15. Amonestashonnan i Spiertamentunan

15.10  Envidia, Yalursheit i Odio           

1. Kiko Salomo ta bisa tokante di envidia?
Proverbionan 27:4 Furia ta kruel i rabia ta un diluvio, ma ken por bestan ku hende yalurs?

2. Kiko ta skirbí di yalursheit?
Kantika di Salomon 8:6 Ponemi manera un seyo riba bo kurason, manera un seyo riba bo brasa. Pasobra amor ta mes fuerte ku morto, yalursheit ta mes severo ku Seol; su flamnan ta flamnan di kandela, e flam di Señor.

3. Kiko ta wòrdu bisá di un hende ku ta odia su ruman?
1 Juan 3:15 Ken ku odia su ruman ta un matadó; i boso sa ku ningun matadó no tin bida etèrno ta permanesé den djé.

4. Kiko envidia a permití e saserdotenan prinsipal pa hasi?
Marko 15:10 Pasobra e tabata sa ku e saserdotenan prinsipal a entregu'E pa motibu di envidia.

5. Na kiko yalursheit a guia e hudiunan pa hasi den tempu di Pablo?
Echonan 13:45 Ma ora ku e hudiunan a mira e muItitutnan, nan a bira masha yalurs mes i a kuminsá kontradisí e kosnan ku Pablo tabata papia, i nan tabata blasfemá.

6. Unda ta eksistí envidia i egoismo, kiko mas tin?
Santiago 3:16 Pasobra kaminda ta eksistí envidia i egoismo, tin desòrdu i tur sorto di kos malu.

7. Pa ki motibu nos mester warda e kurason kuidadosamente?
Proverbionan 4:23 Warda bo kurason riba tur kos, pasobra e ta e fuente di bida.