4. Na kiko Abraham tabata anhelá?
Hebreonan 11:10 pasobra e tabata buska e stat ku tin fundeshinan, di kual Dios ta e arkitekto i konstruktor.
5. Ki siguransa Dios a duna na esnan ku a muri den e fe?
Hebreonan 11:16 Ma awor nan ta deseá un mihó pais, esta, un pais selestial. Pesei Dios no tin bèrguensa di wòrdu yamá nan Dios, pasobra El a prepará un stat pa nan.
6. Kiko Juan a mira tokante e stat aki?
Revelashon 21:2 I mi a mira e stat santu, Jerusalèm nobo, ta baha for di shelu, for di Dios, prepará manera un brùit dòrná pa su esposo.
7. Kuantu fundeshi e sta aki tin?
Revelashon 21:14 I muraya di e stat tabatin diesdos piedra di fundeshi, i riba nan tabatin e diesdos nòmbeman di e diesdos apòstelnan di e Lamchi.
8. Kiko ta e midi di e stat?
Revelashon 21:16 I e stat tabata firkant, i su largura ta mes grandi ku su hanchura; i el a midi e stat ku e bara, 2.200 kilometer;" su largura i hanchura i haltura ta igual.
Nota: E midí de e sirkunferensia di e stat ta igual segun e palabranan largura i hanchurata ta indiká i igual ku e kustumber di antes pa midi statnan, 12000 stadiën. Esaki ta igual ku 1500 mianan òf mas o menos 2413 km kilometer. 375 mia òf 604 kada banda kual ta forma un virkant perfekto. E stat aki ta kubri un superfisie 140.624 kilometer firkant òf 364.816 mia firkant.
Kontando riba 30 meter den kada banda pa persona kual ta bira igual na 900 meter firkant pa persona. Esei kier men ku e stat por kontené 4,05,017,777.000 habitantenan.
E poblashon di mundu na fin di 2022 tabata 8 mil mion.
E stat aki lo por kontené 506 biaha e poblashon di mundu.
9. Kiko ta e haltura di e muraya?
Revelashon 21:17 I el a midi su muraya, 65 meter,' segun midinan di hende, lokualnan ta midinan di angel tambe.
10. Di kua material e muraya a wòrdu traha?
Revelashon 21:18 I e material di e muraya tabata yaspe; i e stat tabata di oro puru, manera glas transparente.
11. Ku kiko e diesdos fundeshinan a wòrdu dòrná?
Revelashon 21:19,20
19 E piedranan di fundeshi di e muraya di stat tabata dömä ku tur sorto di piedra presioso. E promé piedra di fundeshi tabata yaspe; e di dos, safiro; e di tres, kalsedonia; e di kuater, esmeralda;
20 e di sinku, sardoniks; e di seis, sardio; e di shete, krisolita; e di ocho, berilo; e di nuebe, topasio; e di dies, krisopras; e di diesun, yasinto; e di diesdos, amatista.
Isaias 54: 11,12
11 "0 hende afligí, ku ta abatí pa tempestat, i sin konsuelo, mira, lo Mi pega bo piedranan den antimonio,' i bo fundeshinan lo Mi pega den piedra di safiro.
12 Ademas, lo Mi traha bo torennan di rubi, i bo portanan di stat di kristal, i henter bo muraya di piedra presioso.
Eksodo 28:15-21
15 "I bo mester traha un pechero di huisio, e obra di un wefdó-di-tela eksperto; manera e obra di e eföd bo mester trah'é: di oro, di hilu blou, purpura i skarlata, i lino fini trosi bo mester trah'é.
16 E mester ta firkant i doblá na dos, un span largu i un span hanchu.
17 I bo mester pega kuater kareda di piedra na djé; e promé kareda mester ta un kareda di rubi, topasio i esmeralda;
18 i e di dos kareda: un turkesa, un safiro i un djamanta;
19 i e di tres kareda: un yasinto, un ágata i un amatista;
20 i e di kuater kareda: un berilo, un oneks i un yaspe; nan mester wördu pegá den filigrana di oro,
21 I e piedranan mester ta segun e nombernan di e yunan di Israel: diesdos, segun nan nombernan; nan mester ta manera grabashon den un seyo, kada un segun su nòmber pa e diesdos tribunan
12. For di kiko e diesdos portanan a wòrdu trahá?
Revelashon 21:21 I e diesdos portanan tabata diesdos perla; kada un di e portanan tabata un solo perla. Ie kaya di e stat tabata oro puru, manera glas transparente.
13. Kiko ta skirbí riba e diesdos portanan?
Revelashon 21:12 E tabatin un muraya grandi i haltu, ku diesdos porta, i na e portanan diesdos angel; i tabatin nòmbernan skirbi riba e portanan, kualnan ta e nòmbernan di e diesdos tribunan di e yu hòmbernan di Israel.
14. For di kiko e kayanan a wòrdu trahá?
Revelashon 21:21 I e diesdos portanan tabata diesdos perla; kada un di e portanan tabata un solo perla. I e kaya di e stat tabata oro puru, manera glas transparente.
15. Di kon e sta aki lo no tin mester di solo i luna?
Revelashon 21:23-24
23 I e stat no tin mester di solo ni di luna pa briya riba djé, pasobra e gloria di Dios a ilumin'é, i su lampi ta e Lamehi.
24 I e nashonnan lo kana den su lus, i e reinan di tera lo trese nan gloria den djé.
Revelashon 22:5 I lo no tin anochi mas; i nan lo no tin mester di e lus di lampi ni e lus di solo, pasobra Señor Dios lo iluminá nan; i nan lo reina pa semper i semper.
Isaias 60:19,20
19 Solo lo no ta bo lus mas den dia, ni klaridat di luna lo no briya riba bo; pasobra Señor lo ta bo lus etèrno, i bo Dios lo ta bo gloria.
20 Bo solo lo no baha mas, ni bo luna lo no mengua; pasobra lo bo tin Señor pa un lus etèrno, i e dianan di bo lamentashon lo tèrminá.
16. Di kon e portanan di e stat no ta wòrdu será?
Revelashon 21:25 I den dia (pasobra ayanan lo no tin anochi) su portanan lo no wòrdu será nunka;
17. Kiko lo wòrdu ekskluí for die stat aki?
Revelashon 21:27 i nada impuru i ningun hende ku ta hasi abominashon i ta gaña, nunka lo no drenta den djé, sino solamente esnan ku nan nòmber ta pará skirbi den e buki di bida di e Lamchi.
18. Ke lo haña permit pa drenta e stat?
Revelashon 22:14 Bendishoná ta esnan ku ta laba nan pañanan, pa nan tin derecho riba e palu di bida, i pa nan por drenta e stat dor di e portanan.
19. Ki ora e stat aki ta bira e metròpolis di e tera nobo i kiko lo ta e situashon di e pueblo di Dios?
Revelashon 21:3-4
3 I mi a tende un bos duru for di e trono, bisando: "Mira, e tabernakel di Dios ta meimei di hende, i E lo biba meimei di nan, i nan lo ta Su pueblo, i Dios mes lo ta meimei di nan,
4 i E lo seka tur lágrima kita for di nan wowo; i lo no tin morto mas; lo no tin lamento mas, ni yoramentu, ni doló; e promé kosnan apasa.
20. Kiko lo kore dor di e stat?
Revelashon 22:1 I el a mustrami un riu di e awa di bida, transparente manera kristal, ku tabata sali for di e trono di Dios i di e Lamchi,
21. Kiko ta para na kada banda di e riu?
Revelashon 22:2 meimei di su kaya. I na kada banda di e riu tabatin e palu di bida, ku tabata pari diesdos sorto di fruta, i ku tabata duna su fruta tur luna; i e blachinan di e palu tabata pa e kuramentu di e nashonnan.
22. Kiko lo ta e pivilegio di esnan ku ta drenta e stat?
Revelashon 22:3, 4
3 I lo no tin ningun maldishon mas; i e trono di Dios i di e Lamehi lo ta den djé, i Su sirbidónan lo sirbiE;
4 i nan lo mira Su kara, i Su nòmber lo ta na nan frenta.