16. E Hogar

16.9  Puresa               

 

1. Kiko Kristo a bisa di esnan ouru di kurason?
Mateo 5:8 Bendishoná ta esnan di kurason puru, pasobra nan lo mira Dios.

 

2. Kiko, Kristo a bisa, lo tabata violashon di e di siete mandamentu?
Mateo 5:27, 28
27 "Boso a tende ku a wòrdu bisá: 'No kometé adulterio;
28 ma Ami ta bisa boso ku ken ku wak un muhé pa dese'é, ya kaba el a kometé adulterio kuné den su kurason.

 

3. Ki amonestashonnan Pablo a duna Timoteo?
2 Timoteo 2:22 Awor, hui pa e pashonnan di hubentut, i buska hustisia, fe, amor i pas, huntu ku esnan ku ta yama na Señor for di un kurason puru.

 

4. Pa ken tur kos ta puru?
Tito 1:15 Pa esnan ku ta puru, tur kos ta puru; ma pa esnan ku ta kontaminá i ku ta inkrédulo, nada no ta puru, ma tantu nan mente komo nan konsenshi ta kontaminá.

 

5. Kua ehempel noble Hose a duna, ora ela wòrdu tentá pa peka?
Genesis 39:9 No tin ningun hende mas haltu den e kas aki ku ami, i e no a nengami nada sino abo so, pasobra abo ta su esposa. Kon anto mi por hasi e maldat grandi aki i peka kontra Dios?"

 

6. Kontra kiko e pueblo di Dios ta wòrdu spiertá?
Efesionan 5:3, 4
3 Ma no laga inmoralidat òf kualkier sorto di impuresa òf golosidat ni wòrdu mentá mes meimei di boso, manera ta pas pa santunan,
4 ni sushedat, ni papiamentu di ko'i loko, ni chansanan bulgar, ku no ta pas, ma mas bien duna gradisimentu.

 

7. Kiko e obranan di karni ta wòrdu yamá?
Galationan 5:19 Awor e obranan di karni ta evidente, kualnan ta: inmoralidat, impuresa, sensualidat,

 

8. Kiko ta wòrdu bisá di esnan ku ta hasi e kosnan aki?
Galationan 5:21 envidia, buracheria, parandiamentu, i kosnan asin' aki, di kualnan mi ta spièrta boso di antemano, meskos ku mi a spièrta boso kaba di antemano, ku esnan ku praktiká sorto di kosnan asina lo no eredá e reino di Dios.

 

9. Kontra kompania di ken nos ta wòrdu spierta?
1 Korintionan 5:11 Ma awor mi a skirbi boso pa no asosiá ku ningun hende ku ta ruman pa nòmber, si e ta un hende inmoral, òf golos pa plaka, òf un adoradó di dios falsu, òf un blasfemadó, òf un buraché, òf un estafadós pa ni kome mes huntu ku un hende asina.

 

10.Dikon mester evitá e tipo di mal kompania aki?
1 Korintionan 15:33 No laga hende gaña boso: "Mal kompania ta daña bon kustumber."

 

11.Kua lei infleksiblemente a wòrdu stipulá den Skritura?
Galationan 6:7, 8
7 No gaña boso mes: Dios no ta laga hasi bofon di djE; pasobra loke un hende sembra, esaki tambe e lo kosechá.
8 Pasobra esun ku sembra pa su mes karni lo kosechá korupshon for di e karni, ma esun ku sembra pa e Spiritu lo kosechá bida etèrno for di e Spiritu.

 

12. Kiko nos mester hasi, na lugá di papia bon di kosnan malu?
Efesionan 5:11, 12
11 I no partisipá den e obranan infruktifero di skuridat, sino mas bien eksponé nan;
12 pasobra ta bèrguensa asta pa papia di e kosnan ku nan ta hasi na sekreto.

 

13. Kon nos por paga bon tino di loke nos ta papia?
Efesionan 4:29 No laga ningun palabra dañino sali for di boso boka, sino solamente palabra ku ta bon pa edifikashon, konforme e nesesidat di e momento, pa esaki por duna grasia na esnan ku ta tende.

 

14. Kua skritura ta mustra ku impuresa sosial tabata un di e motibunan prinsipal ku e diluvio a bini?
Lesa Genesis 6:1-11

 

15. Kiko tabata e karakter di e habitantenan di Sodom?
Ezekiel 16:49, 50
49 "Mira, esaki tabata e kulpa di bo ruman muhé Sodoma: e ku su yu muhénan tabatin orguyo, kuminda na abundansia i bon bida sin ningun preokupashon, ma e no tabata yuda hende pober i esun den nesesidat.
50 Asina nan tabata arogante i nan tabata kometé abominashonnan Mi dilanti. Pesei Mi a deshasi di nan, ora Mi a mi ra esei.

 

16. Kiko, Kristo a bisa, lo ta e situashon di munu na Su binida?
Lukas 17:26-30
26 "I meskos ku a sosodé den e dianan di Noe, asina lo ta tambe den e dianan di e Yu di Hende:
27 nan tabata kome, nan tabata bebe, nan tabata kasa, nan tabata wòrdu duná pa kasa, te na e dia ku Noe a drenta e arka, i e diluvio a bin i a destruí nan tur.
28 "Tabata meskos ku a sosodé den e dianan di Lot: nan tabata kome, nan tabata bebe, nan tabata kumpra, nan tabata bende, nan tabata planta, nan tabata traha kas;
29 ma riba e dia ku Lot a sali for di Sodoma a yobe kandela i swafel for di shelu i a destruí nan tur.
30 "Lo ta meskos riba e dia ku e Yu di Hende wòrdu revelá.

 

17. Kua yamada pa aktuashon Dios ta hasi na e malbadonan?
Isaias 55:7 Laga e malbado bandoná su kaminda, i e hende inhustu su pensamentunan; i lagu'é bolbe serka Señor, i E lo tin kompashon kuné; i serka nos Dios, pasobra E lo pordoná abundantemente

 

18. Kiko ta e kosnan adekuá ku mester okupá nos mente?
Filipensenan 4:8 Finalmente, rumannan, tur loke ta bèrdadero, tur loke ta onorabel, tur loke ta hustu, tur loke ta puru, tur loke ta bunita, tur loke ta di bon fama, si tin algun birtut i si tin aIgu digno di alabansa, laga esakinan okupá boso mente.