16. E Hogar

16.1  Institushon di e Matromoño             

 

1. Kiko Dios a bisa despues ku Ela traha hende?
Genesis 2:18 E ora ei Señor Dios a bisa: "No ta bon pa e hòmber ta so; lo Mi traha un yudadó p'é ku ta pas kuné."

 

2. Kiko Dios lo a traha p’é pa e motibu aki?
Genesis 2:18 E ora ei Señor Dios a bisa: "No ta bon pa e hòmber ta so; lo Mi traha un yudadó p'é ku ta pas kuné."

 

3. Por a haña un yudadò asina bou di e otro kreaturanan ku Dios a krea?
Genesis 2:20 I e hòmber a duna nòmber na tur bestia di kria i parha di shelu, i tur bestia di sabana, ma pa Adam no a wòrdu hañá un yudadó ku tabata pas kuné.

 

4. Kiko Dios a hasi pa motibu ei?
Genesis 2:21, 22
21 Asina Señor Dios a hasi e hòmber pega un soño profundo, i el a drumi; e ora ei EI a tuma un di su repchinan i a sera e karn i na e lugá ei.
22 I Señor Dios a traha un muhé ku e repchi ku EI a tuma for di e hòmber i a hib'é pa e hòmber.
Nota: Dios a traha hende no segun e òrdu di bestianan, pero “segun Su imagen.” Tambe El’a skohe e kompañero di e hòmber òf “E judansa” no for di un òf otro famia di sernan, pero a trah’e for di e hòmber, for di e mesun stòf. E no tum’e for di e pia die hòmber, pa e no haña hustifikashon pa humil’e, ni pa hus’e komo esklabu òf trap’e ku pia; no for di e kabes di e hòmber, pa asina e muhe no por a ehersé dominio riba e hòmber; pero for i e banda di e hòmber, serka di e kurason, e asiento di amor, Pa asina e muhe por asistí e hòmber komo igual i para na su banda i bou di superfisio di Dios, por a elaborá e plan i destino di e rasa humano. E hòmber. E fuerte, e noble, e berdadero; e muhe, esun mas suak, sintimental i amoroso.

 

5. Kiko Adam a bisa, ora ela risibí e muher for di Dios?
Genesis 2:23 I e hòmber a bisa: "Esaki ta awor wesu di mi wesunan, i karni di mi karni; e lo wòrdu yamá Muhé, pasobra el a wòrdu tumá for di Hòmber."

 

6. Kua bèrdat grandi a wòrdu deklará despues?
Genesis 2:24 Pesei un hòmber lo bandoná su tata i su mama i lo uni ku su esposa. I nan lo bira ún karni.

7. Ku kua palabranan Hesus a rekonosé matrimoño komo for di Dios?
Mateo 19:6 Asina anto nan no ta dos mas, sino ún karni. Pesei loke Dios a uni, no laga ningun hende separá."
Nota: Asina Dios a instituí e matrimoño den e hifi di Eden, prome ku hende a peka. Meskos ku e sabbat, e institushon ta bini serka nos ku e bunitesa di e bendishon di Dios, establisá den Hòfi di Eden dor di sosegá riba dje.
E no a wòrdu etablisí solamente pa poblá e mundu i pa e rasa sobreviví, pero pa promové òrdu sosial felisidat humano; pa impedí amor prohibí i pa medio di hogar bon organisá promové bèrdat, puresa i santidat foi siglonan pa siglo.
Si rekonosé e origen dibino di matrimoño i obedesé prinsipionan ku e ta kontené, e matrimoño ta un bendishon bèrdè; pero si e ta wòrdu neglishá desater ta sigui. Ora hasi bon uso di dje e ta un gran bendishon, pero ora e ta wòrdu neglisha, e ta bira un teribel maldishon.

 

8. Dor di kua mandamentunan Dios a protehá enlase matrimoñal?
Eksodo 20:14,17
14 "Lo bo no kometé adulterio.
17 " No kudishá kas di bo próhimo; no kudishá esposa di bo próhimo, ni su sirbidó hòmber, ni su sirbidó muhé, ni su buey, ni su buriku, ni nada ku ta pertenesé na bo próhimo."

 

9. Kua mandato ta wòrdu duná den Testament Nobo tokante e matrimoño?
Hebreonan 13:4 Laga matrimonio wòrdu onrá pa tur hende, i laga e kama matrimonial ta. sin mancha; pasobra Dios lo huzga fornikadónan i adúlteronan.
Lesa Romanonan 7:1-4; 2 Korintio 11:2; Oseas 2:19, 20; Revelashon 19:2

 

10. Kua tipo di matrimoño a wòrdu introdudisí dor di hende, despues di e kaida i a guia na hopi maldat?
Genesis 6:1, 2
1 Awor a sosodé ku ora hende a kuminsá multipliká riba superfisio di ter a i a haña yu muhénan,
2 e yu hòmbernan di Dios a mira ku e yu muhénan di hende tabata bunita; i nan a tuma esposanan pa nan mes, esun ku nan tabata kier a skohe.
Nota: No solamente tabatin poligamia, lokual ta malu riba su mes, pero e yu “hòmbernan di Dios” e desendientenan di Seth, a tuma muhenan for di e “yumuhenan di hende,”
e desendientenan di e liña di Kain i di e forma ei e semia, òf e iglesia di Dios a wòrdu profaná.Asina henter e famia a wòrdu kurumpí, i maldat a multipliká i e diluvio a bini.

11. Kua restrikshon Dios a ordená tokante matrimoño den Israel?
Numbernan 36:6 Esaki ta loke Señor a ordená enkuanto e yu muhénan di Zelofehad, bisando: 'Laga nan kasa ku esun ku nan ta deseá di kasa kuné; solamente, nan mester kasa den e famia di e tribu di nan tata.'

 

12. Kua prohibishon Dios a duna Su pueblo skohí pa no emparentá ku e pueblo paganonan i di kon?
Deuteronomio 7:3,4
3 No emparentá ku nan; no duna bo yu muhé na nan yu hòmber, ni tuma nan yu muhé pa bo yu hòmber.
4 Pasobra nan lo kita bo yu hòmber di siguiMi pa sirbi otro diosnan; e ora ei e rabia di Señor lo sende kontra bo, i E lo destruíbo mesora.
Nota: Dios no tabata ke pa Israel hasi e mesun fout ku su pueblo a hasi prome ku e diluvio.

 

13. Kua ordu ta wòrdu duná den Testament Nobo tokante kasamentu ku inkrédulonan?
2 Korintionan 6:14-16
14 No uni boso mes den yugo desigual ku inkrédulonan, pasobra ki kompane-rismo hustisia tin ku inhustisia, i ki komunion lus tin ku skuridat?
15 òf ki harmonia Cristo tin ku Belial òf kiko un kreyente tin komun ku un inkrédulo?
16 òf ki kombenio e tèmpel di Dios tin ku idolo? Pasobra nos ta e tèmpel di e Dios bibu, manera Dios a bisa: "Lo mi biba den nan i kana meimei di nan; i lo Mi ta nan Dios, i nan lo ta Mi pueblo."
Esdras 9:12 Asina anto, no duna boso yu muhénan na nan yu hombernan ni tuma nan yu muhénan pa boso yu hombernan; i no buska nan pas ni nan prosperidat nunka, pa boso por ta fuerte i kome e kosnan bon di tera, i lagu’é komo un erensia pa boso yu hombernan pa semper.
Lesa tambe Eksodo 34: 14-16; Huesnan 14: 1-3; Esdra 9 en 10 en Nehemias 13:23-27

 

14. Kua enkargo Abraham a duna su sirbido Eliezer, ora ela mande bai pa buska un muher pa su yuihòmber Izaak?
Genesis 24:40 I el a bisami: ' Señor, den Kende Su presensia mi a kana, lo manda Su angel huntu ku bo pa hasi bo biahe eksitoso, i lo bo tuma un esposa pa mi yu for di mi famianan i for di kas di mi tata.

15. Pa kuantu tempu e dos partido den matrimoño ta mará?
Romanonan 7:2 Pasobra e muhé kasá, segun lei, ta mará na su esposo tanten ku su esposo ta na bida; ma si su esposo muri, e ta liber di e lei di matrimonio.
1 Korintionan 7:39 Un esposa ta mará na su esposo tanten ku su esposo ta na bida; ma si su esposo muri, e ta liber pa kasa ku ken ku e ta deseá, basta ta den Señor.

 

16. Solamente kiko Kristo ta rekonosé komo motibunan valido pa diborsiá?
Mateo 19:9 “I Mi ta bisa boso, ken ku diborsiá su esposa, si no ta pa motibu di inmoralidat seksual, i kasa ku otro muhé, ta kometé adulterio."
Nota: Leinan Sivil ta rekonosé otro motibunan pa deborsiá manera maltrato, buracheria kontinuo i otro tipo di violashonan horibel. Pero segun Kristo solamente ùn violashon ta hustifiká deborsio.