15. Amonestashonnan i Spiertamentunan

15.4  DEBENAN       

 

1. Ki regla general tin den Beibel tokante pagamentu di debenan?
Romanonan 13:7, 8
7 Duna tur hende loke boso debe nan: si boso ta debe belasting, paga belasting; si ta tributo, tributo; si ta rèspèt, rèspèt; si ta onor, onor.
8 No debe ningun hende nada, sino solamente pa stima otro; pasobra esun ku stima su próhimo a kumpli ku lei.

2. Kiko ta posishon di un hende ku ta fia?
Proverbionan 22:7 E riku ta manda riba e pobernan, i e fiadó ta bira esklabu di esun ku ta fi'é.

 

3. Kiko ta e responsabilidat di un hende ku ta fia?
Eksodo 22:14 "I si un hende fia un bestia serka su próhimo, i esaki keda heridá òf muri ora su doño no ta presente, e mester hasi restitushon kompleto.

 

4. Dikon e hoben den e tempu di Elisa tabata sinti su mes kulpabel pa perdida di e kabes di e hacha?
2 Reinan 6:5 Ma ora ku un di nan tabata kòrta un balki, kabes di e hacha a kai den awa; i el a dal un gritu i a bisa: "Ai, mi shon! Anto ta fiá e ta!"

 

5. Ki milager e profeta Elisa a hasi pa haña e kabes bèk?
2 Reinan 6:6 E ora ei e hòmber di Dios a bisa: "Unda el a kai?" I ora ku el a mustr'é e lugá, el a kòrta pida palu, i a tir'é ayanan, i el a hasi e heru drif.

 

6. Kon un hende bon ta atendé su asuntunan?
Salmonan 112:5 Ta bai bon ku e hende ku tin kompashon i ta fia, e lo atendé su asuntonan ku huisio,

 

7. Na kiko hende ku no tin komprendementu di atende nan asuntunan, mester skucha?
Proverbionan 13:18 Pobresa i bèrguensa lo bin riba esun ku neglishá instrukshon, ma esun ku hasi kaso di korekshon lo wòrdu onrá.

8. Kua di e komparashonnan di Hesus ta siña prudensia ora ta atende asuntunan?
Lukas 14:28-30
28 "Pasobra kual di boso, ora ku e kier traha un toren, no ta sinta kalkulá e gastunan promé, pa mira si e tin sufisiente pa kab'é?
29 Sino, ora ku el a pone fundeshi i no por kab'é, tur ku mira esaki lo kuminsá hasi bofon di djé,
30 bisando: 'E hòmber aki a kuminsá konstruí i no tabata por a kaba.'

9. Kon media a wòrdu duná pa edifiká e tabernakulo?
Eksodo 35:4-9
4 I Moisés a papia ku henter e kongregashon di e yunan di Israel, bisando: "Esaki ta loke Señor a ordená, bisando:
5 'Tuma for di meimei di boso un ofrenda pa Señor; esun ku su kurason ta dispuesto, lagu'é hiba esaki komo ofrenda pa Señor: oro, plata i brons;
6 hilu blou, purpura i skarIata, lino fini, lana di kabritu;
7 kueru di karné chubatu tifiá kòrá, i kueru di dölfein i palu di akasia,
8 i zeta pa e lus i speserei pa e zeta di unshon i pa e sens ia aromátiko,
9 i piedranan di òneks i piedranan pa montura, pa e efòd i pa e pechero.

10. Kua provishon David a hasi pa edifiká e tèmpel?
1 Kronikanan 29:2 Awor ku tur mi abilidat mi a proveé pa e kas di mi Dios: oro pa e kosnan di oro, plata pa e kosnan di plata i bròns pa e kosnan di bròns, hem pa e kosnan di heru, palu pa e kosnan di palu, piedra di òneks i piedra presioso pa dòrna, piedra pretu i piedra di varios koló, i tur sorto di piedra presioso i alabaster na abundansia.

 

11. Kon e pueblo a reakshoná riba e yamada pa kontribuí?
1 Kronikanan 29:6-9
6 E ora ei e lidernan di e kasnan di e tatanan, e prensnan di e tribunan di Israel, e komandantenan di milnan i di shennan, huntu ku e atministradónan di e trabou di rei, a duna ofrenda boluntariamente;
7 i pa e sirbishi di e kas di Dios nan a duna sinku mil talento, dies mil drakma di oro, dies mil talento di plata, diesocho mil talento di bròns i shen mil talento di hem.
8 I esnan ku tabatin piedra presioso a duna esakinan pa e lugádi-warda-tesoro di e kas di Señor, bou di kuido di Jehiel e gersonita.
9 E ora ei e pueblo a regosihá, pasobra nan a duna ofrenda boluntariamente, pasobra di henter nan kurasonnan a duna Señor nan ofrenda, i rei David tambe a regosihá masha.


12. Ki provishon rey Josias a hasi pa haña fondo pa drecha e tèmpel?
2 Reinan 12:4,5
4 E ora ei J oas a bisa e saserdotenan: "Tur e plaka di e artíkulonan santu ku nan ta trese den e kas di Señor, na plaka koriente, tantu e plaka ku ta stipulá pa kada hende, komo tur e plaka ku kada hende ta proponé den su kurason pa trese den e kas di Señor,
5 Iaga e saserdotenan tuma esaki pa nan mes, kada un for di su konosinan; i laga nan drecha e dañonan na e kas, na unda ku nan haña kualke daño."

13. Ora diesiseis aña a pasa sin e reparashon di e tèmpel a tuma luga, kiko a wòrdu hasí?
2 Reinan 12:9 Ma saserdote Joiada a kohe un kaha i a bora un buraku den su tapa, i a pone esaki banda di e altar, na banda drechi ora bo ta drenta e kas di Señor; i e saserdotenan ku tabata tene warda na e drèmpel tabata pone tur e plaka ku a wòrdu tresí den e kas di Señor den djé.

 

14. Kiko nan a hasi ku e plake ku a drenta den e forma ei?
2 Reinan 12:11 I nan a entregá e plaka ku nan a pisa den man di esnan ku tabata hasi e trabou, esnan ku tabatin enkargo di e kas di Señor; i kuné nan tabata paga e karpinténan i e trahadónan ku tabata traha riba e kas di Señor,