15. Amonestashonnan i Spiertamentunan

15.7  Inkredulidat         

 

1. Ki spiertamentu ta wòrdu duná den Beibel kontra inkredulidat?
Hebreonan 3:12 Tene kuidou, rumannan, pa no tin den ningun di boso un kurason malbado i inkrédulo, dor di alehá for di e Dios bibu.

 

2. Kiko ta imposibel sin fe?
Hebreonan 11:6 I sin fe ta imposibel pa agrad'E, pasobra esun ku bin serka Dios mester kere ku Eta, i ku E ta Esun ku ta rekompensá esnan ku ta busk'E.

 

3. Kiko ta e uniko manera pa wòrdu hustifiká?
Romanonan 5:1 Pesei, siendo hustifiká pa medio di fe, nos tin pas ku Dios dor di nos Señor Jesu-Cristo,

 

4. Kon e hustu ta biba?
Hebreonan 10:38 Ma e hustu lo biba pa medio di fe; i si e hal' atras, Mi alma no tin plaser den djé.

 

5. Den ken Señor tin gustu?
Hebreonan 10:38 Ma e hustu lo biba pa medio di fe; i si e hal' atras, Mi alma no tin plaser den djé.

 

6. Kua tipo di reportahe e dies spion a duna tokante e tera primintí?
Numbernan 13:32 Asina nan a duna e yunan di Israel un mal reportahe di e tera ku nan a spioná, bisando: "E tera ku nos a pasa den pa spioná ta un tera ku ta devorá su habitantenan; i henter e pueblo ku nos a mira einan ta hombeman di gran estatura.

 

7. Kiko Kalèb a bisa e pueblo despues di mal reportahe?
Numbernan 13:30 E ora ei Kalèb a kalma e pueblo dilanti di Moisés, i a bisa: "Laga nos bai mesora i tuma poseshon di djé, pasobra siguramente nos lo vens'é.

 

8. Kiko e otro spionnan a bisa:
Numbernan 13:31 Ma e hòmbernan ku a bai huntu ku Kalèb a bisa: "Nos no por bai kontra e pueblo, pasobra nan ta muchu fuerte pa nos.

 

9. Di kon Israel no a alkansa e standarte di hustisia?
Romanonan 9:31,32
31 ma Israel, ku tabata buska un lei di hustisia, no a alkansá e lei ei.
32 Pakiko? Pasobra nan no a busk'é pa medio di fe, ma komo si fuera e tabata pa medio di obranan. Nan a trompeká riba e piedra di trompeká,

 

10. Ora nan a bisa Kristo ku e disipelnan no por a kura e hoben ku tabatatin un un spiritu ku ta hasié mudo, kiko Ela bisa di e generashon?
Marko 9:19 I EI a kontestá nan i a bisa: "O generashon inkrédulo, kuantu tempu mas lo Mi ta serka boso? Kuantu tempu mas Mi mester soportá boso? Tres'é pa Mi!

 

11. Kiko Kristo a bisa Tomas, pa motibu e no tabata kere e testimonio di su rumannan tokante e resurekshon?
Juan 20:27 Despues EI a bisa Tomas: "Trese bo dede akinan i wak Mi mannan; i trese bo man i hink'é den Mi kustia; i no sea inkrédulo, ma kere."

 

12. Kiko Pablo ta atvertí nos pa hasi, despues di a papia tokante hopi ehempelnan di fe den Hebreonan kapitulo 11?
Hebreonan 12:1 Pesei, komo ku nos tin un nubia asina grandi di testigunan ta rondoná nos, laga nos tambe pone un banda tur strobashon, i e piká ku ta mara nos asina fasil, i ku pèrseveransia laga nos kore e kareda ku ta poní nos dilanti,

13. Di kon hopi den e tempu antiguo no a drenta den e sosiegu di Dios?
Hebreonan 3:18,19
18 I ta na ken EI a hura ku nan lo no a drenta den Su sosiegu, sino na esnan ku tabata desobedesido?
19 I asina nos ta mira ku nan no por a drenta pa motibu di inkredulidat.

 

14. Kiko ta wòrdu bisá tokante esnan ku a peka?
Hebreonan 3:17 I ta ku ken E tabata rabiá kuarenta aña largu? No tabata ku esnan ku a peka, kende nan kurpanan a kai den desierto?

 

15. Kua lès nos mester saka for di nan manera di aktua?
Hebreonan 4:1 Pesei, laga nos tin temor, pa, mientras ku ta keda un promesa ainda pa drenta den Su sosiegu, no parse ku un di boso a keda sin alkansá esaki.

 

16. Kiko tur tin ku hasi ku tur diligensia?
Hebreonan 4:11 Pesei, laga nos ta diligente pa drenta den e sosiegu ei, pa ningun hende no kai dor di sigui e mesun ehèmpel di desobedensia.

 

17. Kontra kiko nos ta wòrdu spiertá, ora Dios ta reprendé nos?
Hebreonan 12:5 i boso a lubidá e spièrtamentu ku a wòrdu dirigí na boso komo yunan: "Mi yu, no menospresiá e disiplina di Señor, ni desmayá ora ku E reprendébo;

 

18. Ken Señor ta disipilná?
Hebreonan 12:6 pasobra esnan ku Señor ta stima, E ta disipliná, i E ta suta tur yu ku E ta risibí.

 

19. Ora Dios a duna Abraham un promesa ku ta tabata parse imposibel pa kumpli, kon e Patriarka a asept’é?
Romanonan 4:20 tòg, relashoná ku e promesa di Dios, e no a duda dor di inkredulidat, ma a bira fuerte den fe, dunando gloria na Dios,

 

20. Kon e fe di Abraham a wòrdu kontá na dj’é?
Romanonan 4:3 Pasobra kiko Skritura ta bisa? "I Abraham a kere Dios i esaki a wòrdu kontá komo hustisia p'é.

 

21. Ora nos duda ku tuma poseshon di nos, kiko nos mester resa p’é?
Marko 9:24 Mesora tata di e mucha a dal un gritu bisa: "Mi ta kere; yudami den mi inkredulidat! "

22. Kiko ta wòrdu primintí na esnan ku ta kere ora nan ta resa?
Marko 11:24 Pesei Mi ta bisa boso, tur loke boso pidi ora boso ta hasi orashon, kere ku boso ta risibié, i e lo bira di boso.