13. Orashon i Servisio Dibino

13.6  Referensia den e Kas di Dios

 

1. Di kon Dios a manda Su pueblo pa traha un santuario?
Eksodo 25:8 "I laga nan traha un santuario pa Mi, pa Mi keda biba meimei di nan.

 

2. Kon Na mester a konsiderá e residensia di Dios?
Levitiko 19:30 Warda Mi sabatnan i tene reverensia pa Mi santuario; Ami ta Señor.

 

3. Kiko Dios ta bias di e kosnan ku ta dedika na Su servisio?
Levitiko 27:28 'Sinembargo, nada ku un hende apartá pa Señor for di tur loke ku e tin, di hende Of di bestia, Of di e kunukunan di su mes propiedat, no mag wòrdu bendi ni redimî. Tur kos dediká asina ta masha santu mes pa Señor.

 

4. Ora Dios a topa ku Josue I Moises, dikon nan mester a kita nan sandalia for di nan pia?
Josué 5:15 I e Kapitan di Señor Su ehérsito a bisa Josué: "Kita bo sandalia for di bo pia, pasobra e lugá ku bo ta pará ariba ta santu.' I asina Josué a hasi.
Eksodo 3:5 E ora ei Dios a bisa Moises: "No yega serka di e lugá aki; kita bo sandalia for di bo pia, pasobra e lugá ku bo ta pará ariba ta suela santu."

 

5. Kiko a tuma luga, ora e tabernakulo a wòrdu inaugurá?
Eksodo 40:34 E ora ei e nubia a tapa e tènt di reunion, i e gloria di Señor a yena e tabernakel.
2 Kronikanan 5:13 I ora ku e tokadónan di tròmpèt i e kantadónan konhuntamente a laga tende nan mes den un solo bos pa alabá i glorifiká Señor, i ora nan a halsa nan bos, akompañá pa trompet, simbal i instrumèntnan di muzik, i ora nan a alabá Señor, bisando: "Di bèrdat E ta bon, pasobra Su miskordia ta pa semper." E ora ei e kas, e kas di SEÑOR, a yena ku un nubia,

 

6. Dikon tur hende mester mustra referensia na e kas di orashon?
Habakuk 2:20 Ma Señor ta den Su tèmpel santu. Laga henter tera keda ketu Su dilanti. "

 

7. Kon Kristo a mustra Su réspét pa e santidat di e kas di Dios?
Marko 11:15-17
15 I nan a yega Jerusalèm. I El a bai den tèmpel i a kuminsá kore ku esnan ku tabata kumpra i bende den tèmpel, saka nan afó, i a bolter e mesanan di e kam-biadónan di plaka i e stulnan di esnan ku tabata bende palomba;
16 I E no a pèrrnitî ningun hende karga merkansia pas a dor di tèmpel kuné.
17 I El a kuminsá sifia i bisa nan: "No ta pará skirbi: 'Mi kas lo wòrdu yamá un kas di orashon pa tur nashon, Ma boso a hasié un kueba di ladron."

 

8. Kua kastigu Dios a duna Nadab I Abihu pa ofresé ku kandela strañu den servisio di e tabernakulo?
Levitiko 10:1, 2
1 Awor Nadab i Abiú, yu hòmbernan di Aaron, kada un a kohe su wea-pa-kandela, i despues di a pone kandela den nan, nan a pone sensia riba esaki i a ofresé kandela straño dilanti di Señor, lokual E no a ordená nan.
2 I kandela a sali for di e presensia di Señor i a kaba ku nan, i nan a muri dilanti di Señor.

 

9. Ku ki proposito nos ta wòrdu atverti pa mustra gratitut?
Hebreonan 12:28,29
28 Pesei, komo ku nos ta risibi un reino ku no por wòrdu sakudi, laga nos mustra gratitut, pa medio di kual nos por ofresé na Dios un sirbishi aseptabel ku reverensia I temor;
29 pasobra nos Dios ta un candela konsumidor

 

10. Ku ki Spiritu, David a bisa, ku e lo adorá?
Salmonan 5:7 Ma pa loke t'ami, pa medio di e abundansia di Bo miserikòrdia lo mi drenta Bo kas; den direkshon di Bo tèmpel santu lo mi buig ku reverensia pa Bo.

 

11. Kua instrukshon Salomo a duna tokante komportashon den kas di Dios?
Eklesiastes 5:1 Warda bo pasonan ora bo ta bai na e kas di Dios, i hala serka pa skucha enbes di ofresé e sakrifisio di bobonan, pasobra nan no sa ku ta malu nan ta hasi.

 

12. Kon lue, Dios a bisa, ku e lo wòrdu onrá?
Malakias 1:11 Pasobra for di ora solo sali te ora ku e drenta, Mi nòmber lo ta grandi meimei di e nashonnan, i tur kaminda sensia lo wòrdu ofresï na Mi nòmber, i un ofrenda di mainshi ku ta puru; pasobra Mi nòmber lo ta grandi meimei di e nashonnan, " e Señor di ehérsitonan ta bisa.

 

13. Pa kuantu hende e kas di Dios lo ta un kas di orashon?
Isaias 56:7 eseinan lo Mi hiba na Mi seru santu, i lo Mi hasi nan kontentu den Mi kas di orashon. Nan ofrendanan kimá i nan sakrifisionan lo ta aseptabel riba Mi altar, pasobra Mi kas lo wòrdu yamá kas di orashon pa tur e pueblonan. "

 

14. Ken ta presente den tur reunionnan den nòmber di Kristo?
Mateo 18:20 Pasobra kaminda dos of tres ta reunî den Mi nòmber, ei Mi ta meimei di nan."