17. Salut i Temperansia

17.1  Bon Salú              

 

1. Kiko apostel Juan tabata desea pa Gajus?
3 Juan 1:2 Ruman stimá, mi ta hasi orashon pa den tur sentido bo prosperá i pa bo ta bon di salú, meskos ku bo alma ta prosperá.

 

2. Kiko Dios a primintí Su pueblo for di masha tempu?
Eksodo 23:25 Ma sirbi Señor boso Dios, i E lo bendishoná boso pan i boso awa; i lo Mi kita enfermedat for di meimei di boso.

 

3. Abase di ki kondishon eksonerashon di malesa a wòrdu primintí?
Eksodo 15:26 I El a bisa: "Si bo skucha atentamente na e bos di Señor bo Dios, i hasi loke ta korekto den Su bista, i duna oido na Su mandamentunan, i warda tur Su statutonan, ningun di e malesanan ku Mi a pone riba e egipsionan lo Mi no pone riba bo; pasobra Ami, Señor, ta bo Sanador."

 

4. Kiko Señor ta hasi pa su pueblo, segun e Salmista?
Salmonan 103:3 Kende ta pordoná tur bo inikidatnan; Kende ta kura tur bo malesanan;

 

5. Kiko tabata forma e parti mas grandi di Hesus Su mishon?
Echonan 10:38 Boso sa di Jesus di Nazarèt, kon Dios a ungiE ku Spiritu Santu i ku poder, i kon El a bai rònt, hasiendo bon i kurando tur ku tabata bou di poder di diabel; pasobra Dios tabata kunE.
Lukas 13:16 I e muhé aki, siendo un yu muhé di Abraham, kende Satanás tabatin mará pa diesocho aña, e no mester a wòrdu librá for di e kadena aki riba dia di Sabat?"
Mateo 4:23 I Jesus tabata pasa den henter Galilea, i tabata siña den nan snoanan, i proklamá e evangelio di reino i kura tur sorto di enfermedat i tur sorto di malesa den e pueblo.

 

6. Dikon mester kuida e salú di nos kurpa?
1 Korintionan 6:20 Pasobra boso a wòrdu kumprá pa un preis: pesei glorifiká Dios den boso kurpa.

 

7. Kiko ta wòrdu bisá di e kurpa di un keriente?
1 Korintionan 6:19 òf boso no sa ku boso kurpa ta e tèmpel di Spiritu Santu, Kende ta den boso, Kende boso tin di Dios, i ku boso no ta pertenesé na boso mes?

 

8. Kiko Dios la hasi ku esnan ku ta destruí Su tempel?
1 Korintionan 3:17 Si un hende destruí e tèmpel di Dios, Dios lo destruié. Pasobra e tèmpel di Dios ta santu, i esei ta loke boso ta.

 

9. Ki ehempel Daniel aduna tokante e asuntu aki?
Daniel 1:8 Ma Daniel a proponé den su kurason di no kontaminá su mes ku e mihó kuminda di rei, ni ku e biña ku rei tabata bebe; pesei el a pidi hefe di e eunukonan pèrmit pa e no tin mester di

 

10. Ki kuminda ela puntra pa wòrdu sirbí na dje?
Daniel 1:12 "Pa fabor, pone bo sirbidónan na prueba pa dies dia, i laga nan duna nos bèrdura pa kome i awa pa bebe.

11. Kiko tabata e dieta original ku a wòrdu preskibí pa hende?
Genesis 1:29 Anto Dios a bisa: "Mira, Mi a duna boso tur mata ku ta duna simia riba superfisio di henter tera i tur palu ku tin fruta ku ta duna simia; esei lo ta kuminda pa boso.

 

12. Pakiko Señor a limitá e dieta di e Hebreonan?
Deuteronomio 14:2, 3
2 Pasobra bo ta un pueblo santu na SEÑOR bo Dios; i SEÑOR a skohebo pa ta un pueblo pekuliar pa Su mes for di tur e pueblonan ku tin riba superfisio di tera.
3 "No kome nada abominabel.

 

13. Ki influensia un kurason kontentu riba nos salú?
Proverbionan 17:22 Un kurason kontentu ta un bon remedi, ma un spiritu abatí ta seka wesu.

 

14. Kon e Salbador a suministrá sosiegu na Su disipelnan?
Marko 6:31 I El a bisa nan:"Ban ku Mi, boso so, na un lugá solitario i sosegá un ratu." Pasobra tabatin hopi hende ta bai bin, i nan no tabatin ni tempu pa kome.

 

15. Kon nos ta wòrdu amonestá pa presentá nos kurpanan pa Dios?
Romanonan 12:1 Pesei mi ta roga boso, rumannan, pa medio di e miserikòrdianan di Dios, pa presentá boso kurpanan komo sakrifisionan bibu i santu, aseptabel pa Dios, kual ta boso sirbishi spiritual di adorashon.