14. Servisio Kristian

14.5  E Pobernan i nos deber pa ku nan    

1. Kiko ta Dios su aktitut pa ku e pobernan?
Salmonan 72:12 Pasobra e lo libra esun den nesesidat ora ku e sklama pa yudansa,

2. Ku ki proposito Dios a ungi Kristo?
Lukas 4:18 "E Spiritu di Señor ta riba Mi, pasobra El a ungiMi pa prediká evangelio na e pobernan; EI a mandaMi pa proklamá libertat na e prezonan, i restorashon di bista na e siegunan, pa duna libertat na esnan ku ta wòrdu oprimí,

3. Ki ora nos por hasi algu pa e pobernan, segun Hesus?
Marko 14:7 Pasobra e pobernan boso tin semper serka boso, i ki ora ku boso kier boso por hasi bon na nan; ma Ami boso no tin semper.

4. Kiko Pablo a bisa tokante nos debernan pa ku e pobernan?
Echonan 20:35 Den tur kos mi a mustra boso ku dor di traha duru asina boso mester yuda e debilnan i kòrda e palabranan di Señor Jesus, ku E mes a bisa: 'Ta mas bendishoná pa duna ku pa risibí.'

5. Kua promesanan a wòrdu duná na esnan ku ta kuida pa e pobernan?
Salmonan 41:1-3
1 Bendishoná ta esun ku ta körda riba e pobernan; Señor lo libr'é den e dia di angustia.
2 Señor lo proteh'é i ten'é na bida, i e lo wòrdu yamá bendishoná riba tera; i lo Bo no entregu'é na e boluntat di su enemigunan.
3 Señor lo sosten'é riba su kama di malesa; den su enfermedat Abo ta restor'é hasié salu,

6. Kon Dios ta konsiderá esnan ku tin miserikòrdia di e pobernan?
Proverbionan 19:17 Esun ku tene miserikòrdia di un hende pober ta fia Señor, i E lo pagu'é bèk pa su bon obra.
Hebreonan 6:10 Pasobra Dios no ta inhustu pa lubidá boso trabou i e amor ku boso a mustra pa Su nòmber, dor ku boso a sirbi i ainda ta sirbi e santunan.

7. Ki destino ta warda esnan ku ta sera nan orea pa e pobernan?
Proverbionan 21:13 Esun ku sera su orea pa sklamashon di e pober, e tambe lo sklama, ma lo no wòrdu kontestá.

8. Kua klase di hende nos ta wòrdu atvertí pa yuda?
Isaias 1:17 siña di hasi bon, buska huisio, reprendé e hende kruel, defendé e wérfano, pleita kaso di e biuda.

9. Kiko ta e relgion puru i sin mancha, segun Beibel?
Santiago 1:27 Esaki ta e religion puru i sin mancha den bista di nos Dios i Tata: bishitá wérfano i biuda den nan aflikshon, i konservá bo mes liber di maneha di mundu.

10. Ki tipo di ayunu ta aseptabel i agradabel pa Dios?
Isaias 58:6, 7
6 "No ta esaki ta e yunamentu ku Mi ta skohe: pa kita e kadenanan di maldat, pa los e kabuyanan di e yugo, i pa duna libertat na esnan oprimí i kibra tur yugo?
7 No ta pa parti bo pan ku esun ku tin hamber, i pa trese e pobernan, ku no tin kas, den ba kas; pa ora bo mira un hende sunú, ba bistié, i pa na bira lomba pa bo mes famia?

11. Kiko ta wòrdu primintí na esnan ku ta hasi e trabao aki?
Isaias 58:9-11
9 E ora ei lo bo yama, i Señor lo kontestá; lo bo sklama, i E lo bisa: 'At'Ami aki.' "Si bo kita e yugo for di meimei di boso, si bo stop di mustra dede i di lanta kalumnia,
10 i si ba pone bo mes disponibel pa yuda esnan ku tin hamber, i satisfasé e deseo di esnan afligí, e ora ei bo lus lo sali den skuridat, i bo tiniebla lo bira manera mèrdia.
11 I Señor lo guiabo kontinuamente, i lo satisfasé ba deseo den lugánan kimá dor di solo, i duna forsa na ba wesunan; lo bo ta manera un hòfi bon muhá, i manera un fuente di awa ku su awanan na ta kaba.

12. Kiko Kristo a bisa e hoben riku ku e tin ku hasi?
Mateo 19:21 Jesus a bis'é: "Si bo kier ta perfekto, bai i bende bo propiedatnan i duna na hende pober, i lo bo tin tesoro den shelu; i bin, siguiMi."