16. E Hogar

16.8  Peligernan di e bida den Suidat Grandi               

 

1. Ora Abraham a bisa Lot pa e skohe e parti di e tera, ku e preferá pa biba, kua parti ela skohe?
Genesis 13:10,11
10 I Lot a hisa kara i a mira henter e vaye di Jordan, ku esaki tabatin hopi awa tur kaminda (promé ku Señor a destrui Sodoma i Gomora) manera e hòfi di Señor, manera e tera di Egipto den direkshon di Zoar.
11 Pesei Lot a skohe pa su mes henter e vaye di Jordan; i Lot a biaha bai pariba. Asina nan a separá for di otro.

 

2. Unda Lot tabata biba?
Genesis 13:12 Abram a keda biba na tera di Kanaan, mientras ku Lot a keda biba den e statnan di e vaye, i a bai pone su tèntnan te na Sodoma.

 

3. Kon e karakter di e suidadanonan di Sodom tabata?
Genesis 13:13 Awor e hòmbernan di Sodoma tabata masha malbado mes i pekadónan kontra Señor.

 

4. Ki deskripshon di e stat aki ta wòrdu duná mas aleu?
Ezekiel 16:49, 50
49 "Mira, esaki tabata e kulpa di bo ruman muhé Sodoma: e ku su yu muhénan tabatin orguyo, kuminda na abundansia i bon bida sin ningun preokupashon, ma e no tabata yuda hende pober i esun den nesesidat.
50 Asina nan tabata arogante i nan tabata kometé
abominashonnan Mi dilanti. Pesei Mi a deshasi di nan, ora Mi a mira esei.

 

5. Kon nan komportashon efektua Lot?
2 Pedro 2:7, 8
7 i si EI a reskatá Lot, e hòmber hustu, oprimí pa motibu di e kondukta sensual di hombernan malbado,
8 pasobra pa motibu di loke el a mira i tende, e hòmber hustu ei, bibando meimei di nan, a sinti su alma hustu tormentá dia aden dia afó ku nan echonan malbado),

 

6. Ken Señor a manda pa salba Lot prome ku Ela destruí Sodom?
Lesa Genesis 19:1-13

 

7. Kiko Lot a hasi i kon su esfuersonan a wòrdu rekompensá?
Genesis 19:14 Anto Lot a sali bai i a papia ku su yernonan ku tabata bai kasa ku su yu muhénan, i a bisa: "Lanta, sali for di e lugá aki, pasobra Señor ta bai destruí e stat." Ma pa su yernonan tabata parse ku ta chansa e tabata chansa.

 

8. Kiko e angelnan a bisa Lot e siguiente dia?
Genesis 19:15-17
15 I ora dia tabata habri e angelnan a insistí serka Lot, bisando: "Lanta, tuma bo esposa i bo dos yu muhénan ku t'aki, pa boso no peresé den e kastigu di e stat."
16 Ma Lot a tarda. Pesei e hòmbernan a gara su man i man di su esposa i man di su dos yu muhénan, pasobra e kompashon di Señor tabata riba djé; i nan a hib'é pafó i a pon'é pafó di e stat.
17 I a sosodé ku ora nan a hiba nan pafó, un di nan a bisa: "Hui pa bo salba bo bida! No wak bo tras, ni keda para ningun kaminda den e vaye; hui bai na e serunan, pa bo no peresé."

 

9. Kiko a sosode e ora ei?
Genesis 19:24, 25
24 E ora ei Señor a laga yobe riba Sodoma i Gomora, swafel i kandela di Señor, for di shelu,
25 i El a destruí e statnan ei, henter e vaye, tur e habitantenan di e statnan i tur loke tabata krese riba tera.

 

10 . Kiko a pasa ku e kasá di Lot, pa motibu ku e no a paga tino na orden ku e angelnan a duna?
Genesis 19:26 Ma esposa di Lot, kende tabata kana su tras, a drai wak patras, i el a bira un pilar di salu.

 

11. Ku kiko Kristo a kompará s situashon di mundu prome ku segunda binida?
Lukas 17:28-30
28 "Tabata meskos ku a sosodé den e dianan di Lot: nan tabata kome, nan tabata bebe, nan tabata kumpra, nan tabata bende, nan tabata planta, nan tabata traha kas;
29 ma riba e dia ku Lot a sali for di Sodoma a yobe kandela i swafel for di shelu i a destruí nan tur.
30 "Lo ta meskos riba e dia ku e Yu di Hende wòrdu revelá.

 

12. Di kiko e destrukshon di Sodom i Gomora ta un ehempel?
2 Pedro 2:6 i si EI a kondená e statnan Sodoma i Gomora pa destrukshon dor di hasi nan bira shinishi, hasiendo nan un ehèmpel pa esnan ku despues lo a biba den impiedat;

13. Kiko lo pasa bou e di shete plaga?
Revelashon 16:17-19
17 I e di shete angel a basha su kòmchi den laira; i a sali un bos duru for di e tèmpel for di e trono, bisando: "Ta kumplí".
18 I tabatin rayonan di lamper i zonidunan i tirunan duru di strena; i tabatin un temblor grandi, manera no tabatin nunka desde ku hende a bin na eksistensia riba tera, asina un temblor grandi i fuerte e tabata.
19 I e gran stat a spleit den tres parti, i e statnan di e nashonnan a kai. I e gran Babilonia a wòrdu rekòrdá dilanti di Dios, pa dun'é e kopa di e biña di Su furia ardiente.