14. Servisio Kristian

14.4  Obra Misionero    

 

1. Kiko Dios a duna kada hende?
Marko 13:34 a manera un hende ku a bai hasi un biahe, kende a laga su kas i a pon'é na enkargo di su esklabunan, a duna kada un su tarea i tambe a ordená e wardadó di porta pa keda alerta.

 

2. Fuera di e tarea, kiko mas Dios a duna na kada hende?
Mateo 25:15 I na esun el a duna sinku talento, na e otro dos, i na e otro ún, kada un segun su kapasidat; i despues el a bai hasi un biahe.

 

3. Kon esnan ku a haña nan tarea ta wòrdu yamá?
Mateo 25:14 "Pasobra e reino di shelu ta manera un hòmber ku ta bai hasi un biahe pa un tera leu, i kende a yama su esklabunan i a entregá nan su propiedat.

 

4. Kua uso e esklabunan a hasi di nan talento?
Mateo 25:16-18
16 Mesora esun ku a risibi e sinku talentonan a bai i a negoshá ku nan, i a gana sinku talento mas.
17 Di e mesun manera esun ku a risibi e dos talentonan a gana dos mas.
18 Ma esun ku a risibí ún talento a bai, a koba un buraku den tera, i a skonde e plaka di su shon.

 

5. Kua excuus esun ku a skonde su talante ta trese dilanti?
Mateo 25:25 I mi tabatin miedu, i mi a bai i a skonde bo ijn

 

6. Kiko su Shon a bisé?
Mateo 25:26 Ma su shon a kontestá i a bis'é: 'Abo, esklabu malbado i floho, bo tabata sa ku mi ta kosechá kaminda mi no a sembra, i ku mi ta rekohé kaminda mi no a stroi simia.

 

7. Kiko e esklabu mester a hasi, segun su Shon?
Mateo 25:27 Pesei bo mester a pone mi plaka na banko, pa ora mi bin, mi risibí loke ta di mi ku interes.

 

8. Kiko ta karakteristiko di hende floho?
Proverbionan 22:13 E floho ta bisa: "Tin un leon pafó; lo mi wòrdu matá den kaya!"

 

9. Kiko tabata e destino di e esklabu floho?
Mateo 25:30 I tira e esklabu ku no ta sirbi pa nada den e skuridat di pafó. Den e lugá ei lo tin yoramentu i mordementu riba djente.

 

10. Kiko e Shon a bisa e esklabunan ku a multipliká nan talento?
Mateo 25:21 "Su shon a bis'é: 'Hopi bon, mi bon i fiel esklabu; bo tabata fiel den poko kos, lo mi enkargábo ku hopi kos; drenta, tuma parti den e goso di bo shon.'

 

11. Pa ki motibu Kristo a sufri e morto kruel di e krus?
Hebreonan 12:2 fihando nos wowo riba Jesus, e outor i kumplidó di fe, Kende, pa motibu di e goso poni Su dilanti, a soportá e sufrimentu di krus, sin hasi kaso di bèrguensa, i a sinta na man drechi di e trono di Dios.

 

12. Kiko lo laga Señor sinti satesfecho di e sufrimentu?
Isaias 53:11 Komo resultado di e angustia di Su alma, E lo mira esaki i lo keda satisfecho; dor di Su konosementu Esun Hustu, Mi Sirbidó, lo hustifiká hopi hende, pasobra E lo karga nan inikidatnan.

 

13. Kon Kristo lo ekspresá su alegria pa ku su salbánan?
Sofonias 3:1 Señor bo Dios ta meimei di bo, un guerero viktorioso. E lo regosihá den bo ku alegria, E lo ta ketu den Su amor, E lo regosihá den bo ku gritu di alegria.

 

14. Kiko Pablo tabata mira komo su korona di gloria?
1 Tesalonisensenan 2:19, 20
19 Pasobra ta ken ta nos speransa of goso òf korona di gloria? No ta boso den e presensia di nos Señor Jesus na Su binida?
20 Pasobra boso ta nos gloria i goso.

 

15. Komo ku e alegria ta bini dor di Su ningamentu di mes i sufimentu pa otro, di ki manera tur otro mester haña parti den e alegria ei?
2 Timoteo 2:11, 12
11 Esaki ta un palabra fiel: Pasobra si nos a muri kunE, nos lo biba tambe huntu kunE;
12 si nos pèrseverá, nos lo reina tambe kunE; si nos nengu'E, E tambe lo nenga nos;

 

16. Ki motibu mester obligá nos pa traha pa salba almanan?
2 Korintionan 5:14 Pasobra e amor di Cristo ta obligá nos, yegando na e konklushon aki, ku tin a muri pa tur, pesei tur a muri;

 

17. Ken kada trahado fiel ta representá?
2 Korintionan 5:20 Pesei nos ta embahadornan pa Cristo, komo si fuera Dios tabata spièrta dor di nos; nos ta roga boso den e nòmber di Cristo, sea rekonsiliá ku Dios.

 

18. Kiko Dios ta hasi ku miembronan improduktivo?
Juan 15:2 Tur rama den Mi ku no ta karga fruta, E ta kita, i tur rama ku ta karga fruta, E ta snui, pa esaki duna mas fruta.

 

19. Ta posibel pa un hende por okupá un posishon neutral ku Kristo?
Lukas 11:23 "Esun ku no ta ku Mi ta kontra Mi; i esun ku no ta rekohé huntu ku Mi ta plama.

 

20. Pakiko Señor ta bisa nos pa resa?
Lukas 10:2 I E tabata bisa nan: "E kosecha ta mashá grandi, ma trahadó ta poko; pesei, pidi e Señor di kosecha pa manda trahadó den Su kosecha.

 

21. Kon nos ta wòrdu spiertá di no ta un estorbo pa e trabao?
Juan 4:35 Boso no ta bisa: 'Falta kuater luna pa tempu di kosecha yega'? Mira, Mi ta bisa boso, hisa boso kara wak i mira e kunukunan, pasobra nan ta blanku pa wòrdu kosechá.

 

22. Kua promesa ta wòrdu duná na esnan ku sembra e semia di e evangelio?
Salmonan 126:5, 6
5 Esnan ku sembra ku awa na wowo lo kosechá ku gritu di alegria.
6 Esun ku bai na yoramentu, kargando e saku di simia, sin duda lo bolbe ku gritu di alegria, kargando su bohinan di mainshi.