15. Amonestashonnan i Spiertamentunan
15.11 Hipokresia
1. Na kua pika e Fariseonan tabata nan mes kulpabel?
Lukas 12:1 Bou di e sirkumstansianan aki, ora ku miles i miles di hende a reuni di mane a ku nan tabata trapa otro, EI a kuminsá bisa promé na Su disipelnan: "Warda boso di e zùrdeg di e fariseonan, lokual ta hipokresia.
2. Kon e Fariseonan a mustra ku nan tabata kulpabel di hypokresia?
Mateo 15:7, 8
7 Boso, hipokritnan, ku rason Isaias a profetisá di boso, bisando:
8 'E pueblo aki ta onraMi ku nan lepnan, ma nan kurason ta leu for di Mi.
3. Kon nan tabata hasi un di e mandamentunan di Dios inefektivo?
Mateo 15:4 -6
4 Pasobra Dios a bisa: 'Onra bo tata i bo mama";" i 'Esun ku maldishoná tata òf lagu'é wòrdu matá."
5 Ma boso ta bisa: 'Ken ku bisa su tata Of su mama: "Tur loke mi tin, ku mi por a yuda boso kuné, a wòrdu duná na Dios,"
6 no tin mester di onra su tata Of su mama.' I asina boso a hasi e palabra di Dios bira inefektivo pa kousa di boso tradishon.
4. Kon e hipokritnan ta resa, segun Kristo?
Mateo 6:5 "I ora bo ta hasi orashon, no sea manera e hipokritnan, pasobra nan ta gusta para hasi orashon den snoa i na skina di kaya, pa hende mira nan. Di bèrdat Mi ta bisa boso, ya nan tin nan pago kaba.
5. Kon Kristo ta yama esun ku ta mira faltanan di otro lihe, pero nan no ta mira ni korigí nan mes faltanan?
Mateo 7:5 Abo, hipokrit, saka promé e balki for di bo mes wowo, i e ora ei lo bo mira bon kla pa saka e stòf for di wowo di bo roman.
6. Ko un hipokrit ta trata su próhimo?
Proverbionan 11:9 Un hipokrit ta destruí su próhimo ku su boka, ma pa medio di sabiduria e hustu lo wòrdu librá.
Proverbionan 23:7 pasobra manera e ta pensa den su kurason, asina eta. E ta bisabo: "Kome i bebe!" ma su kuras on no ta ku bo.
7. Kua di e apostelnan a hasi su mes kulpabel na hipokresia?
Galationan 2:13 I e restu di e hudiunan a uni nan mes kuné den hipokresia, ku e resultado ku asta Barnabas a wòrdu desviá dor di nan hipokresia.
8. Dikon Pablo a oponé Pedro den e kaso aki?
Galationan 2:11 Ma ora Pedro a bin Antiokia mi a opon'é abiertamente, pasobra e tabata robes.
9. Kiko David a bisa, ku e no kier a hasi?
Salmonan 26:4 Mi no ta sinta huntu ku hòmbernan gañadó, tampoko mi no anda ku hipokritnan.
10. Kon puru nos amor mester ta?
Romanonan 12:9 Laga amor ta sin hipokresia. Aboresé loke ta malu; tene firme na loke ta bon.
11. Kiko lo bira di e espektativa di e hipokrita?
Job 8:13 Asina e berehanan di tur esnan ku ta lubidá Dios ta, i e speransa di e hende sin Dios lo peresé,
12. Kiko lo ta e destino di e esklabu ku ta fingí di stima Señor, pero ku su aktonan ta mustra ku e ta un mundano i no anhelá Pa Su binida?
Mateo 24:50,51
50 e shon di e esklabu ei lo bin riba un dia ku e no ta sper'é i na un ora ku e no sa,
51 I lo kòrt'é na pida-pida i lo dun'é un lugá huntu ku e hipokrítnan; ayanan lo tin yoramentu i mordementu riba djente.
13. Kiko ta karakteristiko di e sabiduria di di shelu?
Santiago 3:17 Ma esabiduria di ariba primeramente ta puru, despues pasifiko, suave, rasonabel, yen di miserikòrdia i bon fruta, imparsial, sin hipokresia.