14. Servisio Kristian

14.11  Mantenshon di Pastornan      

 

1. Kiko ta un di e maneranan ku nos por onra Dios, segun Skritura?
Proverbionan 3:9 Onra Señor ku bo rikesa, i ku e promé fruta di tur bo produktonan;

 

2. Kua parti di nos entrada ta partikularmente di Señor?
Levitiko 27:30 'Asina henter e diesmo di e tera, di e simia di e tera Of di e fruta di palu, ta di Señor; esaki ta santu pa Señor.

 

3. Pa manteneshon di ken i pa kua trabao e diesmo mester wòrdu destiná?
Numbernan 18:21 "I pa e yu hombeman di Levi, mira, Mi a duna henter e diesmo den Israel komo un erensia na lugá di nan sirbishi ku nan ta hasi, e sirbishi di e tènt di reunion.

 

4. Den ki palabranan Pablo ta sostené e mesun manera di mantenshon di e sirbidornan di e evangelio?
1 Korintionan 9:11-14
11 Si nos asembra kosnan spiritual den boso, ta algu di mas si nos kosechá kosnan material for di boso?
12 Si otronan tin ederecho aki riba boso, nos no tin mas ainda? Sinembargo, nos no a hasi uzo di e derecho aki, ma nos ta soportá tur kos, pa nos no kousa strobashon na e evangelio di Cristo.
13 Boso no sa ku esnan ku ta ministrá den e sirbishinan santu ta kome e kuminda di e tèmpel, i ku esnan ku ta sirbi regularmente na e altar ta haña nan parti for di e altar?
14 Asina tambe Señor a ordená pa esnan ku ta prediká evangelio biba di evangelio.

 

5. Riba kua base e pagamentu di diesma ta fundá?
Salmonan 24:1 Tera ta di Señor, i tur loke ku e ta kontené, mundu, i esnan ku ta biba den djé.

 

6. Na ken tur oro i plata ta pertenesé?
Oseas 2:8 'E plata ta di Mi, i e oro ta di Mi,' e Señor di ehérsitonan ta deklará.

 

7. Di ken tur bestia i parha di tera ta?
Salmonan 50:10,11
10 Pasobra tur bestia di mondi ta di Mi, e bakanan riba mil seru.
11 Mi konosé tur parha di e serunan; i tur loke ta move den kunuku ta di Mi.

 

8. Ken ta hasi hende kapas pa gana rikesa?
Deuteronomio 8:18 Ma kòrda Señor bo Dios, pasobra ta E ta dunabo poder pa gana rikesa, pa E konfirmá Su aliansa ku EI a hura na bo tatanan, manera ta awe.

 

9. Kua palabranan di Kristo ta mustra ku hende no ta doño original, ma mayordomo di e propiedat di Dios?
Mateo 25:14 "Pasobra e reino di shelu ta manera un hòmber ku ta bai hasi un biahe pa un tera leu, i kende a yama su esklabunan i a entregá nan su propiedat.

 

10. Kon tempran den historia di mundu nos ta lesa tokante pagamentu di diesmo?
Hebreonan 7:1, 2
1 Pasobra e Melkisedek aki, rei di Salèm, saserdote di e Dios Haltisimo, kende a sali kontra ku Abraham ora ku esaki tabata bolbe di e derota di e reinan i a bendishon'é,
2 na kende Abraham a duna tambe un désimo parti di tur e botin, tabata primeramente, segun e tradukshon di su nòmber "rei di hustisia," i tambe rei di Salèm, loke ta nifiká "rei di pas."
Genesis 14:17-20
17 Anto despues ku el a bolbe di e derota di Kedorlaomer i e reinan ku tabata huntu kuné, rei di Sodoma a sali bai kontr'é na e vaye di Save (esta, e Vaye di Rei).
18 I Melkisedek, rei di Salèm, a trese pan i biña; awor e tabata un saserdote di e Dios Haltîsimo.
19 I el a bendishoná Abram i a bisa: "Bendishoná sea Abram di e Dios Haltísimo, Kreador di shelu i di tera;
20 i bendishoná sea e Dios Haltisimo, Kende a entregá bo enemigunan den bo man." I Abram a dun'é un diesmo di tur kos.

 

11. Kua voto Jakob a hura na Bethel?
Genesis 28:20-22
20 E ora ei Jakòb a hasi un huramentu, bisando: "Si Dios ta ku mi i ta wardami riba e biahe aki ku mi ta hasi, i ta dunami pan pa kome i paña pa bisti,
21 i ami bolbe kas di mi tata sano i salvo, e ora ei SEÑOR lo ta mi Dios.
22 I e piedra aki, ku mi a pone para komo un pilar, lo ta Dios Su kas, i di tur loke Bo dunami, siguramente lo mi dunaBo un désimo parti."

 

12. Segun òrdu di ken Hesus a bira Sumasaserdote pa semper?
Hebreonan 6:20 kaminda Jesus, Kende a bai nos dilanti, a drenta pa nos. El a bira Sumosaserdote pa semper, segun e òrdu di Melkisedek.

 

13. Kristo a aprobá e pagamentu di diesmo e mes?
Mateo 23:23 "Ai di boso, eskribanan i fariseonan, hipokritnan! Pasobra boso ta duna un di dies parti w di menta, eneldo i komino, i boso a neglishá loke ta mas importante di e Lei: hustisia, miserikòrdia i fieldat. Ma esakinan ta e kosnan ku boso mester a hasi sin neglishá e otronan.

 

14. Kua akto un hende ku no ta pagamentu diesmo i ofrenda, ta kometé?
Malakias 3:8 "Hende lo hòrta Dios? Tòg boso ta hòrtaMi! "Ma boso ta bisa: 'Kon nos a hòrta Bo?' "Ku diesmo i ku ofrenda.

 

15. Den kiko nos mester pone Señor na prueba i riba kua kondishon e ta primintí bendishon abundante?
Malakias 3:10, 11
10 Trese henter e diesmo den mangasina, pa por tin kuminda den Mi kas, i poneMi na prueba awor den esaki, " e Señor di ehérsitonan ta bisa, "si Mi lo no habri pa boso e bentananan di shelu, i basha asina tantu bendishon, ku boso lo no tin sufisiente lugá pa konten'é.
11 E ora ei lo Mi reprendé e devoradó pa boso, pa e no destruí e frutanan di tera; tampoko boso mata di wendrùif den kunuku lo no laga su drùifnan kai promé ku su tempu," e Señor di ehérsitonan ta bisa.