13. Orashon i Servisio Dibino

13.8  Alabansa i Gradisimentu  

1. Ki ora, e salmista, lo a alabá Señor?
Salmonan 34:2 Mi alma lo gloria tur ora den Señor; e umildenan lo tende i regosihá.
Salmonan 145:2 Tur dia lo mi bendishonáBo, i lo mi alabá Bo nòmber pa semper I semper.

2. Kiko esnan ku ta alaba Dios ta hasi?
Salmonan 50:23 Esun ku ofresé sakrifisio di gradisimentu ta onraMi

3. Unda, David ta bisa, ku e lo alabá Dios?
Salmonan 22:25 For di Bo mi alabansa ta bin den e gran asamblea; lo mi kumpli ku mi promesa den presensia di esnan ku tin temor di djE.

4. Kiko e ta atvertí tur pa hasi?
Salmo 34:3 O engrandesé SEÑOR ku mi, i laga nos halsa Su nòmber huntu.

5. Ki eksperensia personal, David a bisa, ku e lo konta na tur ku ta teme Dios?
Salmonan 66:16 Bin i tende, boso tur ku ta teme Dios, i lo mi konta loke El a hasi pa mi alma.

6. Ki influensia e testimonionan aki tin riba esnan umilde?
Salmonan 34:2 Mi alma lo gloria den Señor; e umildenan lo tende i regosihá.

7. Kiko a bira di esnan ku no a onra Dios ni dun’E gradisimentu den tempu pasá?
Romanonan 1:21 Pasobra maske nan tabata konosé Dios, nan no a onr'E komo Dios, ni a duna gradisimentu, ma a bira inútil den nan spekulashonnan, i nan kurason bobo a bira skur.

8. Kua elemento mester wòrdu manifestá den nos adorashon di Dios?
Filipensenan 4:6 No preokupá pa nada; ma den tur kos, pa medio di orashon i súplika ku gradisimentu, laga boso petishonnan ta konosi dilanti di Dios.
Kolosensenan 4:2 Dediká boso mes na orashon, keda alerta den djé ku un aktitut di gradisimentu;

9. Den kuantu kos nos mester gradisí Dios?
1 Tesalonisensenan 5:18 Sea gradisido den tur kos; pasobra esaki ta e boluntat di Dios pa boso den Cristo Jesus.

10.Ku ki frekuensia i pa kuantu kos nos mester gradisí Dios?
Efesionan 5:20 semper dunando gradisimentu na Dios Tata pa tur kos den e nòmber di nos Señor Jesu-Cristo;

11. Ku ki atvertensia e Salmista ta sera su kantikanan di alabansa?
Salmonan 150:1-6
1 Alabá Señor!
Alabá Dios den Su santuario; alab'E den Su firmamentu poderoso.
2 Alab'E pa Su echonan poderoso; alab'E segun Su grandesa ekselente.
3 Alab'E ku zonidu di tròmpèt; alab'E ku arpa i lirio.
4 Alab'E ku tamburein i baliamentu; alab'E ku instrumènt di kuèrdè i fluit.
5 Alab'E ku simbal ku ta zona duru; alab'E ku simbal ku ta resoná.
6 Laga tur loke tin rosea alabá Señor.
Alabá Señor!