17. Salut i Temperansia

17.2  Temperansia Kristian             

 

1. Tokante kiko Pablo tabata papia ora e tabata para dilanti di Felix?
Echonan 24:25 I ora ku e tabata papia tokante di hustisia, dominio propio i e huisio ku ta bin, Felix a spanta i a bisa: "Bai pa awor aki, i ora mi tin tempu lo mi manda yamabo."

 

2. Di kiko dominio propio ta un fruta?
Galationan 5:22,23
21 envidia, buracheria, parandiamentu, i kosnan asin' aki, di kualnan mi ta spièrta boso di antemano, meskos ku mi a spièrta boso kaba di antemano, ku esnan ku praktiká sorto di kosnan asina lo no eredá e reino di Dios.
22 Ma fruta di e Spiritu ta amor, goso, pas, pasenshi, kariño, bondat, fieldat,
23 mansedumbre, dominio propio; kontra kosnan asina no tin lei.

 

3. Na unda apostel Pedro ta menshoná dominio propio den su relato tokante kresementu i konklushon di e kristian?
2 Pedro 1:5-7
5 Awor pa e mesun motibu aki tambe, hasiendo tur diligensia, añadí na boso fe, birtut, i na boso birtut, konosementu;
6 i na boso konosementu, dominio propio, i na boso dominio propio, pèrseveransia, i na boso pèrseveransia, santidat;
7 i na boso santidat, kariño fraternal, i na boso kariño fraternal, amor.

 

4. Kiko ta wòrdu bisá di esnan ku ta kompetí pa un preis?
1 Korintionan 9:25 I tur ku ta kompetí den e weganan ta ehersé dominio propio den tur kos. Nan anto ta hasi esaki pa risibí un korona ku no ta dura, ma nos ta hasié pa risibí un korona ku ta dura pa semper.

 

5. Kiko Pablo ta bisa ku e ta hasi den su karera di e bida kristian?
1 Korintionan 9:27 ma mi ta gòlpia mi kurpa i ta hasié mi esklabu, pa no sosodé ku, despues ku mi a prediká na otronan, mi mes wòrdu deskualifiká.

 

6. Di kon Reinan i gobernantenan ta wòrdu atvertí pa praktiká dominio propio?
Proverbionan 31:4, 5
4 No ta pas pa reinan, O Lemuel, no ta pas pa reinan bebe biña, ni pa gobernantenan deseá bibida stèrki,
5 pa nan no bebe i lubidá lei, i trose derecho di tur e afligínan.

7. Di kon saserdotenan a wòrdu prohibí pa bebe biña mientras na tabata sirbí den e tént di reunion?
Levitiko 10:8-10
8 E ora ei Señor a papia ku Aaron, bisando:
9 "No bebe biña ni bibida stèrki, ni abo ni bo yu hombeman huntu ku bo, ora boso ta bai den e tènt di reunion, pa boso no muri ta un statuto perpetuo durante di tur boso generashonnan
10 i pa hasi un distinshon entre loke ta santu i loke ta profano i entre loke ta impuru i loke ta limpi,

 

8. Di kon bebementu di biña sterki ta peligroso?
Efesionan 5:18 I no bebe biña bira burachi, pasobra esei ta libertinahe, ma sea yená ku e Spiritu,

 

9. Pa risibí kiko hende mester bebe i kome?
Eklesiastes 10:17 Bendishoná bo ta, O tera, ora bo rei ta un nobel i ora bo prensnan ta kome na tempu apropiá pa forsa i no pa buracheria.

 

10. Di kon Daniel a ninga e kuminda i biña di Rei?
Daniel 1:8 Ma Daniel a proponé den su kurason di no kontaminá su mes ku e mihó kuminda di rei, ni ku e biña ku rei tabata bebe; pesei el a pidi hefe di e eunukonan pèrmit pa e no tin mester di kontaminá su mes.

 

11. Kiko ela pidi na luga di e kuminda i biña di Rei?
Daniel 1:12 "Pa fabor, pone bo sirbidónan na prueba pa dies dia, i laga "Pa fabor, pone bo sirbidónan na prueba pa dies dia, i laga nan duna nos bèrdura pa kome i awa pa bebe.

 

12. Kon nan aparensia tabata despues di e dies dianan?
Daniel 1:15 I na fin di dies dia nan aparensia tabata mustra mihó i nan tabata den mihó kondishon ku tur e hobennan ku tabata kome e mihó kuminda di rei.

 

13. Kon e sabiduria i komprendementu di Daniel i su pompañeronan tabatata den komparashon ku e otronan, na fin di dies dianan?
Daniel 1:18-20
18 Anto na fin di e dianan, ora rei a bisa pa presentá nan, e hefe di e eunuko-nan a presentá nan dilanti di Nabukodonosor.
19 I rei a papia ku nan, i den nan tur no a wòrdu hañá ni un manera Daniel, Ananias, Misael i Azarias; asina nan a drenta e sirbishi personal di rei.
20 I den tur asunto di sabiduria i komprendementu ku rei tabata konsultá ku nan, e tabata haña nan dies bes mihó ku tur e magonan i astrólogonan ku tabatin den henter su reino.

 

14. Ki spiertamentu ta wòrdu duná na e esnan ku ta guia otro pa bira intemperante?
Habakuk 2:15 "Ai di bo ku ta hasi bo bisiñanan bebe, ku ta meskla bo veneno den djé pa hasi nan burachi, pa asina wak nan desnudes!

 

15. Ku ki typo di kristian nos no mester asiosá?
1 Korintionan 5:11 Ma awor mi a skirbi boso pa no asosiá ku ningun hende ku ta ruman pa nòmber, si e ta un hende inmoral, òf golos pa plaka, òf un adoradó di dios falsu, òf un blasfemadó, òf un buraché, òf un estafadós pa ni kome mes huntu ku un hende asina.

 

16. Ki typo di hende nunka lo drenta e Reino di Dios?
Revelashon 21:27 i nada impuru i ningun hende ku ta hasi abominashon i ta gaña, nunka lo no drenta den djé, sino solamente esnan ku nan nòmber ta pará skirbi den e buki di bida di e Lamchi.

 

17. Pa kua karakter kompleto Pablo tabata resa?
1 Tesalonisensenan 5:23 Awor, ku e Dios di pas mes santifiká boso kompletamente; i ku boso spiritu i alma i kurpa sea preservá kompleto, sin kulpa na e binida di nos Señor Jesu-Cristo.