14. Servisio Kristian

14.3  E wardadó i su Trabao    

 

1. Ken ta e bon Pastor, segun Kristo?
Juan 10:11 "Am i ta e bon wardadó; e bon wardadó ta duna Su bida pa e karnénan.

 

2. Kua otro nòmber ta wòrdu duná na Kristo?
1 Pedro 2:25 Pasobra boso tabata dwal manera karné, ma awor boso a bolbe serka e Wardadó i Kuidadó di boso alma.
1 Pedro 5:4 I ora ku e Wardadó Prinsipal paresé, boso lo risibi e korona di gloria ku no ta marchitá.

 

3. Kiko e ekspreshon “Wardadó Prinsipal” ta enserá?
Ku tin otro wardadó bou di dj’E

 

4. Kon e Bon Wardadá ta mustra su amor i kuido pa e karnenan?
Juan 10:11 "Am i ta e bon wardadó; e bon wardadó ta duna Su bida pa e karnénan.

5. Kiko e trahado òf e wardado falsu ta hasi i pakiko?
Juan 10:13 E ta hui, pasobra e ta un trahadó kontratá i e karnénan mes no ta import'é.

6. Kua ehempel e wardado fiel ta duna na su tou?
Tito 2:7 den tur kos presentá bo mes komo un ehèmpel den bon obra, ku puresa den doktrina, ku dignidat,

 

7. Kiko ta e trabou partikular di un wardado?
Echonan 20:28 Pèrkurá pa boso mes i pa henter e tou, meimei di kual Spiritu Santu a pone boso komo wardadó, pa pastoriá e iglesia di Dios, kual El a kumpra ku Su propio sanger.
1 Pedro 5:2 pastoriá e tou di Dios meimei di boso, hasiendo e trabou di kuidadó, no fòrsá, ma boluntariamente, segun e boluntat di Dios; i no pa ganashi desonesto, sino ku hopi afan;

 

8. Ku tipo di kuminda e wardado fiel ta alimentá e tou?
2 Timoteo 4:1,2
1 Mi ta hurabo den e presensia di Dios i di Cristo Jesus, Kende lo huzga e bibunan i e mortonan: (mi ta hurabo) dilanti di Su aparishon i Su reino:
2 prediká e palabra; sea prepará na tempu i for di tempu; spièrta, reprendé, eksortá, ku hopi pasenshi i instrukshon.
Ezekiel 33:7 "Awor pa loke t'abo, yu di hende, Mi a nombrabo komo guardia pa e kas di Israel; asina lo bo tende un mensahe for di Mi boka, i lo bo spièrta nan panMi.

 

9. Ta berdat ku un tempu lo bini ku hende no kier skucha na e berdat simpel for di Beibel?
2 Timoteo 4:3,4
3 Pasobra e tempu lo bin ku nan lo no soportá doktrina sano mas; ma alkontrario, pa satisfasé nan mes deseonan, nan lo akumulá pa nan mes siñadónan pa bisa nan loke nan orea ku ta kishiki kier tende,
4 i lo bira nan orea for di e bèrdat, i lo bolbe na fábula.

 

10. Ki tipo di mensahe esnan asina ken tende na luga di e testimoñonan korekto?
Isaias 30:10 ku ta bisa e miradónan: "No mira vishon", i ku ta bisa e profetanan: "No profetisá pa nos loke ta korekto; papia kosnan agradabel ku nos; profetisá mentira.

 

11. Kua tèst Beibel ta duna nos pa distinguí e wardado fiel for di e wardado falsu?
Isaias 8:20 Bai na e lei i na e testimonio! Si nan no ta papia konforme e palabra aki, ta pasobra nan no tin lus den nan.
Malakias 2:7 "Pasobra e lepnan di un saserdote mester preservá konosementu, i hende mester buska instrukshon for di su boka; pasobra e ta e mensahero di e Señor di ehérsitonan.

 

12. Ku kiko e sirbidornan lo okupá nan mes pa Kristo pronunsia un bendishon riba nan, ora E bini?
Mateo 24:45-47
45 "Ken anto ta e esklabu fiel i prudente ku su shon a laga enkargá ku su kas pa duna nan nan kuminda na su debido tempu?
46 Bendishoná ta e esklabu ei, ku su shon ta haña ta hasi asina ora ku e bin.
47 Di bèrdat Mi ta bi a boso ku e lo lagu'é keda na enkargo di tur su propiedatnan.

 

13. Ki hustifikashon algun ta trese dilanti pa no por klarifiká e profesianan?
Isaias 29:11, 12
11 I henter e vishon la ta pa boso manera e palabranan di un buki seyá. Ora nan entregá esaki na esun ku sa lesa, bisando: "Pa fabor, lesa esaki, " e la kontestá: "Mi no por, pasobra e ta seyá."
12 òf ora nan duna e buki na esun ku no sa lesa, bisando: "Pa fabor, lesa esaki", e la bisa: "Mi no sa lesa."

 

14. Kiko Pablo a sinti ora el a haña e mandato pa prediká e evangelio?
1 Korintionan 9:16 Pasobra si mi ta prediká evangelio, mi no tin nada pa gaba di djé, pasobra ta mi obligashon; pasobra ai di mi si mi no prediká evangelio!

 

15. Kon fiel e wardado ta traha pa e tou?
Hebreonan 13:17 0bedesé boso lidernan i someté boso mes na nan; pasobra nan ta tene warda riba boso alma, komo esnan ku lo duna kuenta. Laga nan hasi esaki ku goso i no ku tristesa, pasobra esaki lo no ta bentahoso pa boso.

 

16. Den kaso ku e wardadonan no spierta e malbado, kua responsebilidat teribel lo wòrdu añadí na dj’e?
Ezekiel 33:8 Ora Mi bisa e malbado: 'O hòmber malbado, lo bo muri sigur,' i abo no papia pa spièrta e malbado pa bira for di su kaminda, e hòmber malbado ei lo muri den su inikidat, ma su sanger lo Mi eksigi for di bo man.
Isaias 3:10,11
10 Bisa e hustunan ku kos lo bai bon pa nan, pasobra nan lo kome e fruta di nan echonan.
11 Ai di e malbado! Kos lo bai malu p'é, pasobra nan lo hasi kuné loke e meresé.