15. Amonestashonnan i Spiertamentunan

15.2  Egoismo       

1. Kua gran mandamentu ta ekskluí egoismo?
Mateo 22:39 i e di dos ta semehante: 'Stima bo próhimo manera bo mes.

2. Kua piká ta wòrdu konektá ku egoismo den e dies mandamentunan?
Eksodo 20:17 " No kudishá kas di bo próhimo; no kudishá esposa di bo próhimo, ni su sirbidó hòmber, ni su sirbidó muhé, ni su buey, ni su buriku, ni nada ku ta pertenesé na bo próhimo."

3. Kua pikanan lo marka e ultimo dianan?
2 Timoteo 3:2 Pasobra hende lo ta stimadó di nan mes, stimadó di plaka, gabadó, arogante, blasfemadó, desobedesido na mayornan, ingrato, impio,

4. Kon generalmente e interes propio ta wòrdu buská?
Filipensenan 2:21 Pasobra nan tur ta buska nan mes interesnan, no esnan di Cristo Jesus.

5. Kiko amor no ta hasi?
1 Korintionan 13:4,5
4 Amor tin pasenshi, amor ta kariñoso i no ta yalurs; amor no ta gaba, i no ta arogante,
5 e no ta komportá su mes indesente; e no ta buska su propio interes, e no ta wòrdu proboká, e no ta warda renkor,

6 . Ku kua palabranan nos ta wòrdu spiertá tokante egoismo?
1 Korintionan 10:24 No laga ningun hende buska su mes interes, sino esun di su próhimo.
Filipensenan 2:4 no buska boso interes personal so, ma buska tambe interes di otronan.
Romanonan 15:2 Laga kada un di nos agradá su próhimo pa su bon, pa su edifikashon.

7. Kua ehempel di apnegashon Kristo a laga atras pa nos?
2 Korintionan 8:9 Pasobra boso konosé e grasia di nos Señor Jesu-Cristo, ku ounke E tabata riku, sinembargo pa boso motibu El a bira pober, pa boso dor di Su pobresa por a bira riku.
Romanonan 15:3 Pasobra ni Cristo no a agradá Su mes; ma manera ta pará skirbí: "E reprochenan di esnan ku a reprocháBo a kai riba Mi."