18. E Reino Rekuperá

18.9  Goso Eterno              

1. Kiko por fin lo ta e privilegio di e yunan di Dios?
Revelashon 22:4 i nan lo mira Su kara, i Su nòmber lo ta na nan frenta.

2. Kon perfekto e konosementu di Dios lo ta?
1 Korintionan 13:12 Pasobra awor nos ta mira den un spil, skur asina, ma e ora ei nos lo mira kara-kara; awor mi konosé pa un parti, ma e ora ei lo mi konosé kompletamente, meskos ku ami tambe a wòrdu konosí kompletamente.

3. Ku ken nan lo ta meskos?
1 Juan 3:2 Stimánan, awor nos ta yunan di Dios, i ainda no a wördu revelá kiko nos lo ta. Nos sa si ku ora E paresé nos lo ta meskos kunE, pasobra nos lo mir'E manera E ta.

4. Di kua mal kosnan e santunan lo wòrdu salbá pa semper?
Revelashon 21:4, 5
4 i E lo seka tur lágrima kita for di nan wowo; i lo no tin morto mas; lo no tin lamento mas, ni yoramentu, ni doló; e promé kosnan apasa."
5 I Esun ku ta sintá riba e trono a bisa: "Mira, Mi ta hasi tur kos nobo." I EI a bisa: "Skirbi, pasobra e palabranan aki ta fiel i bèrdadero."

5. Kon kompleto e tristesa i molester di e prome mundu lo pasa?
Isaias 65:17 "Pasobra mira, Mi ta krea shelunan nobo i un tera nobo; i e kosnan di antes lo no wòrdu rekòrd mas ni bin na memoria.

6. Ken lo biba meimei di e salbanan?
Revelashon 21:3 I mi a tende un bos duru for di e trono, bisando: "Mira, e tabernakel di Dios ta meimei di hende, i E lo biba meimei di nan, i nan lo ta Su pueblo, i Dios mes lo ta meimei di nan,

7. Kiko e lo nifiká pa biba den presensia di Dios?
Salmonan 16:11 Lo Bo mustrami e bereha di bida; den Bo presensia tin plenitut di goso; na Bo man drechi tin delisia pa semper.

8. Kua situashon lo reina riba e tera nobo?
Isaias 11:9 Nan lo no kousa daño ni destrukshon den henter Mi seru santu, pasobra tera lo ta yen di e konosementu di Señor, manera awa ta tapa laman.


9. Kon e redemínan di Señor lo bolbe na Sion?
Isaias 35:10 i esnan redimí di Señor lo bolbe; nan lo bin Sion ku gritu di goso, ku goso etèrno riba nan kabes. Nan lo haña alegria i goso, i tristesa i suspiro lo hui bai.

10. Pa kuantu tempu nan goso lo dura?
Isaias 65:22 Nan lo no traha kas pa otro hende biba aden, ni planta pa otro hende kome; pasobra manera e dianan di un palu, asina e dianan di Mi pueblo lo ta; i Mi skohinan lo disfrutá di e obra di nan mannan pa hopi tempu.

11. Pa kuantu tempu nan lo poseé e reino binidero?
Daniël 7:18 Ma e santunan di e Haltísimo lo risibí e reino i poseé e reino pa semper, pa tur siglo ku ta bin.'

12. Pa kuantu tempu nan lo reina?
Revelashon 22:5 I lo no tin anochi mas; i nan lo no tin mester di e lus di lampi ni e lus di solo, pasobra Señor Dios lo iluminá nan; i nan lo reina pa semper i semper.