14. Servisio Kristian

14.2  Predikamentu di e Evangelio    

 

1. Ki gran mandato Kristo a duna Su disipelnan prome ku El a bai shelu?
Marko 16:15 I El a bisa nan: "Bai den henter mundu i prediká e evangelio na tur kriatura.

 

2. Kiko e evangelio di Kristo ta?
Romanonan 1:16 Pasobra mi no tin bèrguensa di e evangelio, pasobra esaki ta e poder di Dios pa salbashon pa tur ku ta kere, pa e hudiu promé i tambe pa e griego.

 

3. Kon ekstenso i durante kuantu tempu e evangelio lo a wòrdu prediká?
Mateo 24:14 I e evangelio aki di e reino lo wordu prediká den henter mundu komo un testimonio na tur nashon, i e ora ei e fin lo yega.

 

4. Pa ki motibue evangelio mester a wòrdu prediká na paganunan?
Echonan 15:14 Simon a konta kon Dios, for di un prinsipio, a bishitá e paganonan, pa tuma for di nan un pueblo pa Su nòmber,

 

5. Kon esnan ku ta prediká e evangelio ta wòrdu deskribí?
Isaias 52:7 Ki bunita riba e serunan ta e pianan di esun ku ta trese bon nobo, ku ta anunsiá pas i ta trese bon nobo di felisidat, ku ta anunsiá salbashon i ku ta bisa Sion: "Bo Dios ta reina!"

 

6. Kiko tabata e meta di e mision di Kristo?
Isaias 42:6, 7
6 "Ami ta Señor, Mi a yamabo den hustisia, tambe lo Mi tene bo man i pèrkurá pa bo. Lo Mi nombrabo komo un aliansa pa e pueblo, komo un lus pa e nashonnan,
7 pa habri wowo siegu, pa libra prezonan for di den kashòt, i esnan ku ta biba den skuridat, for di prizon.

 

7. Ku ki motibu Kristo a skohe Pablo i a mand’e na e paganunan?
Echonan 26:15-18
15 "I mi a kontestá: 'Ta ken bo ta, Señor?'"I Señor a bisa: 'Am i ta Jesus, Kende bo ta pèrsigui.
16 Ma lanta para riba bo pia; pa e motibu aki Mi a paresé na bo, pa nombrabo komo sirbidó i testigu no solamente di e kosnan ku bo a mira, ma tambe di e kosnan den kualnan lo Mi paresé na bo,
17 librando bo for di e pueblo hudiu i for di e paganonan, serka kendenan mi ta mandabo,
18 pa habri nan wowo pa nan bira for di skuridat na lus i for di e dominio di Satanás na Dios, pa nan risibi pordon di piká i un erensia entre esnan ku a wördu santifiká pa medio di fe den Mi.'

8. Di ki manera e sirbidor do e evangelio mester prediká?
2 Timoteo 4:2 prediká e palabra; sea prepará na tempu i for di tempu; spièrta, reprendé, eksortá, ku hopi pasenshi i instrukshon.

 

9. Di ken e Skritura ta testiguá?
Juan 5:39 Boso ta skudriñá e Skrituranan, pasobra boso ta kere ku ta den nan boso tin bida etèrno; i ta esakinan ta duna testimonio di Mi;

 

10. Di ki manera Dios ta sperá ku Su sirbidornan lo prediká e evangelio?
Jeremias 23:28 E profeta ku tin un soño, lagu'é konta su soño, ma laga esun ku tin Mi palabra papia Mi palabra korektamente. Kiko yerba seku tin di hasi ku mainshi?" Señor ta deklará.

 

11. Kon Kristu a presentá e bérdat na e pueblo?
Marko 4:33 I ku hopi parábola similar E tabata papia e palabra ku nan, segun ku nan por a tende esaki;

 

12. Kua regla mester sigui ora ta studia e siñansa di Beibel?
Isaias 28:10 Pasobra E ta bisa: 'òrdu riba òrdu, òrdu riba òrdu, liña riba liña, liña riba liña, aki un poko, aya un poko.'"

13. Kon e sirbidor di Dios mester traha?
2 Timoteo 2:24,25
24 I e sirbidó di Señor no mester ta pleitadó, ma kariñoso ku tur hende, ku kapasidat pa siña, ku pasenshi ora ku e wòrdu tratá inhustamente,
25 ku ta koregí ku suavidat esnan ku ta den oposishon, pa kisas Dios duna nan repentimentu ku ta hiba na konosementu di e bèrdat,

 

14. Kiko Kristo a hasi pa e apostelnan pa prepará nan pa nan trabou?
Lukas 24:45 E ora ei EI a habri nan huisio pa nan komprendé e Skrituranan,

 

15. Pa ki motibu nan mester a keda nan Jerusalem?
Lukas 24:49 I mira, Mi ta manda e promesa di Mi Tata riba boso; ma boso mester keda den e stat Jerusalèm te ora boso wòrdu bisti ku poder for di ariba."

 

16. Kon e disipelnan ta prediká e evangelio? 
1 Pedro 1:12 A wòrdu revelá na nan ku no tabata nan mes, sino boso, nan tabata sirbi den e kosnan aki, ku awor a wòrdu anunsiá na boso dor di esnan ku a prediká e evangelio na boso pa medio di Spiritu Santu, mandá for di shelukosnan ku e angelnan ta anhelá di mira.

 

17. Kiko tabata e resultado di e predikashon aki?
Echonan 4:4 Ma hopi di esnan ku a tende e mensahe a kere; i e kantidat di e hòmbernan a bira komo sinku mil.
Echonan 6:7 I e palabra di Dios a sigui piama; i e kantidat di disipel a sigui oumentá masha hopi mes na Jerusalèm, i un kantidat grandi di e saserdotenan tabata bira obedesido na e fe.

 

18. Kua promesa ta wòrdu duná na e fiel predikador di e evangelio?
Salmonan 126:6 Esun ku bai na yoramentu, kargando e saku di simia, sin duda lo bolbe ku gritu di alegria, kargando su bohinan di mainshi.