14. Servisio Kristian

14.6  Yudansa Kristian    

 

1. Di ki tipo e obra di Kristo tabata meimei di hende?
Echonan 10:38 Boso sa di Jesus di Nazarèt, kon Dios a ungiE ku Spiritu Santu i ku poder, i kon El a bai rònt, hasiendo bon i kurando tur ku tabata bou di poder di diabel; pasobra Dios tabata kunE.

 

2. Kiko su berdadero siguidónan ta hasi?
1 Juan 2:6 esun ku bisa ku e ta permanesé den djE mester kana na mesun manera ku El a kana.

3. Ken nos ta sirbi en bèrdat ora nos ta yuda esnan de nesesidat?
Mateo 25:40 "I e Rei lo kontestá i bisa nan: 'Di bèrdat Mi ta bisa boso, tur loke boso a .hon tur hende ta para dilanti Dios
Proverbionan 22:2 Riku i pober tin esaki den komun: Señor ta Esun ku a traha nan tur.

4. Kiko ta un bon prueba di bèrdadero arepentimentu?
Daniel 4:27 Pesei, 0 rei, laga mi konseho ta aseptabel pa bo: redimî awor bo pikánan dor di hasi hustisia, i bo inikidatnan dor di mustra miserikòrdia na e pobernan. Podisé esei lo prolongá bo prosperidat. '

5. Kiko ta un prueba ku hende tin konosementu di Dios?
Jeremias 22:16 El a sali na defensa di esnan afligí i den nesesidat; e tempu ei kos tabata bai bon. No ta esei kier men konoséMi?" Señor ta deklará.

6. Ki tipo di hende mester risibí yudansa kristian?
Santiago 1:27 Esaki ta ereligion puru i sin maneha den bista di nos Dios i Tata: bishitá wérfano i biuda den nan aflikshon, i konservá bo mes liber di maneha di mundu.

7. E ta nos deber pa duna semper loke wòrdu pidí òf di loke ta sperá?
Echonan 3:6 Ma Pedro a bisa: "Plata i oro mi no tin, ma loke mi tin mi ta dunabo: Den e nòmber di Jesu-Cristo di Nazarèt-Kana!"
2 Korintionan 12:7-9
7 I pa motibu di e grandesa sobresaliente di e revelashonnan, pa e motibu aki, pa wardami di no halsa mi mes, a wòrdu duná na mi un sumpiña den karni, un mensahero di Satanás pa boftami-i-pa wardami di no halsa mi mes!
8 Enkuanto e kos aki mi a roga Señor tres biaha pa esaki por kita for di mi.
9 I El a bisami: "Mi grasia ta basta pa bo, pasobra Mi poder ta wòrdu hasí perfekto den debilidat. " Pesei, gustosamente lo mi preferá di gaba den mi debilidatnan, pa e poder di Cristo por biba den mi.

8. Kiko tin biaha tin mas balor ku asta plaka, pa hende ku ta deskurashá?
Job 29:24 Ora mi tabata hari ku nan, kasi nan no por a kere, i e lus di mi kara nan no por a kita.

 

9. Kua lei dibino i retroaktivo ta bai huntu ku dunamentu?
Lukas 6:38 Duna, i lo wòrdu duná na boso: un midi bon yená, bon primi, bon sakudí, ku ta basha ofer, nan lo drama den boso skochi. Pasobra ku e mesun midi ku boso midi kuné lo wòrdu midi bèk pa boso."
Salmonan 18:25-27
25 Na e hende miserikòrdioso Bo ta mustra Bo mes miserikàrdioso; na e hende rekto Bo ta mustra Bo mes rekto;
26 na e hende puru Bo ta mustra Bo mes puru, ma na e hende pèrvèrso Bo ta mustra Bo mes severo.
27 Pasobra Bo ta salba un pueblo afligí, ma Bo ta rebahá wowonan arogante.
Salmonan 109:17 Tambe e tabata gusta maldishon, i esei a bin riba djé; i e no tabata hiba gustu den bendishon, asina esei a keda leu for di djé.
Galationan 6:7 No gaña boso mes: Dios no ta laga hasi bofon di djE; pasobra loke un hende sembra, esaki tambe e lo kosechá.

 

10. Kiko ta wòrdu primintí na esnan ku ta duna e pobernan?
Proverbionan 19:17 Esun ku tene miserikòrdia di un hende pober ta fia Señor, i E lo pagu'é bèk pa su bon obra.
Proverbionan 28:27 Esun ku duna na pober lo no tin falta di nada, ma esun ku sera su wowo lo risibi hopi maldishon.

11. Na ki manera Job a siña konose e nesesidatnan di e pobernan?
Job 29:16 Mi tabata un tata pa esnan den nesesidat, i mi tabata investigá kaso di hende deskonosí pa mi.

 

12. Kua komparashon ta mustra kiko yudansa kristian ta praktikamente ta?
E komparashon di e bon Samaritano. Lukas 10:30-37

 

13. Ora Kristo a manda e setentanan, kiko El a bisa nan e ora ei pa hasi den e statnan unda nan mester a bai?
Lukas 10:9 i kura e enfermonan ku tin einan, i bisa nan: 'E reino di Dios a yega serka boso.'

 

14. Ki tipo di trahadonan Dios ta deseá di mira unda probesa i opreshon ta reina?
Isaias 42:22, 23
22 Ma esaki ta un pueblo sakeá i plumá; nan tur ta atrapá den kueba, òf skondí den prizon. Nan a bira proi, sin ningun hende pa libra nan, i nan a bira botín, sin ningun hende pa bisa: "Debolbé nan!"
23 Kual di boso lo skucha esaki? Ken lo paga tino i skucha den tempu benidero?

 

15. Kiko ta nos deber pa ku esnan fugitivo i rechasá?
Isaias 16:3, 4
3 "Duna nos konseho, hasi un desishon; hasi bo sombra komo si fuera ta nochi na ora di mèrdia; skonde esnan rechasá, no traishoná e fugitivo.
4 Laga esnan rechasá di Moab biba serka bo; sea pa nan un lugá pa skonde for di presensia di e destruidó." Pasobra e destruidó a yega na un fin, destrukshon a tèrminá. Opresornan a disparsé kompletamente for di e tera.

 

16. Kiko ta stimulá kristiannan pa hasi obra bau di presunan?
Mateo 25:36 Mi tabata sunü, i boso a bistiMi; Mi tabata malu, i boso a bishitáMi; Mi tabata den prizon, i boso a bin serka Mi.
Mateo 25:40 "I e Rei lo kontestá i bisa nan: 'Di bèrdat Mi ta bisa boso, tur loke boso a hasi pa un di esnan di mas chikitu di e rumannan aki di Mi, ta pa Mi boso a hasié.'

 

17. Ken ta ripará e kehamentu di e prezunan?
Salmonan 102:20, 21
20 pa skucha kehamentu di e prezo, pa libra esnan ku ta kondená na morto;
21 pa nan deklará e nòmber di Señor den Sion, i Su alabansa na Jerusalèm,

 

18. Di ki trabau ayuno ta konsistí i ta agradabel pa Dios?
Isaias 58:6, 7
6 "No ta esaki ta e yunamentu ku Mi ta skohe: pa kita e kadenanan di maldat, pa los e kabuyanan di e yugo, i pa duna libertat na esnan oprimí i kibra tur yugo?
7 No ta pa parti bo pan ku esun ku tin hamber, i pa trese e pobernan, ku no tin kas, den ba kas; pa ora bo mira un hende sunú, bo bistié, i pa na bira lomba pa bo mes famia?

 

19. Kua promesa ta wòrdu duná na esnan ku den e forma aki ta proveé den e nesesidatnan i e mester di otro?
Isaias 58:10, 11
10 i si ba pone bo mes disponibel pa yuda esnan ku tin hamber, i satisfasé e deseo di esnan afligí, e ora ei bo lus lo sali den skuridat, i bo tiniebla lo bira manera mèrdia.
11 I Señor lo guiabo kontinuamente, i lo satisfasé ba deseo den lugánan kimá dor di solo, i duna forsa na bo wesunan; lo bo ta manera un hòfi bon muhá, i manera un fuente di awa ku su awanan na ta kaba.