14. Servisio Kristian

14.13  Hospitalidat      

1. Kiko Skritura ta bisa tokante hospitalidat?
1 Pedro 4:9 Duna posada na otro sin murmurá.
Romanonan 12:10-13
10 Stima otro ku amor fraternal; duna preferensia na otro den onor;
11 no flakia den diligensia, ma sea ferviente den spiritu, sirbiendo Señor;
12 regosihando den speransa, pèrseverando den tribulashon, dediká na orashon,
13 kontribuiendo na e nesesidatnan di e santunan, praktikando hospitalidat.

2. Ekspreshon di bon deseonan ta sufisiente?
Santiago 2:15,16
15 Si un ruman hòmber òf ruman muhé ta sin paña i den nesesidat di e kuminda di kada dia,
16 i un di boso bisa nan: "Bai na pas, tene bo kurpa kayente i yena bo barika, " I i sinembargo, boso no ta duna nan loke ta nesesario pa nan kurpa, kiko esei ta bal?

3. Ki ora nos mester mustra hospitalidat?
Galationan 6:10 Asina anto, mientras nos tin oportunidat, laga nos hasi bon na tur hende, i spesialmente na esnan ku ta di e famia di fe

4. Ki estímulo ta wòrdu duná pa duna hospitalidat na stranheronan?
Hebreonan 13:2 No laga di mustra hospitalidat na stranhero, pasobra dor di hasi esaki algun hende a entretené angelnan. sin sa.

5. Ki bendishon ta wòrdu primintí na esnan ku hasi e tipo di trabao aki?
Proverbionan 11:25 E hende generoso lo prosperá, i esun ku duna di bebe tambe lo haña di bebe.