14. Servisio Kristian

14.12  Ofrendanan buluntario     

 

1. Pa medio di kiko Señor a ordená mantenementu di Su obra?
Malakias 3:8 "Hende lo hòrta Dios? Tòg boso ta hòrtaMi! "Ma boso ta bisa: 'Kon nos a hòrta Bo?' "Ku diesmo i ku ofrenda.

 

2. Kon, a wòrdu bisá, pa bini den Su plenchinan?
Salmonan 96:8 Atribuî na Señor e gloria debi na Su nòmber; trese un ofrenda i bin den Su plenchinan.

 

3. Ki òrdu Dios a duna Su pueblo di antaño en relashon ku selebramentu di e tres fiestanan anual?
Eksodo 23:14,15
14 "Tres biaha pa aña boso mester selebrá un fiesta pa Mi.
15 "Warda e Fiesta di Pan SinZürdeg; shete dia largu bo mester kome pan sin zürdeg, manera Mi a ordenábo, na e tempu stipulá den luna di Abib, pasobra ta den e luna ei bo a sali for di Egipto. "I ningun hende no mag presentá Mi dilanti man bashi.

 

4. Ku ki spiritu Dios ke pa nos lo duna?
2 Korintionan 9:7 Laga kada un hasi manera el a proponé den su kurason; no kontra su gustu òf obligá; pasobra Dios ta stima esun ku ta duna ku alegria.

 

5. Di ki manera Pablo a bisa ku e lo risibí rekompensa?
1 Korintionan 9:17 Pasobra si mi hasi esaki boluntariamente, mi tin un rekompensa; ma si ta kontra mi boluntat, mi tin un mayordomia ku a wòrdu konfiá na mi.

 

6. Kiko Kristo abisa tokante dunamentu?
Echonan 20:35 Den tur kos mi a mustra boso ku dor di traha duru asina boso mester yuda e debilnan i kòrda e palabranan di Señor Jesus, ku E mes a bisa: 'Ta mas bendishoná pa duna ku pa risibí.

 

7. Kon Dios ta konsiderá un hende golos?
Salmonan 10:3 Pasobra e malbado ta gaba di e deseo di su kurason; e ta bendishoná e hende golos i ta despresiá Señor.
Eksodo 18:21 Ademas, skohe for di den henter e pueblo hòmbernan kapas ku ta teme Dios, hòmbernan konfiabel, esnan ku ta odia ganashi desonesto; i pone esakinan riba nan komo lidernan di milnan, di shennan, di sinkuentanan i di diesnan.

8. Kua spiertamentu Kristo a duna tokante golosidat?
Lukas 12:15 I EI a bisa nan: "Tene kuidou, i warda boso di tur golosidat; pasobra bida di hende no ta konsisti di e abundansia di e kosnan ku e tin."

 

9. Kon Dios a konsiderá e hòmber riku den e komparashon?
Lukas 12:20 "Ma Dios a bis'é: 'Abo, bobo! Awenochi mes bo alm a lo wòrdu eksigí for di bo; i awor ken lo bira doño di loke bo a prepará?"

 

10. Riba ken Kristo a apliká e komparashon aki?
Lukas 12:21 "Asina ta e hende ku ta montoná tesoro pa su mes, i no ta riku pa ku Dios."
1 Timoteo 6:7 Pasobra nos no a trese nada den mundu, i nos no por hiba nada for di djé tampoko.

 

11. Di ki manera nos ta montoná tesoro den shielu?
Lukas 12:33 Bende boso propiedatnan i duna limosna; traha pa boso mes bolsa ku no ta gasta, un tesoro den shelu ku no ta kaba nunka, kaminda ladron no por yega, ni mot no por destrui.
1 Timoteo 6:7 Pasobra nos no a trese nada den mundu, i nos no por hiba nada for di djé tampoko.

 

12. Kua òrdu Timoteo mester a duna e rikunan?
1 Timoteo 6:17-19
17 Instrui esnan ku ta riku den e mundu aktual pa nan no ta sobèrbè i pa nan no fiha nan speransa riba e insiguridat di rikesa, ma riba Dios, Kende ta proveé pa nos tur kos na abundansia pa nos disfrutá di nan.
18 Instrui nan pa hasi bon, pa nan ta riku den bon obra, pa nan ta generoso i dispuesto pa komparti,
19 pa nan montoná pa nan mes e tesoro di un bon fundeshi pa futuro, pa nan gara loke ta bida bèrdadero.

 

13. Kon Dios ta konsiderá un akto asina?
Hebreonan 13:16 I no laga di hasi bon i di komparti ku otro; pasobra sorto di sakrifisionan asina ta agradá Dios.

 

14. Segun kua regla hende tin ku duna?
Deuteronomio 16:17 Tur hende mester duna manera e por, konforme e bendishon di Señor bo Dios ku EI a dunabo.

15. Riba ki base ofredanan ta aseptabel pa Dios?
2 Korintionan 8:12 Pasobra si e boluntat t'ei, e ta aseptabel segun loke un hende tin, no segun loke e no tin.

 

16. Kiko ta indiká unda nos kurason ta?
Lukas 12:34 Pasobra kaminda boso tesoro ta, einan boso kurason tambe lo ta.