14. Servisio Kristian

14.1  E Don di Duna   

1. Ki ehempel Dios a duna mundu?
Juan 3:16 "Pasobra Dios a stima mundu asina tantu, ku El a duna Su Yu unigénito, pa ken ku kere den djE no bai pèrdí, ma tin bida etèrno.

2. Di ki manera e fe i dedikashon di Abraham a wòrdu pone na prueba?
Hebreonan 11:17 Pa medio di fe Abraham, oraku el a wòrdu poni na prueba, a ofresé Isaak; i esun ku a risibí e promesanan tabata ofresiendo su yu unigénito;

3. Kiko Kristo a hasi pa salba nos?
Galationan 1:4 Kende a duna Su mes pa nos pikánan, pa E por a libra nos di e siglo malu djawor aki, konforme e boluntat di nos Dios i Tata,
Tito 2:14 Kende a duna Su mes pa nos, pa E por redimí nos di tur inikidat i purifiká pa Su mes un pueblo pekuliar, ku zelo den hasimentu di bon obra.
1 Timoteo 2:6 Kende a duna Su mes komo e preis di reskate pa tur hende e testimonio duná na su debido tempu.

4. Pa ki motibu Hesus a entregá Su rikesa i a bira pober?
2 Korintionan 8:9 Pasobra boso konosé e grasia di nos Señor Jesu-Cristo, ku ounke E tabata riku, sinembargo pa boso motibu El a bira pober, pa boso dor di Su pobresa por a bira riku.

5. Kiko Abraham mester a bira, despues ku e mes a wòrdu bendishoná?
Genesis 12:2 i lo Mi hasibo un nashon grandi, i lo Mi bendishonábo, i hasi bo nòmber grandi; i lo bo ta un bendishon.

6. Kiko Kristo a bisa Su disipelnan, ora el a manda nan pa prediká, kura enfermonan i lanta hende for di morto?
Mateo 10:8 Kura hende malu, lanta hende for di morto, hasi leproso bira limpi, saka demoño; pòrnada boso a risibi, pòrnada boso mester duna.

7 . Di kon Dios ta konsolá nos den nos aflikshonnan?
2 Korintionan 1:4 Kende ta konsolá nos den tur nos aflikshon, pa asina nos tambe por konsolá esnan ku ta den kualke aflikshon ku e mesun konsuelo ku Dios a konsolá nos kuné.

8 . Kiko Kristo a bisa tokante e bendishon pa duna?
Echonan 20:35 Den tur kos mi a mustra boso ku dor di traha duru asina boso mester yuda e debilnan i kòrda e palabranan di Señor Jesus, ku E mes a bisa: 'Ta mas bendishoná pa duna ku pa risibí.'

9 . Pa ki motibu Kristo a wòrdu ungí ku e Spiritu Santu?
Isaias 61:1 E Spiritu di Señor Diosta riba mi, pasobra Señor a ungimi pa hiba bon nobo na esnan afligí; EI a mandami pa kura hende di kurason kibrá, pa proklamá libertat na katibunan, i libertat na prezonan,
Lukas 4:18 "E Spiritu di Señor ta riba Mi, pasobra El a ungiMi pa prediká evangelio na e pobernan; EI a mandaMi pa proklamá libertat na e prezonan, i restorashon di bista na e siegunan, pa duna libertat na esnan ku ta wòrdu oprimí,

10. Kiko Hesus a hasi despues di Su ungimentu?
Echonan 10:38 Boso sa di Jesus di Nazarèt, kon Dios a ungiE ku Spiritu Santu i ku poder, i kon El a bai rònt, hasiendo bon i kurando tur ku tabata bou di poder di diabel; pasobra Dios tabata kunE.