16. E Hogar

16.2  Un feliz Hogar i kon por form’e            

 

1. Na unda dor di ken e base di e hogar a wòrdu establesé?
Genesis 2:8 I Señor Dios a planta un hòfi parti pariba, na Edén; i ayanan El a pone e hòmber ku El a forma.

 

2. Kiko tabata nesesario, aparte di Adam, pa forma un hogar?
Genesis 2:18 E ora ei Señor Dios a bisa: "No ta bon pa e hòmber ta so; lo Mi traha un yudadó p'é ku ta pas kuné."

 

3. Kiko Dios a bisa Adam i Eva, despues ku Ela traha nan?
Genesis 1:28 Anto Dios a bendishoná nan, i Dios a bisa nan: "Sea fruktîfero i multipliká, i yena e tera i hasi esaki someté na bo; i goberná riba e piskánan di laman i riba e parhanan di shelu, i riba tur ser bibu ku ta move riba tera."

4. Ku kiko e esposa i e muchanan di e esposo ku ta teme Señor, ta wòrdu kompará?
Salmonan 128:2,3
2 Ora bo kome di e trabou di bo mannan, lo bo ta felis i lo bai ba bon.
3 Bo esposa lo ta manera un mata di wendrùif fruktífero den e parti mas paden di bo kas; bo yunan lo ta manera palunan di oleifi rònt di bo mesa.

 

5. Kiko muchanan ta segun e Salmista?
Salmonan 127:3 Mira, yunan ta un erensia di Señor; e fruta di barika ta un rekompensa.

 

6. Den ki relashon e esposa mester biba ku su esposo?
Efesionan 5:22,23
22 Esposanan, sea sumiso na boso mes esposo, manera na Señor.
23 Pasobra e esposo ta kabes di e esposa, meskos ku Cristo tambe ta kabes di e iglesia, E mes siendo Salbador di e kurpa.

7. Kon hòmbernan mester konsiderá nan esposa?
Lesa: Efesionan 5:25-33
25 Esposonan, stima boso esposa, meskos ku Cristo tambe a stima e iglesia i a entregá Su mes p'é,
26 pa E santifik'é despues di a purifik'é pa medio di e labamentu di awa ku e palabra,
27 pa E presentá na Su mes e iglesia den tur su gloria, sin mancha ni ploi ni nada paresido, ma pa é por ta santu i sin kulpa.
28 Asina esposonan tambe mester stima nan esposa manera nan mes kurpa. Esun ku ta stima su esposa ta stima su mes;
29 pasobra nunka ni un hende no a odia su mes karni, ma ta aliment'é i ta kuid'é, meskos ku Cristo tambe ta hasi ku e iglesia,
30 pasobra nos ta miembronan di Su kurpa, di Su karni i di Su wesunan.
31 Pesei un hòmber lo bandoná su tata i su mama, i lo uni ku su esposa; i nan lo bira ún karni."
32 E misterio aki ta grandi, ma mi ta papia tokante di Cristo i e iglesia.
33 Asina anto, laga kada un di boso tambe stima su esposa manera su mes; i e esposa pèrkurá pa e respetá su esposo.

 

8. Kontra kiko hòmbernan ta wòrdu spierta?
Kolosensenan 3:19 Esposonan, stima boso esposanan, i no sea amargá kontra nan.

 

9. Di kon esposanan mester ta sumiso na nan esposonan?
1 Pedro 3:1 Na mes manera, boso, esposanan, sea sumiso na boso mes esposonan, pa si algun di nan ta desobedesido na e palabra, nan por wòrdu ganá sin palabra pa medio di e kondukta di nan esposanan,

 

10. Dikon e esposonan mester trata nan esposanan ku komprenshon?
1 Pedro 3:7 Meskos boso, esposonan, biba ku boso esposanan ku komprenshon, manera ku un vaso mas delikado, komo ku e ta hende muhé; i dun'é onor komo koeredero di e grasia di bida, pa boso orashonnan no wòrdu strobá.

11. Di kon muchanan mester obedesé nan matornan?
Efesionan 6:1 Yunan, obedesé boso mayornan den Señor , pasobra esaki ta hustu.

 

12. Kon mayornan mester eduká nan yunan?
Efesionan 6:4 I boso, tatanan, no proboká boso yunan na rabia, ma lanta nan den e disiplina i instrukshon di Señor.

 

13. Di kon e tatanan no mester proboká nan yunan?
Kolossenzen 3:21 Tatanan, no proboká boso yunan, pa nan no pèrdè ánimo.

 

14. Pa medio di kiko e mama por konektá e kurasonnan di e stimanan den e hogar?
Proverbionan 31:26 E ta habri su boka ku sabiduria, i siñansa kariñoso ta riba su lenga.

 

15. Kon un mama asina ta wòrdu konsiderá?
Proverbionan 31:28 Su yunan ta lanta i ta yam'é bendishoná; su esposo tambe, i e ta gab'é,:

16. Kon fiel e mayornan mester ta den siñansa di e instrukshonnan i mandamentunan di Dios na nan yunan?
Deuteronomio 6:7 Siña nan ku tur diligensia na bo yunan, i papia di nan ora bo ta sinta den bo kas, ora bo ta kana riba kaminda, ora bo ta bai drumi i ora bo ta lanta.

17. Kiko ta e gran sekreto di un hogar felis?
Proverbionan 15:17 Mihó un tayó di bèrdura kaminda tin amor, ku un toro gòrdá i odio huntu kuné.