15. Amonestashonnan i Spiertamentunan

15.5  Hasi distinshon di Persona       

1. For di kiko Dios a traha tur nashon?
Echonan 17:26 i for di ún sanger El a traha tur nashon di hende pa biba riba henter mundu, i El a fiha nan tempunan stipulá i e límitenan di nan lugánan di biba,

2. Pa kuantu hende Dios ta bon?
Salmonan 145:9 Señor ta bon pa tur, i Su miserikòrdianan ta riba tur Su obranan.

3. Tin distinshon di persona serka Dios?
Romanonan 2:11 Pasobra no tin distinshon di persona serka Dios

4. Ken ta wòrdu aseptá serka Dios?
Echonan 10:34, 35
34 I Pedro a habri su boka i a bisa: "Di bèrdat mi ta komprendé awor ku Dios no ta hasi distinshon di persona,
35 ma den tur nashon e hende ku ta tem'E i ku ta hasi hustisia ta aseptabel p'E.

5. Kua mandamentunan Skritura ta duna kontra distinshon di persona?
Deuteronomio 1:17 No hasi distinshon di persona den huzgamentu; tende chikitu i grandi igual. No tene miedu di hende, pasobra huzgamentu ta di Dios. I e kaso ku ta muchu difisil pa boso, tres'é serka mi i lo mi tende esei.'
Levitiko 19:15 'No hasi inhustisia den huzgamentu; no faboresé e pober, ni onra esun poderoso, ma huzga bo próhimo ku hustisia.
Salmonan 40:4 Bendishoná ta e hende ku ta pone su konfiansa den Señor, i ku no ta mira riba e orguyosonan, ni riba esnan ku ta desviá bai tras di mentira.

6. Kiko hendenan ta hasi ora nan ta hasi distinshon di hende?
Santiago 2:9 Ma si boso hasi distinshon di persona, boso ta kometé piká i ta wòrdu kondená dor di Lei komo transgresornan.
Proverbionan 14:21 Esun ku despresiá su próhimo ta hasi piká, ma esun ku tin miserikòrdia di e pobernan ta felis.

7. Dor di kua ehempel e pika aki ta bin na kla?
Santiago 2:14 Kiko ta bal, mi rumannan, si un hende bisa ku e tin fe, ma e no tin obranan? E fe ei por salb'é?

8. Kiko tabata e motibu pa nombra diakononan den i iglesia kristian?
Echonan 6:1 Awor den e dianan ei, tempu ku e kantidat di disipel tabata oumentá, a surgi un reklamo di parti di e hudiunan griego kontra e hebreonan, pasobra nan tabata salta nan biudanan den partimentu di e kuminda di tur dia.

9. Kua eror Pedro i otronan a kometé algun añanan despues?
Galationan 2:11-13
11 Ma ora Pedro a bin Antiokia mi a opon'é abiertamente, pasobra e tabata robes.
12 Pasobra promé ku e binida di algun hende di parti di Santiago, e tabatin kustumber di kome ku e paganonan; ma ora nan a bin, el a kuminsá retirá i distansiá su mes, pa miedu di esnan ku tabata di sirkumsishon.
13 I e restu di e hudiunan a uni nan mes kuné den hipokresia, ku e resultado ku asta Barnabas a wòrdu desviá dor di nan hipokresia.

10. Kon tur distinshon entre hende ta wòrdu kitá dor di Kristo?
Galationan 3:27, 28
27 Pasobra boso tur, ku a wòrdu batisá den Cristo, a bisti boso mes ku Cristo.
28 Awor no tin ni hudiu ni griego, no tin ni esklabu ni hende liber, no tin ni hòmber ni muhé; pasobra boso tur ta ùn den Cristo Jesus.
Kolosensenan 3:11 un renobamentu den kual no tin distinshon entre griego i hudiu, sirkumsidá i insirkumsidá, bárbaro, skita, esklabu i hende liber, ma Cristo ta tur i den tur.