15. Amonestashonnan i Spiertamentunan

15.3  Golosidat      

 

1. Ki spiertamentu Kristo ta duna tokante golosidat?
Lukas 12:15 I EI a bisa nan: "Tene kuidou, i warda boso di tur golosidat; pasobra bida di hende no ta konsisti di e abundansia di e kosnan ku e tin."

 

2. Kua mandamentu ta prohibí a pika aki?
Eksodo 20:17 " No kudishá kas di bo próhimo; no kudishá esposa di bo próhimo, ni su sirbidó hòmber, ni su sirbidó muhé, ni su buey, ni su buriku, ni nada ku ta pertenesé na bo próhimo."

3. Kiko ta indiká ku e prinsipio aki tabata goberná e hòmber riku, ku ainda tabatatin na abundansia?
Lukas 12:18, 19
18 "I el a bisa: 'Esaki lo mi hasi: Lo mi basha mi mangasinanan abou i traha otro mangasinanan mas grandi ainda, i den nan lo mi warda tur mi trigo i mi biennan.
19 I lo mi bisa mi alma: "Alma, bo tin hopi biennan montoná pa hopi aña; tuma sosiegu, kome, bebe i fiesta."

 

4. Kiko Dios a bis’e?
Lukas 12:20 "Ma Dios a bis'é: 'Abo, bobo! Awenochi mes bo alm a lo wòrdu eksigí for di bo; i awor ken lo bira doño di loke bo a prepará?"

 

5. Ki aplikashon e Salbador a hasi di komparashon aki?
Lukas 12:21 "Asina ta e hende ku ta montoná tesoro pa su mes, i no ta riku pa ku Dios."

6. Ku kiko Pablo ta kompará golosidat?
Kolosensenan 3:5 Pesei, konsiderá e miembronan di boso kurpa terenal komo morto pa inmoralidat, impuresa, pashon, deseo malu, I golosidat, ku ta igual na idolatria.

 

7. Kiko e pikánan aki ta trese riba humanidat?
Kolosensenan 3:6 Pasobra ta pa motibu di e kosnan aki ku e furia di Dios lo bin riba e yunan di desobedensia,

8. Ta posibel Pa sirbi dos shon, segun Kristo?
Lukas 16:13 "Ningun sirbidó no por sirbi dos shon; pasobra òf e lo odia esun i stima e otro, òf e lo ta leal na esun i despresiá e otro. Boso no por sirbi Dios i rikesa."

 

9. Na piká e Fariseonan tabata hasi nan mes kulpabel?
Lukas 16:14 Awor e fariseonan, kendenan tabata stimadó di plaka, tabata skucha tur e kosnan aki, i nan tabata hasi bofon di djE.

 

10. Ki kontesta Kristo a duna?
Lukas 16:15 I El a bisa nan: "Boso ta esnan ku ta hustifiká boso mes den bista di hende, ma Dios konosé boso kurason; pasobra loke ta di masha hopi balor pa hende ta abominabel den bista di Dios.

 

11. Kon Señor ta konsiderá hende golos?
Salmonan 10:3 Pasobra e malbado ta gaba di e deseo di su kurason e ta bendishoná e hende golos i ta despresiá Señor.

 

12. Na ki akshon e piká aki a hiba Achan?
Josue 7:21 0ra mi a mira entre e botin un bunita mantel for di Sinar i dos shen siklo di plata i un bara di oro di un peso di sinkuenta siklo, mi a kudishá nan i a kohe nan; i mira, nan ta skondi bou di tera den mi tènt, ku e plata bou di djé."

 

13. Na ki akshon golosidat a hiba Judas?
Marko 14:10,11
10 I Judas Iskariot, kende tabata un di e diesdosnan, a bai serka e saserdotenan prinsipal, pa entregu'E na nan.
11 I nan a keda kontentu ora nan a tende esaki i a primintí pa dun'é plaka. I e tabata buska un bon oportunidat pa entregu'E.

 

14. Pa ki motibu e ultimo dianan lo ta peligroso?
2 Timoteo 3:1, 2
1 Ma sabi esaki, ku den e ultimo dianan tempunan trabahoso lo bin.
2 Pasobra hende lo ta stimadó di nan mes, stimadó di plaka, gabadó, arogante, blasfemadó, desobedesido na mayornan, ingrato, impio,

 

15. Kua komparashon Kristo a duna pa kita e impreshon falsu di e Fariseoan, ku rikesa tabata un signal di fabor spesial di Dios?
Lesa Lukas 16:19-31

 

16. Kiko Kristo a bisa ku ta mustra e peliger di rikesa?
Marko 10:23,24
23 I Jesus, mirando rònt, a bisa Su disipelnan: "Ki difisil lo ta pa esnan ku ta riku drenta e reino di Dios!"
24 I e disipelnan a keda strañá di Su palabranan. Ma Jesus a kontestá atrobe i a bisa nan: "Yunan, ki difisil ta pa drenta e reino di Dios!

 

17. Kua klase di hende ta aseptá e evangelio generalmente?
Santiago 2:5 Skucha, mi rumannan stimá: Dios no a skohe e pobernan di e mundu aki pa ta riku den fe i pa ta erederonan di e reino ku El a primintí esnan ku ta stim'E?

 

18. Kon difisil, Kristo a bisa, e ta pa un riku drenta e reino di Dios?
Marko 10:25 Ta mas fasil pa un kamel pasa dor di wowo di un angua, ku pa un hende riku drenta e reino di Dios."

 

19. Di kon e hoben riku, ku tabata deseá di risibí e bida eterno, no tabata despuesto pa bende loke e tin i dun’e na e pobernan, manera Kristo a bis’e?
Mateo 19:22 Ma ora ku e hoben a tende e palabranan aki, el a bai tur tristu, pasobra e tabata doño di hopi propiedat.

 

20. Kiko ta wòrdu bisá di e berdadero resultado di amor pa plaka?
1 Timoteo 6:10 Pasobra amor pa plaka ta rais di tur sorto di maldat, i algun hende, dor di deseá esaki, a desviá for di e fe, i a traspasá nan mes ku hopi doló.

 

21. Ki maldat ta bini riba esnan ku kier bira riku?
Timoteo 6:9 Ma esnan ku kier bira riku ta kai den tentashon i den trampa i den hopi deseonan loko i dañino, kualnan ta hundi hende den ruin a i destrukshon.

 

22. Ken ta duna hende poder pa gana rikesa?
Deuteronomio 8:18 Ma kòrda Señor bo Dios, pasobra ta E ta dunabo poder pa gana rikesa, pa E konfirmá Su aliansa ku EI a hura na bo tatanan, manera ta awe..

 

23. Kon tur hende, riku i pober, por onra Dios?
Proverbionan 3:9 Onra Señor ku bo rikesa, i ku e promé fruta di tur bo produktonan;

 

24. Ki spiertamentu ta wòrdu duná tokante rikesa?
Salmonan 62:11 No konfia den opreshon, ni pone speransa bano den ladronisia; si rikesa rende, no pega boso kurason na djé.

 

25. Por montoná rikesa ku por bira maldat pa e doño?
Eklesiastes 5:13 Tin un maldat penoso ku mi a mira bou di solo rikesa ku ta wòrdu montoná dor di su doño pa su mes daño.

 

26. Ki òrdu ta wòrdu duná na e rikunan?
1 Timoteo 6:17-19
17 Instrui esnan ku ta riku den e mundu aktual pa nan no ta sobèrbè i pa nan no fiha nan speransa riba e insiguridat di rikesa, ma riba Dios, Kende ta proveé pa nos tur kos na abundansia pa nos disfrutá di nan.
18 Instrui nan pa hasi bon, pa nan ta riku den bon obra, pa nan ta generoso i dispuesto pa komparti,
19 pa nan montoná pa nan mes e tesoro di un bon fundeshi pa futuro, pa nan gara loke ta bida bèrdadero.

 

27. Kiko ta hasi riku sin agregá tristesa na djé?
Proverbionan 10:22 Ta e bendishon di Señor ta hasi riku, i E no ta agregá tristesa na djé.

 

28. Kon por optené berdadero rikesa?
Proverbionan 22:4 E rekompensa di umildat i e temor di Señor ta rikesa, onor i bida.

 

29. Kon Moises a konsiderá e reproche di Kristo?
Hebreonan 11:26 konsiderando e reproche di Cristo rikesanan mas grandi ku e tesoronan di Egipto, pasobra e tabatin su bista riba e rekompensa.

 

30. Ki spiertamentu solemne ta wòrdu duná na e rikunan, ku ta montoná rikesa den e ultimo dianan i ta oprimí e pobernan?
Santiago 5:1-5
1 Awor skucha, boso rikunan, yora i lamentá pa boso kalamidatnan ku ta biniendo riba boso.
2 Boso rikesa a putri i mòt a kome boso pañanan.
3 Boso oro i boso plata a frustia, i nan frustu lo ta un testimonio kontra boso i lo kaba ku boso karni meskos ku kandela. Ta den e ultimo dianan boso a akumulá boso tesoro!
4 At'e pago ku boso a keda sin paga e trahadónan ku a körta yerba den boso kunukunan ta sklama kontra boso; i e yoramentu di esnan ku a kosechá a yega na orea di e Señor di Sabaot.
5 Boso a hiba un bida di luho riba tera i a entregá boso mes na plaser; boso a gòrda boso kurason den un dia di matansa.

 

31. Plata i oro por salba riba e dia di furia di Señor?
Sofonias 1:18 Ni nan plata ni nan oro lo no por libra nan riba e dia di e furia di Señor; i henter tera lo wòrdu destruí den e kandela; Su yalursheit, pasobra E lo pone un fin kompleto, si, un fin teribel, na tur e habitantenan di tera."
Proverbionan 11:4 Rikesa no ta di probecho den e dia di rabia, ma hustisia ta libra for di morto.

 

32. Kiko e rikunan lo hasi ku nan plaka i ora e ora ei?
Ezekiel 7:19 Nan lo tira nan plata riba kaya, i nan oro lo bira un kos di horor. Nan plata i nan oro lo no por !ibra nan den e dia di e furia di Señor. Nan lo no por satisfasé nan apetit, ni nan lo no por yena nan barika, pasobra nan inikidat a bira pa nan un piedra di trompeká.

 

33. Kiko ta wòrdu bisá na nos, pa hasi, komo mayordomonan di e bon donnan di Dios?
Lukas 16:9 I Mi ta bisa boso, gana amigu pa boso mes pa medio di e rikesa di inhustisia, pa ora esei faya, nan risibi boso den e habitashonnan etèrno.
1 Pedro 4:10 Komo ku kada un a risibí un don spesial, uz'é pa sirbi otro komo bon mayordomonan di e grasia multiforme di Dios.