15. Amonestashonnan i Spiertamentunan

15.8  Huzgamentu          

 

1. Ki spiertamenttu Kristo ta duna tokante huzgamentu?
Mateo 7:1 "No huzga, pa boso no wòrdu huzgá”.

 

2. Kon Satanas ta wòrdu yamá den Skritura?
Revelashon 12:10 I mi a tende un bos duru den shelu, bisando: "Awor e salbashon i e poder i e reino di nos Dios i e outoridat di Su Cristo a yega, pasobra e akusadó di nos rumannan, ku ta akusá nan di dia i anochi dilanti di nos Dios, a wòrdu tirá abou.

3. Akaso nos ta morde i devorá otro, kiko nos por spera?
Galationan 5:15 Ma si boso ta morde i ta devorá otro, mira pa boso no wordu destruí un dor di otro.

 

4. Kiko nos mester hasi prome, promé ku nos tin intenshon pa huzga, kritika òf amonestá otro?
Mateo 7:3-5
3 "I pakiko bo ta wak e stof den wowo di bo ruman, ma no ta ripará e balki ku tin den bo mes wowo?
4 òf kon bo por bisa bo ruman: 'Lagami saka e stòf for di bo wowo,' i mira, e balki no ta den bo mes wowo?
5 Abo, hipokrit, saka promé e balki for di bo mes wowo, i e ora ei lo bo mira bon kla pa saka e stòf for di wowo di bo ruman.

 

5. Kiko Kristo no a bin na mundu pa hasi?
Juan 12:47 "I si un hende tende Mi palabranan i no kumpli ku nan, Mi no ta huzgu'é, pasobra Mi no a bin pa huzga mundu, ma pa salba mundu.
Juan 3:17 Pasobra Dios no a manda e Yu den mundu pa kondená mundu, ma pa mundu wòrdu salbá dor di djE.

 

6. Ki pregunta Pablo ta hasi tokante huzgamentu?
Romanonan 14:4 Ken bo ta pa huzga sirbidó di otro hende? Pa su mes shon e ta keda para Of e ta kai; i e lo keda para, pasobra Señor tin poder pa hasié para.

 

7. Na ken tur tin ku duna kuenta?
Romanonan 14:12 Asina anto, kada un di nos lo duna kuenta di su mes na Dios.

 

8. Ki advertensia Pablo ta duna asina?
Romanonan 14:13 Pesei, no laga nos huzga otro mas, ma mas bien disidî esaki: pa no pone ningun opstákulo òf piedra di trompeká den un ruman su kaminda.

 

9. Kiko Kristo a hasi na luga di kulpa Su enemigunan?
1 Pedro 2:23 i ora ku El a wòrdu zundrá, E no a zundra bèk; ora ku El a sufri, E no a menasá, ma a konfia Su mes na Esun ku ta huzga ku hustisia;

 

10. Den kiko e huzgamentu di hende ta diferensia for di huzgamentu di Dios?
Lukas 16:15 I El a bisa nan: "Boso ta esnan ku ta hustifiká boso mes den bista di hende, ma Dios konosé boso kurason; pasobra loke ta di masha hopi balor pa hende ta abominabel den bista di Dios.

 

11. Kon nos mester huzga, segun Kristo?
Juan 7:24 No huzga segun aparensia, ma huzga ku huisio hustu. " Jesus ta e Cristo?

 

12. Riba ki manera i kua spiritu tin ku trata esnan ku a komete un delito i ken tin ku hasi’é?
Galationan 6:1 Rumannan, asta si un hende wòrdu sorprendí den kualkier delito, boso, ku ta spiritual, restorá un hende asina den un spiritu di mansedumbre; kada un wak su mes, pa boso tambe no wòrdu tentá.

 

13. Di kiko nos ta kulpabel ora nos ta husga otro?
Romanonan 2:1 Pesei bo no tin èkskùs, kada un di boso ku ta huzga otro, pasobra den loke bo ta huzga un otro, bo ta kondená bo mes; pasobra abo ku ta huzga ta praktiká e mesun kosnan.

 

14. Ken nos na ta huzga i kondená?
1 Korintionan 11:31 Pasobra si nos a huzga nos mes korektamente, nos lo no a wòrdu huzgá.

 

15. Kiko Santiago ta bisa tokante huzgamentu?
Santiago 4:11 No papia malu un di otro, rumannan. Esun ku papia malu di un ruman, òf huzga su ruman, ta papia kontra lei i ta huzga lei; ma si bo huzga lei, bo no ta un kumplidó di lei, sino un hues di djé.
Tito 3:2 pa no kalumniá ningun hende, pa no ta pleitadó, ma suave, mustrando tur konsiderashon pa tur hende.

 

16. Pakiko e ta mas safe pa no huzga òf kondená?
Lukas 6:37 "No huzga, i boso lo no wòrdu huzgá; no kondená, i boso lo no wòrdu kondená; pordoná, i boso lo wòrdu pordoná”.
Mateo 7:2 Pasobra di e mesun manera ku boso huzga, boso lo wordu huzgá; i ku e mesun midi ku boso midi, lo wòrdu midi pa boso tambe.
Salmonan 18:25, 26
25 Na e hende miserikòrdioso Bo ta mustra Bo mes miserikàrdioso; na e hende rekto Bo ta mustra Bo mes rekto;
26 na e hende puru Bo ta mustra Bo mes puru, ma na e hende pèrvèrso Bo ta mustra Bo mes severo.

 

17. Te na ki tempu nos ta wòrdu atvertí pa posponé huisio?
1 Korintionan 4:5 Pesei, no sigui huzga promé ku tempu, ma warda te ora Señor bin, Kende tambe lo trese na kla e kosnan skondî den skuridat i deskubri e intenshonnan di kurason di hende; i e ora ei kada hende lo risibí su elogio for di Dios.