16. E Hogar

16.3  Religion den e Hogar             

1. Kon bon Dios konosé e bida di kada persona individualmente?
Salmonan 139:2-4
2 Bo sa ki ora mi ta sinta i ki ora mi ta lanta; Bo ta komprendé mi pensamentunan djaleu.
3 Bo ta skudriñá mi kanamentu i mi drumimentu, i tur mi kamindanan ta konos i pa Bo.
4 Promé ku tin un palabra riba mi lenga, ya Bo konosé esaki kaba, O Señor.

2. Kiko ta prinsipio di sabiduria?
Salmonan 111:10 E temor di Señor ta e prinsipio di sabiduria; tur hende ku kumpli ku Su mandamentunan tin bon komprendementu; Su alabansa ta permanesé pa semper.

3. Riba ken Dios ta drama su furia?
Jeremias 10:25 Drama Bo furia riba e nashonnan ku no konoséBo, i riba e famianan ku no ta invoká Bo nòmber, pasobra nan a devorá Jakob; nan a devor'é i a kaba kuné, i a laga su lugá di biba keda desolá.

4. Kon mayornan ta wòrdu komandá pa eduká nan yunan?
Efesionan 6:4 I boso, tatanan, no proboká boso yunan na rabia, ma lanta nan den e disiplina i instrukshon di Señor.
Nota: Sirbimentu di Dios ta amor i den un hogar unda Dios ta wòrdu sirbí, amor ta reina. Mester tin amor den hechonan, amor ku ta sprúit for di hente komunidat i ku ta manifestá su mes den miles manera den signal chikitu di kouteloso, simpatia , apnegashon, bondat i kortesia.
“week-Day Religion” door J.R. Miller, D, D, blz 83

5. Kon fiel mayornan mester ta den instuí e palabra di Dios na nan yunan?
Deuteronomio 6:6, 7
6 E palabranan aki, ku mi ta ordenábo awe, mester ta riba bo kurason.
7 Siña nan ku tur diligensia na bo yunan, i papia di nan ora bo ta sinta den bo kas, ora bo ta kana riba kaminda, ora bo ta bai drumi i ora bo ta lanta.

6. Kiko ta e balor di instruí e muchanan na un manera adekuá?
Proverbionan 22:6 Instruí un mucha den e kaminda ku e mester kana, i asta ora ku e bira bieu e lo no apartá su mes for di djé.
Nota: Nunka un hende ta muchu yòn pa kuminsá stima Dios. Nunka un mama òf tata a haña duele ku den e edukashon di nan yunan a siña nan pa stima Dios, teme’lE, honrel’E i obedesel’E.

7. Kon tempran Timoteo a siña e Skritura?
2 Timoteo 3:15 i ku for di infansia bo a konosé e skrituranan santu, kualnan por dunabo e sabiduria ku ta hiba na salbashon pa medio di fe, ku ta den Cristo Jesus.
Nota: E tata di Timoteo tbata e Griego i su mama un hudiu. Foi tempu do mucha e la wòrdu instruí den Skritura. E fe di su mama i di su wela den e palabra di Dios a wòrdu inplantá fielmente den dj’e foi tempran. 2 Timoteo 1: 5.
E deboshon, ku e la mira den su propio kas, tabatatin un influensia formashon riba su propio bida. Esaki ku e konosementu di Skritura , a hasi’e kapabel pa karga responsibilidat i traha fielmente den kousa di Kristo. Loke e la siña na kas, Dios a husa pa preparel’e pa un bida ùtil. Asina mester ta den kada hogar.

8. Dikon Dios a buta konfiansa den Abraham i a dunel’e un mandato sagrado?
Genesis 18:19 Pasobra Mi a skoh'é, pa e por ordená su yunan i e hendenan di su kas despues di djé pa warda e kaminda di Señor, dor di hasi hustisia i huisio, pa Señor por trese riba Abraham loke EI a papia to kante di djé."

9. Kiko tabata Abraham su kostumber tur kaminda unda e bai?
Genesis 12:8 I for di einan el a sigui bai na e seru pariba di Bèt-èl i a lanta su tènt, ku Bèt-èl parti pabou i Ai parti pariba; i ayanan el a traha un altar pa Señor i a invoká e nòmber di Señor.
Genesis 13:4 na e lugá di e altar ku el a traha ayanan anteriormente; i ayanan Abram a invoká e nòmber di Señor.
Genesis 21:33 I Abraham a planta un palu di tamarisko na Beerseba, i ayanan el a invoká e nòmber di Señor, e Dios Etèrno.
Nota: E manera riba kual religion na kas ta wòrdu praktiká, ta di masha importansia. E mester ta wòrdu hasi atraktivo ku asta e muchanan mas yòn ta anhelá na dj’e.
“Week-Day Religion” door J.R. Miller, D,D, blz 81-83


10. Kua mandato ta indiká gradisimentu na Dios pa e pan di kada dia?
1 Tesalonisensenan 5:18 sea gradisido den tur kos; pasobra esaki ta e boluntat di Dios pa boso den Cristo Jesus.
Nota: Normalmente muchanan lo manifestá e bida i prinsipionan ku nan mayornan ta revelá. E motibu ku tantu muchanan ta irespetuoso, ireligioso i desobediente awendia, ta loke e mayornan ta.Si mayornan ta deseá un situashon otro, nan mester introdusí Dios den nan hogar, hasi Su palabra nan guia i konsehero. Nan mester siña na muchanan e temor di Dios, i ku Su palabra ta e bos di Dios ku ta papia ku nan i ku nan mester obedesé inkondishonal.
Den muchu hogar orashon ta wòrdu deskuidá. Si tin un tempu ku kada hogar tin ku ta un kas di orashon, ta awor.Mama ku tata tin ku halsa nan kurason frekuentemente na Dios ku humildat pa nan mes i pa nan yunan.
Laga e tata komo saserdote di e hogar buta e sakrifisio di mainta i anochi riba e altar di Dios, mientras a e mama i e yunan ta konsentí den e orashon i alabansa na Dios.
Den un hogar asina Hesu ta keda.
Christian Education blz 221