13. Orashon i Servisio Dibino

13.9  E balor di Kantamentu   

1. For di ik tempu den historia nos ta lesa di kantamentu?
Job 38:4-7
4 "Na unda bo tabata tempu ku Mi a pone fundeshi di mundu? BisaMi, si bo tin komprendementu.
5 Ken a determiná su midinan, ya ku bo sa esei? òf ken a ekstendé e liña-di-midi riba djé?
6 Riba kiko su fundeshinan a wòrdu wantá? òf ken a pone su piedra di skina,
7 tempu ku e streanan di mardugá tabata kanta huntu, i tur e yu hòmbernan di Dios tabata grita di alegria?

2. Kiko Israel a hasi ora nan a wòrdu librá for di Egypto?
Eksodo 15:1, 2
1 E ora ei Moisés i e yunan di Israel a kanta e kantika aki na
Señor i a bisa: "Lo mi kanta na Señor, pasobra E ta grandemente halsá. E kabai i su koredó EI a tira den laman.
2 Señor ta mi fortalesa i mi kantika, i El a bira mi salbashon; E ta mi Dios, i lo mi alab'E, e Dios di mi tata, i lo mi glorifik' E.

3. Kon e angelnan a mustra nan alegria na nasementu di Kristo?
Lukas 2:13,14
13 I direpiente a paresé huntu ku e angel un multitut di e ehérsito selestial, dunando alabansa na Dios i bisando:
14 "Gloria na Dios den halturanan, i na tera pas meimei di hende ku ta agrad'E."

4. Kon nos mester bini den presensia di Dios, segun Skritura?
Salmonan 100:2 Sirbi Señor ku goso; bin den Su presensia ku kantamentu gososo.
2 Kronikanan 29:30 Ademas, rei Ezekias i e ofisialnan a ordená e levitanan pa kanta alabansa na Señor ku e palabranan di David i Asaf, e miradó. Asina nan a kanta

5. Kon Dios ta konsiderá e servisio aki, segun David?
Salmonan 69:30,31
30 Lo mi alabá e nòmber di Dios ku kantika, i lo mi engrandes'E ku gradisimentu.
31 I esaki lo agradá Señor mas ku un buey òf un bishé machu ku tin kachu i huf.

6. Ki instrukshon Pablo ta duna tokanta e kantamentu?
Kolosensenan 3:16 Laga e palabra di Cristo biba rikamente den boso, ku tur sabiduria siñando i spièrtando otro ku salmo i himno i kantika spiritual, kantando ku gradisimentu den boso kurason na Dios.
Efesionan 5:19 papiando ku otro den salmo i himno i kantika spiritual, kantando i hasiendo melodia na Señor den boso kurason,
Santiago 5:13 Tin un hende entre boso ku ta sufri? Lagu'é hasi orashon. Tin un hende ku ta kontentu? Lagu'é kanta alabansa.
Salmonan 149:5,6
5 Laga e santunan regosihá den gloria; laga nan kanta di goso riba nan kama.
6 Laga e alabansa di Dios ta den nan boka, i un spada di dos filo den nan

7. Kua instrumentu di musiko Juan a mira e santunan den shelu ta tokando?
Revelashon 15:2 I mi a mira loke tabata parse un laman di glas mesklá ku kandela, i esnan ku a sali viktorioso riba e bestia i riba su imagen i riba e number di su nòmber, pará riba e laman di glas, ku arpanan ku Dios a duna nan.

8. Kua kantika e salbánan lo kanta?
Revelashon 15:3 I nan a kanta e kantika di Moisés, e sirbidó di Dios, i e kantika di e Lamchi, bisando: Grandi i maraviyoso Bo obranan ta, Señor Dios Todopoderoso; hustu i bèrdadero Bo kamindanan ta, Abo, Rei di e nashonnan.
Salmonan 87:7 E ora ei tantu esnan ku ta kanta komo esnan ku ta toka flùit lo bisa: "Tur mi fuentenan di goso ta den Bo."