15. Amonestashonnan i Spiertamentunan

15.13  Rekompensa Hustu              

1. Kon Dios a duna hende den pasado nan pago hustu?
Hebreonan 2:2, 3
2 Pasobra si e palabra papiá pa medio di angelnan a keda probá di ta firme, i tur transgreshon i desobedensia a risibi pago hustu,
3 kon nos lo skapa si nos neglishá un salbashon asina grandi ku na promé lugá a wòrdu papiá dor di Señor, i a wòrdu konfirmá na nos dor di esnan ku atende,

2. Kon nos lo wòrdu rekompensá den e dia di huisio?
2 Korintionan 5:10 Pasobra nos tur mester paresé dilanti di e tribunal di Cristo, pa kada un wòrdu rekompensá pa su echonan den e kurpa, segun loke el a hasi, sea bon òf malu.
Romanonan 2:6-11
6 Kende lo paga kada hende segun su obranan:"
7 na esnan ku, pèrseverando den hasimentu di bon, ta buska gloria i onor i inmortalidat-bida etèrno;
8 ma na esnan ku ta buska nan propio interes so i no ta obedesé e bèrdat, ma ta obedesé inhustisia-furia i indignashon.
9 Lo tin tribulashon i angustia pa kada alma di hende ku ta hasi maldat, di hudiu promé i tambe di griego,
10 ma gloria i onor i pas pa kada hende ku ta hasi bon, pa hudiu promé i tambe pa griego.
11 Pasobra no tin distinshon di persona serka Dios.
Galationan 6:7 No gaña boso mes: Dios no ta laga hasi bofon di djE; pasobra loke un hende sembra, esaki tambe e
lo kosechá.

3. Kiko lo ta e pago di e malbado?
Galationan 6:8 Pasobra esun ku sembra pa su mes karni lo kosechá korupshon for di e karni, ma esun ku sembra pa e Spiritu lo kosechá bida etèrno for di e Spiritu.
Romanonan 2:9 Lo tin tribulashon i angustia pa kada alma di hende ku ta hasi maldat, di hudiu promé i tambe di griego,

4. Kiko lo ta e pago di e hustunan?
Galationan 6:8 Pasobra esun ku sembra pa su mes karni lo kosechá korupshon for di e karni, ma esun ku sembra pa e Spiritu lo kosechá bida etèrno for di e Spiritu.
Romanonan 2:10 ma gloria i onor i pas pa kada hende ku ta hasi bon, pa hudiu promé i tambe pa griego.

5. Kua regla general di rekompensa a wòrdu duná de Beibel?
Mateo 7:1, 2
1 "No huzga, pa boso no wòrdu huzgá.
2 Pasobra di e mesun manera ku boso huzga, boso lo wordu huzgá; i ku e mesun midi ku boso midi, lo wòrdu midi pa boso tambe.
Salmonan 18:25, 26
25 Na e hende miserikòrdioso Bo ta mustra Bo mes miserikàrdioso; na e hende rekto Bo ta mustra Bo mes rekto;
26 na e hende puru Bo ta mustra Bo mes puru, ma na e hende pèrvèrso Bo ta mustra Bo mes severo.

6. En bista di esaki, ki spiertamentu nos ta haña?
1 Pedro 3:9 no pagando malu ku malu òf insulto ku insulto, ma mas bien dunando un bendishon; pasobra boso a wòrdu yamá pa e propósito aki pa boso por a eredá un bendishon.

7. Kiko ta wòrdu bisá di esnan ku ta paga bon ku malu?
Proverbionan 17:13 Esun ku paga bon ku malu, maldat lo no bai for di su kas nunka.

8. Kua prinsipio di hustisia mester dominá nos akshonnan?
Proverbionan 3:27 No laga di hasi bon na esnan ku meresé esaki, si ta den bo poder pa hasié.

9. Unda nos tur lo wòrdu rekompensá?
Proverbionan 11:31 Si e hustu wòrdu rekompensá riba tera, kuantu mas e malbado i e pekadó!

10. Di kiko nos por ta sigur, loke Dios ta bai hasi ora e lo duna rekompensa finalmente?
Genesis 18:25 Ku esei keda leu di Bo pa hasi un kos asina, esta, mata e hustu huntu ku e malbado, asina ku e hustu i e malbado ta wòrdu tratá igual. Ku esei keda leu di Bo! E Hues di henter mundu lo no hasi hustisia?"
Salmonan 89:14 Hustisia i huisio ta e fundeshi di Bo trono; miserikòrdia i bèrdat ta bai Bo dilanti.