13. Orashon i Servisio Dibino

13.7  E Santa Sena

 

1. Kiko tabata konektá ku e servisio di Dios prome ku Su prome binida?
Hebreonan 9:1 Awor tambe e promé aliansa tabatin reglanan di adorashon divino i e santuario terenal.

 

2. Na ken e ofrendanan tabata referí den futuru?
Efesionan 5:2 i kana den amor meskos ku Cristo tambe a stima boso, i a entregá Su mes pa nos, un ofrenda i un sakrifisio na Dios komo un holó dushi.

 

3. Kiko Señor ke pa nos rekòrdá?
1 Korintionan 15:2-4
2 pa medio di kual tambe boso ta salbá, si boso tene firme na e palabra ku mi a prediká na boso, a menos ku boso a kere en bano.
3 Pasobra na promé lugá mi a duna boso loke mi tambe a risibí, ku Cristo a muri pa nos pikánan segun e Skrituranan
4 i ku El a wòrdu derá, i ku El a wòrdu lantá riba e di tres dia segun e Skrituranan,

 

4. Kua instituto kristian ta rekòrdá e deramentu i resurekshon di Kristo?
Kolosensenan 2:12 siendo derá kunE den boutismo, den kual boso a wòrdu lantá tambe huntu kunE dor di fe den e po der di Dios, Kende a lant'E for di e mortonan.

 

5. Ku ki proposito e Santa Sena a wòrdu instituí?
1 Korintionan 11:23, 24
23 Pasobra mi a risibí di Señor loke mi a entregá na boso tambe, ku Señor Jesus, riba e anochi ku El a wòrdu traishoná, a kohe pan;
24 i ora ku El a kaba di duna gradisimentu, El a kibr'é, i a bisa: "Esaki ta Mi kurpa ku ta wòrdu kibrá pa boso; hasi esaki na Mi rekuèrdo."

 

6. Kiko e biña ta representá?
1 Korintionan 11:25 Di e mesun manera El a kohe e kopa tambe, despues di a kaba di sena, bisando: "E kopa aki ta e aliansa nobo den Mi sanger; hasi esaki, kada bes ku boso beb'é, na Mi rekuèrdo."

 

7. Na kiko e pan i e biña ta rekòrdá nos?
1 Korintionan 1:26 Pasobra kada bes ku boso kome e pan aki i bebe e kopa aki, boso ta proklamá e morto di Señor te ora ku E bin.

 

8. Ki spiertamentu ta wòrdu duná kontra esnan ku ta tuma parti indignamente na e sakramento aki?
1 Korintionan 11:27-29
27 Pesei, ken ku kome e pan aki òf bebe e kopa di Señor na un manera indigno lo ta kulpabel di e kurpa i sanger di Señor.
28 Ma laga kada hende saminá su mes, i asina lagu'é kome di e pan i bebe di e kopa.

 

9. Ki preparashon nos mester hasi pa e servisio aki?
1 Korintionan 11:29 Pasobra esun ku kome i bebe, ta kome i bebe huisio pa su mes, si e no huzga e kurpa korektamente.

 

10. Kiko ta indespensabel pa komunion Kristian?
1 Juan 1:7 ma si nos ta kana den lus meskos ku E mes ta den lus, nos tin komu¬nion ku otro, i e sanger di Jesus, Su Yu, ta limpia nos di tur piká.

 

11. Kua komunion mas haltu e kristian por tin?
1 Juan 1:3 Loke nos a mira i tende nos ta proklamá na boso tambe, pa boso tambe por tin komunion ku nos; i di bèrdat nos komunion ta ku e Tata i ku Su Yu Jesu-Cristo.