15. Amonestashonnan i Spiertamentunan

15.12  Peliger pa rechasá luz             

1. Kon Dios ta konsiderá pikanan komete den ignoransia?
Echonan 17:30 I Dios, pasando por alto e tempunan di ignoransia, awor ta deklará na hende ku tur hende na tur kaminda mester repentí,

2. Na ken piká ta wòrdu kontá?
Santiago 4:17 Pesei, pa esun ku sa di hasi loke ta bon, i no ta hasié, p'é esaki ta piká.

3. Kon Hesus a siña e mesun berdat?
Juan 9:41 Jesus a bisa nan: "Si boso tabata siegu, boso lo no tabatin piká, ma awor ku boso ta bisa: 'Nos ta mira', boso piká ta keda.
Juan 15:22 Si Mi no a bin i a papia ku nan, nan lo no tabatin piká, ma awor nan no tin diskulpa pa nan piká.

4. Ki mandato e ta duna en bista di e asuntu aki?
Juan 12:35, 36
35 E ora ei Jesus a kontestá nan: "Pa un poko tempu mas e lus ta meimei di boso. Kana mientras ku boso tin e lus, pa skuridat no sorprendé boso; esun ku ta kana den skuridat no sa unda e ta bai.
36 Mientras ku boso tin e lus, kere den e lus, pa boso por bira yunan di lus." E kosnan aki Jesus a papia i El a bai i a skonde Su mes pa nan.

5. Ken ta apresiá e bèrdat?
Juan 3:20, 21
20 Pasobra esun ku ta hasi maldat ta odia e lus, i no ta bin na e lus, pa su echonan no wòrdu eksponí,
21 Ma esun ku ta praktiká bèrdat ta bin na e lus, pa por wòrdu manifestá ku su echonan ta wòrdu hasi den Dios."