14. Servisio Kristian

14.14  Ken ta esun mas grandi?       

 

1. Kiko Kristo a bisa Su disipelnan na e Pasku?
Lukas 22:15,16
15 I El a bisa nan: "Mi a deseá mashá di kome e Pasku aki huntu ku boso promé ku Mi sufri;
16 pasobra Mi ta bisa boso, ku lo Mi no kom'é nunka mas te ora ku e ta kumplí den e reino di Dios."

 

2. Over di kiko tabatatin un diskushon entre e disipelnan?
Lukas 22:24 I tambe a lanta un diskushon entre nan tokante kual di nan tabata wòrdu konsiderá di ta esun di mas grandi.

 

3. Kon Hesus a reprendé e spiritu aki?
Lukas 22:25,26
25 I El a bisa nan: "E reinan di e paganonan ta goberná nan; i esnan ku tin outoridat riba nan ta wòrdu yamá 'Shonnan bondadoso.'
26 Ma entre boso no mester t'asina; alkontrario, laga esun di mas grandi meimei di boso ta manera esun di mas hoben, i esun ku ta goberná manera esun ku ta sirbi.
Marko 10:42-45
42 I yamando nan serka djE, Jesus a bisa nan: "Boso sa ku esnan ku ta rekonosi komo gobernantenan di e paganonan tin dominio riba nan; i nan shonnan ta ehersé outoridat riba nan.
43 Ma entre boso no t'asina, ma ken ku kier bira grand i entre boso lo ta boso sirbidó;
44 i ken ku kier ta esun di promé entre boso lo ta esklabu di tur.
45 Pasobra ni e Yu di Hende no a bin pa wördu sirbi, ma pa sirbi, i pa duna Su bida komo preis di reskate pa hopi."

 

4. Kiko e Salbador a bisa tokante e luga ku e mes tabata okupá?
Lukas 22:27 Pasobra ta ken ta mas grandi: esun ku ta sinta na mesa of esun ku ta sirbi? No ta esun ku ta sinta na mesa? Ma Ami ta meimei di boso manera esun ku ta sirbi.

 

5. Kua ehempel di humildat i servisio boluntario Kristo a duna, apesar ku e tabata nan Señor i Maestro?
Juan 13:4, 5
4 a lanta for di sena, i a pone Su paña djariba un banda, i a kohe un sèrbètè i a mar'é na Su sintura.
5 Despues El a basha awa den un punchero, i a kuminsá laba pia di Su disipelnan, i seka nan ku e sèrbètè ku E tabatin mará na Su sintura.

 

6. Kiko tabata e uso di labamentu di pia den tempu antiguo?
Genesis 18:4 Pa fabor, lagami (Abraham) trese poko awa pa boso laba boso pia, bai sosegá boso kurpa bou di e palu;
Genesis 19:2 I el a bisa: "Awor mira, mi señornan, pa fabor, ban kas di bo sirbidó (Lot), keda pasa nochi i laba boso pia; e ora ei boso por lanta tempran i sigui boso kaminda." Ma nan a bisa: "No, nos lo pasa nochi riba e plenchi."
Genesis 43:24 E ora ei e hòmber a hiba e hòmbernan den kas di Jose i a duna nan awa, i nan a laba nan pia; i el a duna nan burikunan kuminda.

 

7. Kon Kristo a reprende Simon pa motibu ku el a husga robes, ora El a permití muhe pekador pa laba Su pia?
Lukas 7:44 I EI a bira wak e muhé i a bisa Simon: "Bo ta mira e muhé aki? Mi a bin den bo kas; abo no a dunaMi awa pa Mi pianan, ma el a muha Mi pianan ku su awa di wowo, i a seka nan ku su kabei.

 

8. Kua pregunta Pedro a hasi tokante servisio di Señor pa laba su pia?
Juan 13:6 Asina El a yega serka Simon Pedro.I Pedro a bis'E: "Señor, Abo ta laba mi pia?"

 

9. Kua kontesta Hesus a dunele?
Juan 13:7 Jesus a kontestá i a bis'é: "Loke Mi ta hasi bo no ta komprendé awor, ma despues lo bo komprendé. "

 

10. Kiko tabata e sintimentu di Pedro tokante e labamentu di su pia dor di Hesus?
Juan 13:8 Pedro a bis'E: "Hamas lo Bo no laba mi pia!" Jesus a kontest'é: "Si Mi no lababo, bo no tin parti ku Mi. "

 

11. Kiko tabata e kontesta di e Maestro na Pedro?
Juan 13:8 Pedro a bis'E: "Hamas lo Bo no laba mi pia!" Jesus a kontest'é: "Si Mi no lababo, bo no tin parti ku Mi. "

 

12. Kiko Pedro bisa ora ela tende ku pa tin parti ku Kristo, ta depende di e servisio di Hesus p’e?
Juan 13:9 Simon Pedro a bis'E: "Señor, no mi pianan so, ma tambe mi mannan i mi kabes!"

 

13. Kiko Kristo a bisa despues di laba nan pia?
Juan 13:15 Pasobra Mi a duna boso un ehèmpel, pa boso tambe hasi manera Ami a hasi ku boso.

 

14. Kiko Ela bisa tokante labamentu di pia pa otro?
Juan 13:13, 14
13 Boso ta yamaM i Maestro i Señor; i boso tin rason, pasobra esei Mi ta.
14 Si Ami anto, e Señor i Maestro, a laba boso pia, boso tambe mester laba pia di otro.

 

15. Kiko lo ta nan eksperensia ora nan a kumpli ku e mandato aki?
Juan 13:17 Si boso sa e kosnan aki, boso ta bendishoná si boso hasi nan.

 

16. Kon Kristo ta konsiderá algu ku ta wòrdu hasí pa esnan di mas chikitu di rumannan?
Mateo 25:40 "I e Rei lo kontestá i bisa nan: 'Di bèrdat Mi ta bisa boso, tur loke boso a hasi pa un di esnan di mas chikitu di e rumannan aki di Mi, ta pa Mi boso a hasié.'