15. Amonestashonnan i Spiertamentunan

15.6  Apostasia        

 

1. Kon Dios ta konsiderá desvia?
Hebreonan 10:38 Ma e hustu lo biba pa medio di fe; i si e hal' atras, Mi alma no tin plaser den djé.

 

2. Kiko tabata e tendensia di e pueblo di Dios?
Oseas 11:7 Asina Mi pueblo ta determiná pa bira for di Mi. Maske nan yama nan pa bin serka e Haltisimo, ningun di nan apsolutamente no ta hals'E.

 

3. Kiko ta guia na alehamentu for di Dios?
Hebreonan 3:12 Tene kuidou, rumannan, pa no tin den ningun di boso un kurason malbado i inkrédulo, dor di alehá for di e Dios bibu.

 

4. Den ki forma tabata mustra e apostia kontinuo di e pueblo di Jerusalem?
Jeremias 8:5, 6
5 Pakiko anto e pueblo aki di Jerusalèm ta ketu bai den apostasia? Nan ta tene duru na engaño; nan ta nenga di bolbe.
6 Mi a tende i a skucha, ma nan a papia loke no ta korekto; ningun hende no a repentí di su maldat, bisando: 'Kiko mi a hasi?' Kada un a kohe su mes rumbo, manera un kabai ku ta kore enfrentá bataya.

 

5. Ku kiko apostasia ta wòrdu kompará?
Jeremias 3:20 Manera un muhé traishonero ta bandoná su amante, asina abo, O kas di Israel, a traishonáMi, " Señor ta deklará.
.

6. Kiko esnan ku ta apostatá tin ku hasi Pa bolbe wòrdu aseptá pa Dios?
Jeremias 3:13 Solamente atmiti bo inikidat, ku bo a transgresá kontra Señor bo Dios,

 

7. Riba ki kondishon Dios ta primintí di tin kompashon ku pekadornan?
Isaias 55:7 Laga e malbado bandoná su kaminda, i e hende inhustu su pensamentunan; i lagu'é bolbe serka Señor, i E lo tin kompashon kuné; i serka nos Dios, pasobra E lo pordoná abundantemente

 

8. Di kon e malbadonan mester bandoná nan pensamentunan i nan kamindanan?
Isaias 55:8 "Pasobra Mi pensamentunan no ta boso pensamentunan, ni boso kamindanan no ta Mi kamindanan, " Señor ta deklará.

 

9. Kiko ta prinsipalmente nesesario pa evitá apostasia?
Marko 14:38 Keda vigilá i hasi orashon, pa boso no kai den tentashon; e spiritu ta boluntario, ma e karni ta debil."

10. Kiko e kerientenan ta wòrdu atvertí pa hasi?
2 Korintionan 13:5 Saminá boso mes pa wak si boso ta den e fe; saminá boso mes! òf boso no ta rekonosé esaki di boso mes, ku Jesu-Cristo ta den boso-a menos ku di bèrdat boso a wòrdu desaprobá?

 

11. Ora un hende tin e lei di Dios den su kurason, kiko lo no sosodé?
Salmonan 37:31 E lei di su Dios ta den su kurason; su pianan no ta slep.

12. Kiko tabata e karakteristika di apostasia?
Malakias 3:7 For di e dianan di boso tatanan boso a bandoná Mi statutonan, i no a warda nan. Bolbe serka Mi, i lo Mi bolbe serka boso," e Señor di ehérsitonan ta bisa.

 

13. Kua statuto, Dios ta dua komo kontesta, ku ta wòrdu bandoná?
Malakias 3:8 "Hende lo hòrta Dios? Tòg boso ta hòrtaMi! "Ma boso ta bisa: 'Kon nos a hòrta Bo?' "Ku diesmo i ku ofrenda.

 

14. Kua remedi ta wòrdu ofresé?
Malakias 3:10 Trese henter e diesmo den mangasina, pa por tin kuminda den Mi kas, i poneMi na prueba awor den esaki, " e Señor di ehérsitonan ta bisa, "si Mi lo no habri pa boso e bentananan di shelu, i basha asina tantu bendishon, ku boso lo no tin sufisiente lugá pa konten'é.

 

15. Kiko algun di e apostenan a hasi pa motibu ku Kristo a papia frankamentu ku nan?
Juan 6:66 Komo resultado di esaki hopi di Su disipelnan a retirá i no tabata kana kunE mas.

 

16. Kiko Dios ta hasi ora e malbado ta repentí?
Oseas 14:3-5
3 Asiria lo no salba nos, nos lo no kore riba kabai; ni nos lo no bolbe bisa na e obra di nos mannan: 'Nos Dios'; pasobra serka Bo e wérfano ta haña miserikòrdia. "
4 "Lo Mi kura nan apostasia, lo Mi stima nan abundantemente, pasobra Mi rabia a kita for di riba nan.
5 Lo Mi ta manera serena pa Israel; e lo floresé manera leli, i e lo saka su rais manera e palunan di seda di Lîbano.

 

17. Lo tin peliger prinsipal pa apostatá den e ultimo dianan?
Mateo 24:12 I pasobra inikidat ta oumentá, amor di hopi hende lo fria.

 

18. Kiko ta algun di e kosnan malu ku nos ta wòrdu spierta di dje den e ultimo dianan?
Lukas 21:34 "Tene kuidou pa boso kurason no ta kargá pa kousa di paranda i buracheria i e preokupashonnan di bida, i e dia ei no bin direpiente riba boso maner a un trampa;

 

19. Kiko ta wòrdu bisá na nos pa hasi ku bista riba e peligernan ku ta rondoná nos?
Lukas 21:36 Ma sea alerta tur ora bai, hasiendo orashon pa boso por tin forsa pa skapa di tur e kosnan aki ku ta bai tuma lugá, i pa para dilanti di e Yu di Hende."